Greba orokorra deitu du gehiengo sindikalak Hego Euskal Herrian
Maiatzaren 30erako greba orokorra deitu du gehiengo sindikalak Hego Euskal Herrian. Grebarako deialdia egin duten sindikatuak ELA, LAB, ESK, STEE-EILAS, EHNE, HIRU, CGT-LKN eta CNT dira, beste 50 kolektiboz gain.
Grebaren arrazoia, sindikatuek euren agirian adierazi dutenez, “gobernu guztiek politika neoliberalak” ezartzen dituztela da. “Erreforma batek hurrengo bat dakar, eta lan eta gizarte-eskubideen murrizketa batek beste bat”, azaltzen dute.
Sindikatuek esan dute EAJ Eusko Jaurlaritzan egoteak ere “ortodoxioa neoliberal berberarekin jarraitzeko bakarrik” balio izan duela: “Eraso berriak jasaten ari gara, bai EAEn baita Nafarroan ere: historiako aurrekonturik antisozialenak, zerbitzu publikoen atzeratzea eta hondatzea dakartenak; politika fiskal bidegabea eraldatzeko ezintasuna; sektore publikoarekin negoziatzeko ukapena…”.
EAEn egiten den zortzigarren greba orokorra da 2007tik, eta lehenengoa EAJren gobernu berria dagoenetik.
LABek jakinarazi duenez, martxoaren 14an materiala garraiatzen ari zela zama gainera erori ondoren larri zauritutako langilea zendu da asteartean. Jadanik hamazortzi lagun dira urtea hasi zenetik lanean hildakoak, sindikatuaren arabera, eta lan istripuen "gorakada... [+]
Langileen aldarrikapenak eztabaida politikoaren erdigunera eraman, eta aldaketa soziopolitikoa lortzeko "eragile aktibo" izanen dela nabarmendu du LABek 50. urteurreneko ospakizunean.
500 lagun batu dira Baionan buruturiko manifestazioan. Sektore publikorako erreformarekin Frantziako Gobernuak sektore pribatuko logika funtzionarioen baitan txertatu nahia salatzeko mobilizazioa ere izan da.
Eusko Jaurlaritzak EAEko Euskal Sektore Publikoan Euskararen Erabilera Normalizatzeko Dekretua onartu du otsailean. Duela 27 urteko dekretua ordezkatu du. Euskalgintzako eragileen ustez, Jaurlaritzak ez du baliatu “jauzi ausarta” emateko. Dekretu berriak ez du... [+]