Gizakiaren aztarna Euskal Herrian, espaziotik ikusita

  • Europako Espazio Agentziaren mapa batek erakusten du urbanizazioaren eragina lurrean, lehen aldiz hirietatik kanpo ere bai.

Urko Apaolaza Avila @urkoapaolaza
2016ko azaroak 24

ESA Europako Espazio Agentziak mapa esanguratsu bat jarri du ikusgai interneten, webgune tematiko batean. 2012tik aurrera espazioko sateliteetatik ateratako erresoluzio altuko 180.000 argazkirekin Lurrak gizakiaren eskutik jasan duen triskantza begi-bistan: Aztarna urbano globala jarri dio izena.

Aurreko kartografia lanekin alderatuta badu berezitasun bat lan berriak: hirietatik kanpoko asentamendu eta herrixkak ere detektatzen ditu “12 metroko espazioa duen erresoluzioarekin, kasu batzuetan etxebizitza bakarrak ere bai”. Alemaniako teknologia erabiliz, orain artekoak baino 100 aldiz erresoluzio handiagoa duten radarrak erabili dituzte horretarako.

Hala, munduko edozein tokitan dauden elementu urbanoak markaturik aurkitzen dira mapan, baita Euskal Herrikoak ere. Esaterako, ikus daiteke Ipar Euskal Herriko kostaldeko hirigintza ereduarekin noraino hedatu den gizakiaren aztarna, eta Araban, Gasteizko hiri kontzentrazioaren desoreka ez dela hainbestekoa Arabako Lautadako herrixkak kontuan hartuta:

Egun, munduko biztanleen erdia hirietatik kanpo bizi da, nekazal herrixka eta guneetan. Mapa egin duen lantaldeko kide Mattia Marconcinik nabarmendu duenez erreminta hona izan daiteke “gaixotasunen transmisioa edo biodibertsitatearen gain dagoen presioa ulertzeko”.

Kanal hauetan artxibatua: Hirigintza  |  Aztarna ekologikoa

Hirigintza kanaletik interesatuko zaizu...
"Houstonen 'Harvey'k eragindako uholdeena hiri diseinu arazo bat da"

The Atlantic hedabidean Ian Bogostek hainbat adituren iritziak bilduz dio Houstongo uholdeak, hiri handietan gero eta usuago gertatzen diren besteak bezala, ekaitzak ekarri dien ur kopuru handiaren ondorioz baino gehiago gertatzen direla hiriek bere eraikuntza moduagatik urak ahalik eta arinen kanporatu nahiagatik. Ian Bogost Georgiako Teknologia Institutuan irakasle da eta publikatu duen azken liburua du Play Anything. Bere "Houston's Flood Is a Design Problem" artikuluaren... [+]


2017-08-02 | Xalba Ramirez
Donostiako Arroka kaleko frontoia eraitsi du Udalak

Amara auzoko frontoi enblematikoa eraisteari ekin dio Donostiako Udalak, hirigintza planean aldaketak egin ostean. Bizilagun elkarteen protesta zela eta galdeketa egin zuten joan den martxoan baina frontoia botatzearen alde agertu zen bozka eskubidea zuten bizilagunen gehiengoa.


2017-07-03 | Estitxu Eizagirre
A˝orga: 2.000 biztanleko auzoa multinazionalen jo-puntuan

Mc Donalds egun batzuetarako itxi izanaren poza zabaldu dute Añorgako auzotarrek, eta salatu dute auzoa multinazionalez bete diela udalak eta aldiz, oinarrizko zerbitzu publiko asko falta zaizkiela.


Natura nola bizi eremu urbanoko ikastetxeetan

Ados, baso eskolak eta naturaz inguratutako ikastetxeak abagune paregabea dira pedagogia berdearen onurez gozatzeko, baina Euskal Herrian asko dira hiri eta eremu urbanoetan kokatuta, asfaltoa lagun duten eskolak. Horiek ere, ordea, uste baino gertuago dute bioaniztasuna bertatik bertara lantzeko aukera. Horren lekuko, artikuluaren bukaeran aurkituko dituzun esperientziak.


Bilbora sartzeko bidesaria?

Bilboko Udaleko Zirkulazio zinegotziak egin du proposamena orain egun batzuk, Bizkaiko hiriburuan kotxe pribatuen joan-etorriak murrizteko.


Umeek orube bat konkistatu eta jolas-parke bihurtu zutenekoa

Erabili gabeko orube publiko eta itxia izan da hogei urtez, Madril erdialdean, harik eta haurrek eremua okupatu eta jolasteko gune ezin hobe bihurtu duten arte. Arkitekto, diseinatzaile eta pentsalari taldea auzokideekin batera eremu horretan zer egin eztabaidatzen ari zirelarik, konturatu ziren umeak eurak, planifikaziorik gabe, gunea transformatzen ari zirela jada, jolastuz, esploratuz, bertako baliabideak baliatuz.


2017-06-11 | Unai Brea
Zementuaren aurrean, aitzurrak

2011n amaitu zuten Getxo eta Berango arteko Ibarbengoako metro geltokia eraikitzen, baina ez da sekula erabili. Oraingoz gauzatu ez den plan handiago baten parte zen geltokia: 8.000 etxebizitza landa izaerari eutsi dion eremuan, eta aparkaleku handia. Etxebizitzen proiektua alboratuta dago behin-behinean, ez ordea aparkalekukoa. Herritar talde batek sei urte darama hura egin nahi duten zelaian, egitasmoa geldiaraziz eta aldi berean bizimodu alternatiboa eraikiz. Ongi etorri Tosura.


Herri ekologiko izateko bidean Alegia

Hirigintza plan berritzailea martxan jartzera doaz Gipuzkoako udalerrian, eta helburu garbia du: herri ekologikoranzko bidea urratzea.


2017-06-06 | Xalba Ramirez
Tosuko landa zortzi egunean husteko agindu du Eusko Jaurlaritzak

Eusko Jaurlaritzak desalojo agindua helarazi die Tosuko zelaia (Getxo) okupatuta daukaten bizilagunei. Aparkaleku bat egiteko asmoa dago leku horretan, baina getxoztar talde bat aspalditik dago bertan finkaturik, proiektua geldiarazteko. Lekua husteko zortzi laneguneko epea eman diete. ARGIAk Tosu Betirako Asanbladari buruzko erreportajea kaleratuko du aste honetan.


2017-06-01 | Uriola.eus
Bilboko udaletxea inguratzeko deia egin dute, "auzoen abandonuak hil egiten" duela salatzeko

Bilboko Zorrotzan izandako ezbeherrak herritarrak mugiarazi ditu. Asteazkenean ehunka lagunek bilkura isila egin zuten Zorrotzako Taldeen Kordinakundeak deituta; sare sozialetan ekainaren 2an udaletxea "inguratzera" deitu dute ezezagunek.


Azkenak
EGILEA
Eguneraketa berriak daude