Gizarte politiketan ere murrizketak egingo dituela aitortu du Jaurlaritzak

  • EAEn “seguru aski” gizarte prestakuntzetan murrizketak izango direla azaldu du Juan María Aburto Enplegu eta Gizarte Politika sailburuak, nahiz eta ez duen zehaztu zehazki zein arlotan. Ricardo Gatzagaetxebarriak ere aste honetan aurreratu du osasunari eta hezkuntzari “zerbaitek eragin beharko” ziola.

Martin Vicioso @martinvicioso
2013ko otsailak 07
Juan Maria Aburto, Bizkaiko Foru Aldundiko bozeramailea zenean (Argazkia: eitb.com)

Aburtok bere sailaren ildo nagusiak aurkeztu berri ditu. Lehentasuna enplegua dela adierazi du, eta zeharkako politiken eskumenen transferentzia eskatuko dio Espainako Gobernuari. Iñigo Urkulluk enplegu plan bat aurkeztuko duela jakinarazi du. Gehienbat, gazteei zuzenduta egongo da, eta “autoenplegua eta jarrera ekintzaileak sustatzeak garrantzia handia edukiko du”. Etxebizitzan ere gastua jaitsiko dela aurreratu du. Bere ustez, hobea da horretan aurreztea gizarte prestakuntzetan baino.

Gizarte zerbitzuetan berrordainketak aplikatuko dituztela azaldu du sailburuak. Zehazki non izango diren esan ez badu ere, adinekoen egoitzetan izan daitekeela aipatu du. Dena den, ez omen ditu bi “marra gorri” zeharkatuko: prestaziorik gabe geratzea ordaindu ezin izateagatik, alde batetik, eta botere ekonomiko handiagoa izateagatik gehiago ez edukitzea, bestetik.

Sindikatu eta enpresarien arteko elkarrizketa premiazkoa dela azpimarratu du. Izan ere, milaka langileren eskubideak “pikutara bidaltzeko arriskua” dago. Halaber, beren etxebizitzetatik kaleratuak izan diren pertsonetan arreta jarriko dutela esan du, alokairu soziala bultzatuz, “botere publikoek etxebizitza, eta ez jabetza, bermatu behar baitute”.

Kanal hauetan artxibatua: Murrizketak  |  Enplegua  |  Berrordainketa

Murrizketak kanaletik interesatuko zaizu...
2016-06-23 | dantzan.eus
60 jaialdi diru-laguntzarik gabe utzi ditu Eusko Jaurlaritzak

Jaialdietarako diru-laguntza deialdia kendu du Eusko Jaurlaritzak. Aurten diru-laguntzarik ez dela izango abisatu gabe egin du gainera, dagoeneko gastuak egin dituzten hainbat jaialdi desagertzeko arriskuan jarriz.


15.000 sinaduratik gora 3.000 irakasle kaleratzearen aurka

Irakasle talde batek Hezkuntzan murrizketa gehiagorik ez sinadura bilketa abiatu eta egun gutxira 15.000 lagunek baino gehiagok egin dute bat. Datorren ikasturtetik aurrera, EAEko irakasleek astean bi lanordu gehiago egin beharko dituzte eta horrek, diote, 3.000 lanpostu inguru galtzea ekarriko du.


Berri-Otxoak elkarteak udal aurrean salatu du aterpetxe baten aldeko mozioa zentsuratu izana

"Herritarren parte-hartzearen aurkako estatu kolpea eta murrizketa sozialak" salatzeko kontzentrazioa egin dute Barakaldoko Udalaren aurrean. 


2016-02-01 | ARGIA
Grezia: Troikarekin negoziazio berria abian, errefuxiatuen aferaren erdian

Europako Batzordeak, Nazioarteko Diru Funtsak eta Europako Banku Zentralak osatzen duten Troikako ordezkariak Atenasera iristear dira Greziarekin negoziatzen hasteko.


Portugalgo ezkerreko alderdiek agintetik bota dituzte kontserbadoreak

Passos Coelhorena Portugalgo historiako agintaldi laburrena izan da, hamaika egun. Gehiengorik gabe gobernua osatu ostean, zentsura-mozioa onartu dute parlamentuan Portugal a Frenteren gobernuaren aurka ondorengo zentro-ezkerreko alderdiek: Alderdi sozialistak (PS), Ezkerreko Blokeak (BE), Alderdi Komunistak (PCP), Berdeek eta Alderdi Animalistak (PAN).


CUPen kartak mahai gainean: asanblada konstituziogilea eta neurri sozialak

Independentziarako prozesua “atzeraezina” dela azpimarratu du CUPek, eta  prozesuan “eskuzabaltasunez” jokatzeko prest agertu da. Baldintzak jarri dizkio Junts Pel Siri. Argi utzi du alderdiez haratago doala prozesua, eta nork baino, zer, noiz eta nola dela lehenik eztabaidatu beharrekoa.


Portugal: Troikaren ikasle txintxoena?

Gobernua osatzen duen Portugal a Frente zentro-eskuineko koalizioak irabazi ditu Portugalgo bozak, baina ez du lortu gehiengoa. Alderdi Sozialista geratu da bigarren. Abstentzioa handia izan da, %45,39koa.


EITB
Eta txoritxoak habia hustu zuen

Agur esateko momentua iristen ari zaie EITBn urtetan aritu diren hainbat profesionali. Hedabide publikoak azken hamarkadan izan duen kontratazio politikaren “albo-kalte” bihurtu dira, eta euren protestek markatu dute EAEko komunikazio talde nagusiaren azken urtea. Zerk eragin du tamaina horretako korapiloa? Eta, nola geratuko da EITB?


2015-04-24 | ARGIA
AHT gelditzeko exijitzeko manifestazio nazionala Donostian ekainaren 13an

Euskal Herriko hainbat eragilek AHT gelditzeko eskatuz kanpaina abiatu dute. Horretarako AHT gelditu orain! Xahuketa gehiagorik ez! Herritarrok erabaki! manifestua argitaratu dute. Orain atxikimendu bilketari ekingo diotela jakinarazi dute eta ekainaren 13an Donostian manifestazio nazionala deitu dute.


2015-03-24 | ARGIA
Elhuyar aldizkaria hiru hilean behin argitaratuko da aurrerantzean

Egoera ekonomikoak behartuta, Elhuyar aldizkariak maiztasuna murriztuko duela iragarri du. Hilabetekari izatetik hiru hilero argitaratzera pasatuko da.


Azkenak
EGILEA
Eguneraketa berriak daude