15 egun eman ditu Asier Guridik gose greban, atxiloaldiaren baldintzak hobe diezaizkioten aldarrikatzeko. Venezuelako poliziek hartu zuten atxilo, Espainiak eskatu ostean.
Venezuelako Gobernuak atxiloaldiko baldintzak hobetu dizkiolako utzi du gose greba.
Herrialdeko gizarte eragileek salatu dutenez, egoera “kaxkarrean” eduki dute presoa. Diotenez, egunean bost minutu baino ez zizkioten ematen komunera joateko eta dutxatzeko, eta ziegako argia piztuta uzten zioten egun osoan. Ondorioz, osasun arazoak izan ditu.
Herrien arteko hainbat elkartasun taldek eskatzen dute presoa Venezuelan bertan uzteko. Haien hitzetan, Guridik “jazarpen politikoaren ondorioz” egin zuen alde Euskal Herritik. Gogorarazi dutenez, Venezuelak ez ditu preso politikoak jatorrizko herrialdera bueltatzen. Ondorioz, askatzeko exijitu dute, eta atxikimendu bilketa hasi dute interneten.
Caracasen dago egun preso, Venezuelako Inteligentzia Zerbitzuaren egoitzan. Orain, Espainiako estatura bidali dezakete segurtasun indarrek, baina Espainiak ez du oraindik estradizio agindua bidali.
Pakito Arriaran Herrien Arteko Elkartasun Fundazioak babesa adierazi dio Guridiri. Fundazioaren webgunean, iheslaria haren herriaren alde egindako “borrokarengatik” atxilotu dutela salatu, eta “kausa zilegi baten alde” aritu dela gogoratu dute. Horregatik, Guridi ez Espainiaratzeko dei egin diote Venezuelari.
Urte luzez egin du borroka, nortasun juridikoa aitor ziezaiotela exijitzeko. Herrigabe eta heriotza zibil egoeran izan dute hamar urtez Venezuelan.
Etxerat elkarteak jakinarazi duenez, Luis Elisardo Roncero Retortillo gasteiztarra eta Anartz Aranbarri Etxaniz ondarrutarra Euskal Herrira itzuli dira. Biak euskal gatazkak eragindako iheslari ohiak dira.
2002an sortu zen Ataramiñe argitaletxea, eta ordutik euskal errepresaliatu politikoek idatzitakoak argitaratu ditu. 2017ra arte lan kolektiboak argitaratu zituen, eta horietako zenbaitekin antologia osatu du: Urrun da zeru urdina. Ataramiñe 2002-2017. Ez da... [+]
Biarritz, 1972ko urriaren 14an. Javalquinto lorategietan, udaletxearen ondoan, Nguyen Van Dong vietnamdar herritarra suizidatu zen, bere buruari bonzo erara su emanda.
Xanti Zapirain Elizalde “Kaiku” hil dela jakinarazi du Antxeta Irratiak asteazken honetan. Altzan (Gipuzkoa) jaioa 1953an, 20 urte zituela Hendaiara (Lapurdi) ihes egin zuen Frankismoaren jazarpen politikotik ihesi eta errefuxiatu-bizitzaren alderik garratzenak... [+]