'Giri Eguna' antolatu du Zumaiako Torreberri gaztetxeak igande honetarako

  • Turismoa denen ahotan dago azken aldian. Era guztietako iritziak entzun daitezke honen harira. Torreberri Gaztetxeak ere debate honetan parte hartuko du igande honetarako antolatu duen Giri Egunarekin. Eztabaida, bazkaria eta kalejira antolatu ditu Giri Eguna. Turismoari satira bat izenburupean.

Baleike @baleike
2017ko abuztuaren 08a

Eguerdiko 12:00etan hasiko dituzte ekitaldiak Turismo orekatua posible ote? eztabaidarekin. Ondoren, 14:30ean, bazkaria egingo da (txartelak Inperren eta Metron daude salgai, 6 euroan) eta 17:00etan kalejira egingo dute. 

Zumaiako Torreberri Gaztetxeko asanbladak komunikatua ere prestatu du. Honela dio:

"Inolako zalantzarik gabe esan daiteke gizakia gizaki denetik izan dela ibiltari, beti izan du leku berriak bilatzeko sen hori, askotan xedea bera ere zein den jakin gabe. Baina antzinaroraino joateko beharrik gabe, aspaldion halaxe gabiltzala dirudi: urte osoan zehar astoen tankerara lanean ibili ondoren, udako egun apur batzuk batek daki non argazkiak ateratzen, zarataka, lekuak betetzen, kalean atzera eta aurrera jarduten gara. Hona datozen turistak ere ez dira horren desberdinak izango.

Horrela esanda badirudi turismoaren ondorio eta eragin kaltegarri guztiak ia kausa naturalengatik gertatzen direla, itsu-itsuan doazen jendetza-fluxu gentrifikatu guzti horien atzetik inolako intentzionalitaterik ez balego bezala. Guk ez dugu hala ulertzen behintzat, jakin badakigulako pertsonak leku batetik bestera mugitzeak, elikatzeak, entretenitzeak eta ostatua emateak gauza bat sortzen eta eskatzen duela: dirua. Zerbitzarien, garbitzaileen, sukaldarien, administratzaileen eta orokorrean langileen lanetik sortua, ugazaben, jabeen eta maizterren eskuetan geratzen dena. Modu horretan funtzionatzen duen edozein jarduera ekonomikok gizartean desberdintasunak, bidegabekeriak eta miseria ekartzen ditu, eta guk bizimodu duina nahi dugu denontzat.

Lanaren auziaz gain, gazteak garen heinean etxebizitzak ere kezkatzen gaitu, ondotxo baitakigu nola eragiten duen turismoak alokairuen prezioan. Kontrolik gabeko turismo olatuak jasotzen dituzten lekuetan etxebizitzak ere espekulazio espiral zoroen barruan sartzen dira. Prezioen inflazioak bertako herritar langileek etxebizitza duina lortzeko eskubidea zapaltzen du, eta guk gure herrian bizitzeko aukera izan nahi dugu. Honen eredu da Zumaia, Airbnb enpresaren pisu turistikoak eta udan baino erabiltzen ez diren etxebizitza hutsek gora egiten duten bitartean, gazte asko turismo sektoreko ostalaritza enplegu prekarioei lotuak ezin dute alokairu bat ordaindu ere egin, emantzipazioa fantasia huts bihurtuz.

Gazteak garen heinean, emantzipaziorako aukerak murrizteak nahiz gure beharrak asetzeko lan prekarioan aritu beharrak kezkatzen gaitu, batez ere, baina jakitun gara turismo masiboaren albo kalteak hortik harago doazela. Lehen eta bigarren sektoreen azpiratzea, kaleetako euskararen presentzia jaistea eta herritarren arteko kohesio soziala galtzeak ere kezkatzen gaitu. Zentzu horretan, turismo ereduak herri ereduaz hausnartzera eramango gaitu, ezinbestean.

Ez dugu inondik ere problematika honen erantzukizuna edo errua bisitan etortzen diren turistengan modu arrotzean pertsonalizatu nahi, interes pribatuen nahieran jendetzak mugiaraziz gure eskubideak urratzen dituzten merkatuko indar-arauei baizik. Horrenbestez, elkarrekin duintasunez bizi ahal izateko, herri gisa batzea eta hausnarketa kolektiboa sustatzea ezinbestekoak ditugu, asko baitugu esateko".

Albiste hau Baleikek argitaratu du eta Creative Commons lizentziari esker ekarri dugu.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Turismo masiboa  |  Gazte mugimendua  |  Zumaia  |  Gaztetxeak

Turismo masiboa kanaletik interesatuko zaizu...
Okupazio berria Donostiako Alde Zaharrean
"Okupazio eta autogestioaren sokak ez du etenik"

Auzoarentzako lokal bilakatu nahi dute. Azkenaldian okupazio saiakera gehiago egin dira.


