Greziak eta Europar Batasunak adostasuna hitzartu dute

  • Astelehen goizaldean lortu dute ados jartzea Greziako gobernuak eta Europar Batasuneko agintari nagusiek: Europako Kontseiluko lehendakari Donald Tuskek eman du albistea goizeko 08:55ean.


2015eko uztailaren 13an - 09:20
Alexis Tsipras bilera aurretik The Guardian egunkariak publikatutako argazkian.

Bart Europako liderrek, Alemania buru zuen talde gogor baten bultzadaz, baldintza izugarri zorrotzak ezarri zizkioten Greziari hirugarren erreskatea hitzartu ahal izateko, tartean hiru eguneko epean Atenasko gobernuak onartu eta ezarri ditzala Troikak esijitutako murrizketa neurriak.

Gauean, Alexis Tsiprasek besterik ezinean baldintzok onarturik, negoziaketa maratoia baino luzeago eta akigarria erabili behar izan dute Europako liderrek goizean adostasuna sinatua zela iragarri ahal izateko.

Akordioaren gakoak

Syrizako agintariek onartu nahi ez zuten murrizketa eta pribatizazio multzoaz gain, epeen zurruntasuna da itun berriaren ezaugarri nagusia.

Asteazkena arteko epea dauka Atenasek itunak aurreikusitako neurri gehienak onartzeko. Hori kunplitu duela Eurotaldeak zertifikatuko du asteazkenean eta Europar Batasunako gobernuei jakinaraziko die, ondoren Europako parlamentuek –tartean Alemaniakoak– oniritzia eman diezaioten operazioari; hala jakinarazi du Eurotaldeko buru Jeroen Dijsselbloemek.

Alemaniako lehen ministro Angela Merkelek adierazi du Greziak eurogunea abandonatzeko aukera –Grexit delakoa– ez dagoena honez gero mahai gainean eta ukatu egin du Greziaren zorretan inolako zatirik barkatuko denik.

Merkelen iritzian, bere zor oso pagatzeko epeak luzatzea beste aukerarik ez zaio geratuko Greziari.


Kanal honetatik interesatuko zaizu: Syrizaren erronka
2020-07-16 | Mikel Eizagirre
Yanis Varoufakis
"Troikaren itzuleraren beldur bazara, badituzu horretarako arrazoiak. Troika itzuli egingo da"

Greziako Finantza ministro ohia susperraldi-funtsaren inguruko negoziazioez mintzatu da El Diario.es egunkariari eskainitako elkarrizketan. Asteburu hontan egingo da goi-bilera, eta Europar Batasuneko herrialdeek koronabirusaren efektuak leuntzeko funts komuna jasotzeko... [+]


Itaka

Itakan antzeztu du uda honetan Tsiprasek finantza erreskatearen amaiera. Abuztuaren 21ean emandako liturgia hartan solemnitate handiz mintzatu zen Odisea modernoaren bukaeraz.

Greziako kontinentearen mendebaldeko kostaldean dago Itaka, itsaso jonikoan. Handik mendebaldera,... [+]


2017-01-25 | Zabaldi
Nazioartea
Elkartasuna eta desobedientzia berriz ere kriminalizatuak

Iragan uztailaren 27an, Zabaldiko bi kide, brigada internazionalisten prestakuntza lanean ari ziren Tesalonikan. Hurriyako etxea hustua izan zen eta bi kideak atxilotuak. Urtarrilaren 26an, ostegunean, epaituak izanen dira.


2016-10-13 | ARGIA
Tsipras: "Ez dugu etsiko zorra berregituratzea lortu arte"

Syrizaren bigarren kongresuan Alexis Tsiprasek ikusmin handia sortu duen hitzaldia egin du. Aurrera begirako politika marraztu du greziar presidenteak. Hibai Arbide kazetariak jarraitu du ekitaldia Twitter bidez.


'Osasun Grexitik ez!' diru gabeko greziarrak hiltzera ez kondenatzeko

Europako oligarkiak ezarritako politika ekonomikoak bere murrizketekin Greziaren osasun sistema publikoa Hirugarren Mundukoen mailaraino hondoratu duenean, milaka mediku, zaintzaile eta klase guztietako herritar ahalegintzen dira artatzen dirurik ezagatik bazterrean geratutako... [+]


Eguneraketa berriak daude