Erasoak Ibarrangeluko ostatu batean gertatu dira. Ustezko erasotzaileak 25 urte ditu eta Gernika-Lumon atxilotu dute. Ostiralerako kontzentrazioa deitu du mugimendu feministak.
Ertzaintzak jakinarazi duenez, astearte goizaldean erasotuak izan zirela salatu zuten bi emakumek. Biak Ibarrangeluko ostatu batean zeuden, lotan. Erasotzailea baimenik gabe euren oheetan sartu zen. Emakumeetako bat bortxatu egin zuen, eta bestea erasotu. Astearte arratsaldean atzeman du Ertzaintzak ustezko erasotzailea. Polizia etxean dago ordutik.
Gernikako mugimendu feministak erasoa salatu eta kontzentrazioa deitu du ostiralerako, “”Erasorik ez! Autodefentsa feminista” lelopean.
🚨 Ertzaintzak gizonezko 1 atxilotu du Madalenatan emakume 1 bortxatu ta beste bati eraso egiteagatik. Hori dela ta, Gernikako Sare Feministak elkarretaratzea deitu du. Violación y abuso sexual en Ibarrangelua. ¡El viernes saldremos a la calle para mostrar nuestra repulsa! 🚨 pic.twitter.com/1IwfQQIiCu
— Gernikako Sare Feminista (@GernikaFeminist) July 24, 2019