Gose greba hasi dute Itziar Moreno eta Ekhi˝e Eizagirre euskal presoek Fresnesen

  • Fresnesko kartzela zuzendaritzak lekuz aldatuko dutela jakinarazi dio Itziar Morenori. Ez diote lekua eta data zehaztu oraindik. Etxeratek jakinarazi du isolamendu egoeran jarraituko duela bitartean. Egoera salatzeko, Morenok gose greba hasi du astelehenean.

Ane Urkola Agirrezabala @irrikaz
2016ko maiatzaren 23a
Mobilizazioak ugaritzen ari dira Fresnesko espetxean gose greba egiten ari diren presoekin elkartasunez.

Fresnesko nesken moduloko zuzendaritzak jakinarazi dio Morenori kartzelaz aldatuko dutela, "noiz eta nora zehaztu gabe". Ondorioz, Morenok gose greba hasi du "isolamendutik atera arte". Kartzela berean dagoen Ekhiñe Eizagirrek ere gose greba hasi du eta Iratxe Sorzabal janariari uko egiten hasi da.

Itziar Moreno isolamendu egoeran dago maiatzaren 2az geroztik. Zuzendaritzak leporatu zion kartzelako bizi baldintzak hobetzeko mobilizazioen buru izatea. Morenoren egoera salatzeko, Fresnesko hainbat preso politikok gose greba mugagabea hasi zuten maiatzaren 10ean.

Osnyko espetxean dauden presoen baraualdia

Osnyko espetxean dauden lau euskal preso politiko protesta ugari egiten ari dira Fresnesko espetxean gose greba mugagabea egiten ari diren presoekin elkartasunez. Maiatzaren 17az geroztik –pasa den asteartea– , txandakako baraualdi mugagabea egiten ari dira Osnyko espetxeko lau euskal preso politiko, eta horrela jarraituko dute Itziar Moreno isolamendutik ateratzen duten arte.

Ohar baten bidez salatu dute Morenok isolamenduan jarraitzen duela, eta larria dela bere egoera. Gogorarazi dute Nazio Batuen Torturaren aurkako Batzordeak torturatzat jo duela isolamendua 15. egunetik aurrera.

Era berean, Fresnes eta Osnyko espetxeetako zuzendaritzei, Jean-Jacques Urvoas Frantziako Justizia ministroari eta Lourence Le Vert instrukzio epaileari gutuna bidaliko diete Morenoren egoera salatzeko. Larunbat arratsaldero kontzentrazioak egingo dituzte espetxeko patioan, eta kartelak ipiniko dituzte.

Protesta ugari kalean ere

Kalean ere protesta ugari egin dituzte Itziar Morenoren egoera salatzeko. Parisko Elkartasun Komiteak kontzentrazioa egin zuen larunbatean Fresnesko kartzelaren aurrean. Luzio Urtubia militante anarkista historikoak ere hartu zuen parte.

Euskal preso politikoen hainbat senidek eta lagunek gutuna entregatu zioten Frantziako enbaxadoreari Bilbon. Eskatu diote “bere esku dagoen guztia” egin dezala Itziar Morenoren isolamendua amaitzeko.

Hainbat mobilizazio ere egin dituzte Morenoren egoera salatzeko. Uribe Kostan, esate baterako, 130 pertsona inguruk hartu zuten parte Amnistiaren Aldeko Mugimenduak larunbatean deitutako manifestazioan.

ELA, LAB, ESK, STEILAS, EHNE eta HIRU sindikatuek kontzentrazioa egingo dute asteartean Frantziako enbaxadoreak Bilbon duen egoitzaren aurrean, 13:00ean. Sindikatuek eskatuko diote kontsulari esku har dezala Morenoren isolamendu egoerarekin amaitzeko.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Euskal preso politikoak

Euskal preso politikoak kanaletik interesatuko zaizu...
2018-07-09 | ARGIA
Oskar Cadenas libre atera da Murtziako espetxetik, 18 urte preso egonda

Etxerat elkarteak jakinarazi duenez, uztailaren 8an libre atera da Oskar Carreras euskal preso politikoa, espetxean 18 urte eman ostean. Murtziako presondegian eduki dute azken urteotan.


