Gose greban hasi da Izaskun Lesaka preso politiko burlatarra
Bere senideek Etxerati jakinarazi diotenez, Poitiers-en (Frantziako Estatua) preso den Izaskun Lesaka euskal preso politikoak gose greba hasi du bere bikotekideak, Joseba Iturbidek, joan den ekainaren 28an hasitakoari batuz.
Lesaka Mitardean (zigor ziega) sartu zen bere borondatez ekainaren 15ean. Ateratakoan, bere salaketa gogortu egin du gose greba hasiz. Bi presoek kartzela berean izatea aldarrikatzen dute, beste edoizein senideri dagokion bisita eskubidea baliatuz.
Bestalde, Lesakarekin batera Poitiersen dauden gainontzeko euskal preso politikoek ere protesta neurriak abiatu dituzte bi preso horien elkartasunez. Horrela, Maite Aranaldek astelehenean hasi du 24 orduko baraualdia, eta Raul Adunak, Josu Urbietak eta Montxo Vareak 24 orduko txandakako baraualdia.
Albiste hau Ahotsa.info-k argitaratu du eta CC-by-sa lizentziari esker ekarri dugu ARGIAra
Espainiako Auzitegi Nazionaleko Manuel Carcía Castellón epaileak sei pertsona epaituko ditu Ongietorrien auzian: Antton López Ruiz Kubati, Kai Saez de Egilaz, Pipe San Epifanio, Haimar Altuna, Oihana Garmendia eta Oihana San Vicente. Guztiak Sortuko kideak... [+]
Astelehenean jakinarazi du albistea Etxerat elkarteak. Otxandioko preso politikoa baldintzapeko askatasunean zegoen 2023ko martxoaz geroztik.
Kontzertuen bidez euskal preso eta iheslariak laguntzea da xedea. Aurten, Rakatapunk, Xutik eta Esne Beltza dira egitarauan.