Gipuzkoako Fracking Ez taldeak bere burua aurkeztuko du otsailaren 26an, arratsaldeko 19:00etan, Donostiako Kortxoenea gaztetxean egingo den ekitaldian.
Estitxu Villamor plataformako kideak haustura hidraulikoa zertan datzan eta zer ondorio dituen azalduko du. Halaber, Gipuzkoan eskatuta dauden hidrokarburoen ikertze-baimenen berri emango du.
Hidrokarburoak bilatzeko baimen-eremuek Gipuzkoako lurraldearen %40 inguru hartzen dute. Batez ere herrialdearen mendebaldea hartzen dute, baina Tolosalderaino iristen dira.
Bi eremutan daude Gipuzkoako lurrak: Landarre eta Sustrai. Eskariak eginda duden arren, administrazioak ez du momentuz ikerketa hasteko baimenik eman. Eusko Jaurlaritzari dagokio zeregin hori.
Jaurlaritzaren esku
Kontuan izan behar da Jaurlaritza aldi berean dela baimen eskatzaile eta emaile (edo ukatzaile). Izan ere, haren menpeko SHESA sozietate publikoa da bai Landarre bai Sustrai eremuetan hidrokarburoak bilatzeko asmoa duena, Petrichor kanadarrarekin batera. Heyco estatubatuar konpainiaren barruan dago Petrichor.
SHESA-Petrichor bikoteak Lurra eta Lore eremuetako baimenak ditu eskatuta halaber. Gehienbat Bizkaiko erdialdeko lurrak hartzen dituzte eremuok.
Gipuzkoako udalen laurdena frackingaren aurka
Estitxu Villamorren ostean Mikel Basarte Nafarroako Sustrai Fundazioko kolaboratzaileak hartuko du hitza. Energia eta krisia izeneko hitzaldian, petrolioaren gailurraren nondik norakoak azalduko ditu. Nafarroako Fracking Ez plataformako kidea da Basarte.
Gipuzkoako udalen laurden batek frackingaren aurkako mozioak onartu ditu, eta Batzar Nagusiek herrialdea “frackingez libre” izendatzea onartu zuten iazko ekainean, EAJ ez beste alderdi guztien botoekin.
Energia krisiarekin Herbehereetan bidegurutze bat sortu zaie: munduko gas natural hobi handienetako bat itxi, aurreikusita zegoen bezala, edo irekita mantendu Europaren presioei men eginez? Eskueran ditugun energia iturri oparoak aprobetxatzeak nolabaiteko kalteak onartzea... [+]
Armentia-2 putzuan gasa esploratzeari uko egingo ziola ofizialki iragarri eta bost hilabetera, Eusko Jaurlaritzak ez du atzera bota Gasteizko Udalaren erabakiaren aurkako helegitea. EH Bilduk eta Eguzkik bertan behera uzteko eskatu diote.
Udal teknikariek ebatzi dute Hiri Antolamendurako Plan Orokorrak (HAPO) ez duela baimentzen gasa dagoen ikertzeko zundaketarik egitea. EAEko Ekonomiaren Garapeneko, Jasangarritasuneko eta Ingurumeneko sailburu Arantxa Tapiak zabalik utzi du helegitea aurkezteko aukera.
COVID-19ak eragindako anabasaren zalapartak eta klimaren aldaketak hedabideetan uzten dituen irudi beldurgarri bezain espektakularrek estalita, gutxi hitz egiten da petrolioaren krisiaz, tartean fracking-aren gainbeheraz. Bestela esanda, herritarrak ari daitezkeela eztabaidan... [+]
Uztailaren 12an New York Times-ek argitaratu zuen: “AEBetan fracking enpresak kiebra jotzen ari dira, iturrien inguruetan bizi direnei utziz pozoi arriskutsuzko kutsadurak eta herritar guztien bizkar hauek garbitzeko kosteak”. Kronikaren hasieran honako kasu bat... [+]