Larri gaixo dagoen Manu Azkarate presoak zimitzez betetako ziega batean sartu dutela salatu du

Alcala Meco espetxean dago tolosarra, eta atzo bere galerian izandako miaketa orokor baten ondorioz gertaturikoaren harira egin duela salaketa azaldu dute senitartekoek.


2018-07-08 | Lander Arbelaitz
Orain Presoak dinamika
"Salbuespen legedia alde batera utzi behar du Espainiako Estatuak"

Sara Majarenas (1980, Donostia) eta Felix Arrietarekin (1982, Donostia) bildu gara. Sarek bultza duen Orain Presoak dinamikan parte hartzen ari dira. Lehena preso ohia eta indarkeria matxistaren biktima, orain bi hilabete askatu dute; bigarrena, Deustuko unibertsitateko irakaslea da. Lau aldarrikapen zehatzen inguruan babesa bilatzen ari dira eta urriaren 20rako manifestazioa deitu dute Bilbon. Espainiako Estatutik aldaketaketor litezkeela sumatzen den egunetan mintzatu gara beraiekin.


Grande Marlaska tortura salaketen inguruan: "Egia bakarra egia judiziala da"

Espainiako Barne ministro Fernando Grande Marlaskak, zalantzan jarri du Eusko Jaurlaritzako tortura salaketen gainean egindako txostena. Eta gaineratu du ez dagoela ebazpen judizialik 4.000 edo 5.000 tortura kasuak eman direla esaten duenik.


2018-07-05 | Nahia Ibarzabal
Jose Ramon Lopez de Abetxuko aske gelditu da 29 urteren ondoren

Preso gasteiztarra gaur goizean irten da Asturiaseko espetxetik. Gaixotasun koronarioarekin larri dago.


2018-07-02 | ARGIA
Hegoaldeko sindikatu guztiak presoak hurbiltzearen alde azaldu dira

Eusko Legebiltzarrean ekainaren 13an eta Nafarroako Parlamentuan ekainaren 29an erdietsitako akordioen ondoren, Hego Euskal Herriko sindikatu guztiek espetxe politikaren aldaketa eta presoen hurbilketa eskatu dute.


2018-06-29 | ARGIA
Bizikleta martxa presoen egoera larria amaitzeko

Sarek euskal presoen salbuespenezko egoera aldatzeko helburuz bizikleta martxa bat antolatu du uztailaren 20tik 23ra bitartean. Txirrindulariak Landestako Mont-de-Marsango espetxetik aterako dira eta Arabako Zaballan amaituko da.


2018-06-27 | ARGIA
Sanchezek dio gaixo dauden euskal presoak eta 70 urtetik gorakoak hurbiltzen hasiko direla

Espainiako Gobernua euskal preso politikoak Euskal Herrira hurbiltzen hasiko da. Horretarako, gaixo daudenak eta 70 urtetik gorakoak izango dira lehenak, Pedro Sanchezek Espainiako Kongresuan zeuden kazetariei era informalean esan eta Naizek jaso duenez, beste hainbat hedabideren artean. Espetxe politika aldatzeko babesa eskatu duela dio.


2018-06-26 | Hainbat egile*
Hamabost urteko espetxe zigorra Sanchez, Etxebarria eta Zapirain euskal preso politikoentzat

Espainiako Audientzia Nazionalak 15 urteko espetxe zigorra ezarri die Saioa Sanchez, Beatriz Etxebarria eta Iñigo Zapirain euskal preso politikoei. Kaleratutako epaian, aipatutako zigorra ezartzeaz gain, epaileek torturaren praktikaren zigorgabetasuna eta zuriketa bermatzeko urrats berri bat eman dute.


Euskal preso politikoen egoeran aldaketak iradoki ditu Pedro Sanchezek

Presidente bezala eman du bere lehen elkarrizketan Euskal Herriko eta Kataluniako preso politikoen egoeraz hitz egin du Espainiako Telebista publikoan.


Azkenak
EGILEA
Eguneraketa berriak daude