San Sebastian Pirates International Week
MULTIMEDIA - bideo herrikoia

"Donostiak urteak daramatza nazioartera begira. Looking to the world. Ez al gara ba, gu ere, mundu zabal eta anitz honetako hiritarrak? Donostiar citizens? Piratok aurten brainstorm sakona egin dugu gaiaren inguruan. Urte osoan eta udaran bereziki, Donostia turistaz beterik dago. Zer izango litzateke gure Aste Nagusi Pirataz kanpotik datozkigun lagun horiengatik izango ez balitz. Horregatik, erabaki garrantzitsu bat hartu dugu. Bye bye Donostiako Piratak. Welcome San Sebastian Pirates... [+]


Turismo eredua hankaz gora
Nola bidaiatu piztia elikatu gabe?

Turismoa anabasa eta kaosa batzuentzat, aberastasun eta oparotasun iturri besteentzat. Egungo ereduak, baina, tarte txikia uzten du imajinazioarentzat: kontsumoa, masifikazioa eta gentrifikazioa eguneroko hiztegian sartu ditugun hitzak dira. Ba al da egoera honi buelta emateko aukerarik? Ba al daude oporrak kanpoan emateko beste modu batzuk? Egungo egoeraz eta bestelako eredu posibleez jardun gara hurrengo lerroetan.


2018-06-19 | ARGIA
Hasi da turismo denboraldia, baita protestak ere Bartzelonan: GŁell parkean kateatu dira ekintzaileak

Bartzelonako Güell parkean Arran gazte erakundeko hainbat kide kateatu egin dira eta turismo masiboaren aurkako pankartak zintzilikatu dituzte.


Herri boteretik "Euskal Erregimena" borrokatuz

Maiatzaren 19tik 27ra Bizitza Da Handiena kanpaina gauzatu dute Donostian. 63 herri mugimenduk eta sindikatuk “borroka sozialen astearekin” bat egin dute, eta “herritarron kapitala” aldarrikatu dute. Lubaki desberdinek fronte bakarra osatu dute. Ozenen entzun den oihua turistifikazioaren aurkakoa izan da, izan ere, Turismoaren Mundu Erakundeak goi-bilera hirian egin behar zuen egunekin bat egin du mugimendu desobedienteak.


Citizens of Donostia to the World Tourism Organization: "We don't agree"

The Bizitza da handiena ('Life is the Greatest Thing') campaign was held in Donostia from 19th to 27th May. 63 citizens' movements and trades unions joined in with the "social struggle week" and proclaimed the need for a "citizens' capital". Different trenches have made up a single front. The anti-tourism protest got its message across, the World Tourism Organization holding its highest level meeting in city during the same week as the protest movement.


Botereari erronka

Batek sudur gorriak, besteak buruberoki makarra. Trikitixa eta pandero hotsek girotuta, Bizitza Da Handiena asteari bide eman diote. 60 herri mugimendu eta sindikatuk deituta “boteretik herritarren aurka egiten ari diren politikei” aurre egingo diete. Lehen ekintza indartsu gisa, hamasei urtez hutsik izan den zortzi solairuko eraikina okupatu dute Donostiako erdialdean, turistifikazio prozesu basatiaren erdian, 300 lagun kalean bizi diren hirian.  Munduko Turismo Erakundearen... [+]


Turismo-eredu blindatua herri boteretik ziztatzen

Donostiako Idiakez kaleko eraikin okupatuak, Bizitza Da Handiena kanpainako kideek "Herritarron Etxea" izenpetu dutena, zutik dirau, borroka sozialen astearen sinboloak tinko mantendu ditu zimenduak. Zutik dirau Bizitza Da Handiena kanpainak berak, ez baitu imintzio dardaratirik erakutsi hamasei identifikazio, beste hainbeste borra-kolpe eta bi atxilotu jasan izanagatik ere.


2018-05-24 | ARGIA
Azken txanpan sartu da Bizitza Da Handiena: pentsiodunen manifestazioa eta okupazioaren azken gaua

Maiatzaren 19tik 26ra Donostiako kaleetara ateratzeko dei egin du Bizitza da Handiena kanpainak. "Agintetik aurrera eramaten ari diren herritarron aurkako politiken aurka" eta "herritarron kapitalaren alde" egitea du helburu, eta hainbat sindikatu eta herri mugimenduk atxikimendua adierazi dute sare sozialetan. Turismoaren Mundu Erakundea asteartean iritsi da Donostiara, eta Bizitza Da Handienak ekimen ugari antolatu ditu horren kontra.


Azkenak
EGILEA
Eguneraketa berriak daude