Gizon batek emaztea eta bi alaba hil ditu Angelun

  • Ipar Euskal Herrian aurten gertatu den bigarren hilketa da biolentzia matxistagatik. Azkena, Angelun (Lapurdi). Adingabekoak ziren alabak, 11 eta 16 urte zituzten. Euren etxean hil ditu gizonak, Belle Marion kalean. Sei emakume hil dituzte jada aurten Euskal Herrian indarkeria matxistagatik.


2016ko ekainaren 22an - 10:06
Elkarretaratzea Gasteizen emakumeen aurkako indarkeria gaitzesteko, ekainaren 21an. (Argazkia: @ArabakoALEA)

Ez dago garbi azken hilketak nola gertatu diren. Iturri desberdinen arabera ekainaren 20an hil zituen gizonak emaztea eta alabak, tiroka, baina asteartean egin zuen bere buruaz beste hiltzaileak, polizia etxean sartzen hasi zenean. Orduan aurkitu zituzten gorpuak. Hiru alaba zituzten eta “familiako drama” izan dela esan du Claude Olive Angeluko alkateak.

Aste batean lau emakume hil dituzte biolentzia matxistagatik Euskal Herrian. Pasa den astean gizon batek emakume bat hil zuen Gasteizen eta ondoren ibaira bota zuen. Emakumea hil eta aste betera jakinarazi zion hilketaren berri eraileak Ertzaintzari.  

Manifestaziora deitu du arratsalderako Angeluko mugimendu feministak. Gasteizen ere protestarako deia egin dute gaurko. Atzo ere atera ziren kalera biolentzia matxistaren aurka, beste behin. Euskal Herriko Emakumeen Mundu Martxak bat egin du manifestazioarekin eta ekainaren 23rako mobilizazioak iragarri dituzte.


Kanal honetatik interesatuko zaizu: Indarkeria matxista
Materialismo histerikoa
"Mario Lopez" eta "Gernika"

Krimen matxistak, mediatizatzen direnean, emakumeontzat lezio bilakatu ohi dira, eta bizirik badago, biktimarentzat. Nerea Barjola ikertzaileak Alcasserko kasuaren bidez azaldu zigun hori. Eta Nagore Laffageren hilketak ere lezio astun bilakatzeko arriskua izan zuen, lezioa... [+]


Diego Yllanesi ukatu egin diote haren inguruko albisteak ezabatzea

Nagore Laffagen hilketaren harira, Diego Yllanesek ahaztua izateko eskubidea aldarrikatu du. Espainiako Auzitegi Nazionalak eskaerari uko egin, eta erabaki du informazio eta adierazpen askatasuna gailentzen zaizkiola.

 


Epailearen aurrera eraman dute bikotekide ohia giltzaperatu eta eraso egiteagatik atxilotutako gizona

Ertzaintzak jakinarazi duenez, gizonak Gasteizko Alde Zaharreko lonja batean bahituta izan du emakumea zenbait orduz, eta hainbat alditan egin dio eraso. Gizonak urruntze agindua zuen, aurrez egindako tratu txarrak tarteko. Astelehen goizean atxilotu zuen Ertzaintzak, eta... [+]


2024-03-15 | ARGIA
Gizon bati Iruñerriko institutu batean eta saltoki batzuetan emakumeak grabatzea leporatu diote

2023ko urrian jarritako salaketa baten harira, gizonaren etxeko gailu informatiko eta elektronikoak ikertzen ari da Foruzaingoa, eta material horretan aurkitu dituzte institutu bateko emakumeen komunetan egindako grabazioak, eta hainbat saltokitako aldageletakoak. Adimen... [+]


Gasteizen atxilotutako gizona espetxera bidali dute, bikotekidea labankadaz hiltzen saiatzeagatik

Astearte honetan, herritarrek eta erakundeek erasoa gaitzetsi dute udaletxe aurrean egindako elkarretaratzean.


Eguneraketa berriak daude