Asteazken eguerdian jazo zen erasoa, Donostiako Egia auzoko Egia kalean. Segurtasun Sailak emandako informazioaren arabera, eguerdiko 12:00ak aldera gertatu zen erasoa. Jazarria izan zen emakumea kaletik zioan, eta atzetik hurbildu zitzaion gizona. Parera heldutakoan, ukituak egin zizkion.

Emakumeak aurre egin zion 40 urteko gizonari, eta erasotzaileak alde egin zuen. Ertzaintzari gertatutakoaren berri eman zion emakumeak, eta patruila bat bertaratu zen. Gizona inguruetan atzeman zuten, eta atxilo eraman. Ostegun goizean epailearen esku utzi dute.