OMEk kantzerigenotzat duen glifosato herbizidaren baimena bost urtez luzatuko du Europak

  • Europako Batzordeak 2022. urtearen amaierara arte eta baldintzarik gabe luzatuko du glifosatoaren baimena, EBko Landare, Animalia, Elikagai eta Pentsuen Batzordean (SCoPAFF) estatu kideek horren alde bozkatu eta gero. Eurolegebiltzarrak eskatua zuen bost urte barrurako erabat debekatzea 2015ean kantzerigenotzat sailkatutako konposatua.  

Unai Brea @unaibrea
2017ko azaroaren 27a
Glifosatoaren baimena luzatzearen aurkako mobilizazioa Bruselan.

Hainbat saiakera behar izan du SCoPAFF Batzordeak munduan gehien saltzen den herbizidaren baimenaz, norabide batean edo bestean, gehiengo kualifikatua lortzeko. Hau da, estatuen erdiek baino gehiagok bozkatu behar dute aukera baten edo bestearen alde, eta EBko herritar guztien %65etik gora ordezkatu behar dute estatu horiek. Orain arte abstenitu egin den Alemaniak baiezko botoa ematea erabakigarria izan da.

Abenduaren 15a baino lehen erabaki behar du Europako Batzordeak glifosatoaren baimena luzatu edo etetea, eta luzatzekotan, zenbat denborarako. Epe horretan gehiengo kualifikaturik izan ez balitz estatuen bozketetan, Batzordeak eskumena edukiko zukeen bere kabuz glifosatoaren baimena berritzeko, horixe izan baita haren nahia hasieratik. Azkenik, egin egingo du, baina SCoPAFFen onespenarekin, eta bost urterako baizik ez. Luzapena hamabost urterako ematea zen Bruselako agintarien hasierako asmoa.

Urriaren 24an Europako Parlamentuaren gehiengoak herbizida polemikoari beste bost urterako baimena ematearen alde bozkatu zuen, erabilera mota batzuk berehala debekatuz eta epe hori amaitutakoan konposatua behin betiko debekatuz. Baina Europako Batzordeak ez du Legebiltzarraren erabakia aintzat hartu, eta ez zaio glifosatoaren inolako mugarik gabe ezarriko 2022ra arte.    

Azken urteetan eztabaida handia egon da glifosatoaren toxikotasunaz. Osasunaren Munduko Erakundearen menpeko IARC organismoak segur aski kantzerigenoen artean sailkatu du herbizida, baina Europako hainbat agentziak esan dute ez dagoela ebidentziarik hala denik pentsatzeko. Glifosatoa merkaturatu zuen Monsantok, berriz, urte askoan ezkutatu ditu substantziaren toxikotasunaren berri bazuela frogatzen duten barne-agiriak. Duela hilabete batzuk, 1.300.000 sinadura aurkeztu ziren Europako Batzordean glifosatoa debekatzeko eskatuz.

Glifosato ekoizleen lobbyak, Glyphosate Task Force delakoak, iragarria zuen epaitegietara joko zuela abenduaren 15era konposatuaren baimena berritu gabe iritsiz gero.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Glifosatoaren debekua kanaletik interesatuko zaizu...
2017-11-02 | Unai Brea
Zergatik da hain garrantzitsua Monsantorentzat glifosatoa defendatzea?

2016ko hasieratik bosgarren aldiz, Europako Batzordeak ez du lortu EBko estatu kideen gehiengoa glifosato herbizidari baimena luzatzearen alde agertzea. Indarrean dagoen baimena aurtengo abenduaren 31n iraungiko da, eta beste hamar urterako berritu nahi du Batzordeak, erabilerari inolako mugarik ipini gabe.


