Greba deialdia Gipuzkoako autobus enpresetan, "patronalak ez duelako hitza bete"
Gipuzkoako 30 autobus enpresatako 5.000 lagun inguru daude deituak grebara, hilaren 13,14, 20 eta 21ean. Sindikatuen hitzetan, "patronalak hitza bete ez duelako" daude derrigorturik erantzun bat ematera.
Sindikatuek eta patronalak badute aurreakordioa sinatuta, baina ekainaren 30ean egindako bileran hitzarmeneko puntu bat betetzeko prest ez zegoela azaldu zien patronalak, LAB sindikatuko kide Ziortza Ameztoik azaldu duen moduan Euskadi Irratiako Mezularia saioan.
Desatostasunak eragin dituen puntua dieten gainekoa da. Dietak arautuak daude Espainiako Estatuko lan ordenantzan, baina Gipuzkoako hitzarmenean ez zen hark zehaztutakoa betetzen. Sindikatuen helburua da gipuzkoan ere aplikatu dadin lortzea, eta hala adostu zuten patronalarekin, "baina sinatutakoa betetzeko intentziorik ez dute orain", salatu du Ameztoik.
Sindikatuek dei egin diete erakundeei esku har dezaten, gatazkaren parte ez badira ere, "erantzukizuna" dutelako. "Administrazioak arduraz jokatzeko eskatu behar dio patronalari". Bestetik, konbenioa bertan behera geratu zen ekainaren 30ean eta, hortaz, autobus enpresek aukera dute langileei Estatu mailako hitzarmena aplikatzeko, legalki behintzat. "Dena den, ez dugu uste hala egingo dutenik", adierazi du Ameztoik, egoerak okerrera egingo lukeelako.
AHTren kontrako eta trenaren aldeko eragileek deituta, manifestazioa egingo dute Altsasun apirilaren 20an, larunbatarekin, tren-azpiegiturak berritu eta trenen maiztasuna handitzea eskatzeko. Alternatiba bat badagoela gogorarazi dute deitzaileek eta azterketa hori aurrera... [+]
EH Bilduren helegite baten bidez, Gipuzkoako Lurralde Auzitegiak berriz ireki du Bidegi auziko bi kereiletako bat, AP1 autobidearen Eskoriatza-Arlaban zatiari dagokiona. Pasa den irailean Azpeitiko epaitegiak erabaki zuen kasua behin behinean artxibatzea. Orain, auzitegiak... [+]
Gaueko tren bidaia arruntak desagertu egin ziren duela urte batzuk ia Europa osoan, airezko garraioaren mesedetan. Baina larrialdi klimatikoak hegazkin kutsagarriak alboratzera eraman du jende asko orain, eta ordu txikitako tren sarea berriz ere martxan jarri nahian ari dira... [+]
Eusko Jaurlaritzako Garraio sailburuak onartu du herritarrak "nekatuta eta haserre" daudela obren iraupenarekin. "Euskal Y" deiturikoaren hormigoizko azpiegituraren lanak 2025ean amaituko direla hitz eman du, baina gaineko egitura guztia eta hiriburuetarako... [+]
Hasiera batean alderdiak garestitu egin nahi zituen Barik txartel anonimo eta aldi baterako abonuak, baina azkenean atzera egin du. Beherapena berriz otsailaren bigarren erdialdean indarrean sartuko dela aurreikusten du.