2017-10-29 | Unai Brea
Monsantoren eskuliburua: zientzialarien lana desitxuratu, pozoia saltzen jarraitzeko

Urriaren 25ean glifosato herbizidaren merkaturatze-baimena luzatu edo eteteaz bozkatuko dute Europar Batasuneko estatu kideek. Aurtengo abenduaren 31n iraungiko da gaur egun indarrean dagoen baimena, eta Europako Batzordeak beste hamar urterako berritzea proposatu du, 2015ean IARC erakundeak –minbizia aztertzen duen OMEren menpeko organismoa– glifosatoa seguraski kantzerigenoa dela esan arren.


2017-10-13 | Unai Brea
Monsantoren eskuliburua: zientzialarien lana desitxuratu, pozoia saltzen jarraitzeko

Urriaren 25ean glifosato herbizidaren merkaturatze-baimena luzatu edo eteteaz bozkatuko dute Europar Batasuneko estatu kideek. Aurtengo abenduaren 31n iraungiko da gaur egun indarrean dagoen baimena, eta Europako Batzordeak beste hamar urterako berritzea proposatu du, 2015ean IARC erakundeak –minbizia aztertzen duen OMEren menpeko organismoa– glifosatoa seguraski kantzerigenoa dela esan arren.


Glifosatoa, europar baratzeetatik desagertzear?

Europar Batasunak urtea amaitu baino lehen erabaki behar du glifosatoa –munduan gehien saltzen den herbizida– erabiltzeko baimena luzatuko duen ala ez. Monsantok 70eko hamarkadan merkaturatutako substantzia 40 enpresak baino gehiagok saltzen dute gaur egun; “segur aski minbizi-eragilea” dela esan zuen Minbizia Ikertzeko Nazioarteko Agentziak 2015ean.


30 eurodiputatuk glifosatoaren baimena ez luzatzeko eskatu dute

Europako Parlamentuko 30 legebiltzarkidek glifosato pestizida salerosteko baimena ez luzatzeko eskatu diote Jean-Claude Juncker Europako Batzordeko presidenteari.


2017-02-08 | Unai Brea
Milioi bat sinaduraren bila, glifosato pestizidaren debekua eskatzeko

Europar Batasunean gehien erabiltzen den pestizida da glifosatoa. Europako Batzordea hura merkaturatzeko baimena luzatzen duen edo ez erabakitzen ari den bitartean, herritar talde batek abian jarri du substantzia debekatzea helburu duen herri ekimen legegile (HEL) bat. Haien eskaria formalki batzordera iritsi dadin, milioi bat sinadura bildu behar dute 2018ko urtarrilaren 25era bitartean. Izenpeak gutxienez EBko zazpi estatutan jaso behar dituzte.


2016-05-20 | Unai Brea
Europako Batzordeak ez du lortu oraingoz glifosato pestizidaren baimena luzatzea

Bigarrenez, bertan behera utzi dute glifosatoaren baimena luzatzeari buruzko bozketa Europako Landare, Animalia, Elikagai eta Pentsuen Batzorde Iraunkorrean. Europako Batzordeak pestizida ezagun hori, munduan zabalduena, beste bederatzi urtez baimentzeko proposamena eraman du –ekainaren 30ean agortuko da gaur egun indarrean dagoen baimena–, baina behar adinako gehiengoa lortuko ez zutenez, ez dute bozkatu ere egin.


2016-03-09 | Unai Brea
Kantzerigenoen zerrendan dagoen glifosato herbizidari buruzko erabakia atzeratu du Europak

Kontsentsu zientifiko (eta politiko) ezak eta talde ekologisten presioak eraginda, Europar Batasunak maiatzerako utzi du glifosato herbizidaren baimena luzatzeari buruzko erabakia. Osasunaren Munduko Erakundeak "segur aski kantzerigenoen" zerrendan sailkatu zuen glifosatoa 2015eko martxoan, baina Europako Batzordeak baimena beste hamabost urtez luzatzeko proposamena egin du, substantzia arriskutsua ez dela dioen Europako Elikagaien Segurtasun Agentziaren (EFSA) txosten batean... [+]


Azkenak
EGILEA
Eguneraketa berriak daude