Gipuzkoako Foru Aldundia PIGRUG 2019-2030 bideratzen hasi da

  • Jose Antonio Asensio Ingurumen diputatuak aurkeztu du 2030era arte Gipuzkoako hondakinen plan nagusi izan behar duenaren tramitazioa martxan jartzea, bederatzi hilabeteko bidea egingo duena.

Zero Zabor @zero_zabor
2018ko ekainaren 04a

EAJ-PSE bikokteak Zubietako erraustegia eta hura osatu behar duten azpiegiturak –TMB, eskorien tratamendua...– amaitzen direnerako eduki nahi du lege bihurtuta Gipuzkoako hondakinen plan nagusia, siglak erdarazko izenetik hartuta PIGRUG 2019-2030 edukiko duena (euskarazko GHHKPO ez du inork erabiltzen, gaztelaniaz sortu eta euskarara itzulitako dokumentazioetan baizik). Hala agindu du Jose Antonio Asensio diputatuak prentsari egin dion aurrerapenean.

Gipuzkoa 2030erako birziklatze tasan %65era iristea izango omen du helburu. Konparazio bat egiteko, 2030rako 21 urte eramango ditu %80 inguruko birziklatze tasak edukitzen 2009an gaikako bilketa orokortuan (Atez Atekoa) hasi zen Usurbilek.

Ekonomia zirkularraren eta klimaren aldaketa mugatzeko politikaren parametroetan kokatu du Asensiok PIGRUG berria eta zero zabor helburua ere aipatu du. Hala ere, zabortegirik gabeko sistema bat aipatzean euskarazko bertsioak ez daukan xehetasun argigarri bat badu gaztelaniazkoak: euskaraz "ondorioz 0 zabor isurketa eragingo duena" dioen moduan, gaztelaniaz "un vertido 0 de residuos primarios" dio. Beraz, aurretik Bizkaiko agintariek egin zuten moduan, Gipuzkoakoek ere erabaki dute erraustegitik pasatzean sortutako errauts eta eskoriak ere (erretakoaren %25) zero zabor kontsideratzea.

Ororen buru, Asensiok esan duenez “plan berriak (GHHKPO 2019-2030) hondakinen birziklatzearen eta balorizazioaren zirkulua itxiko du, eta Gipuzkoa prest utziko du ekonomia zirkularraren eta klima aldaketaren erronkari aurre egiteko”.

Kanal hauetan artxibatua: Errausketa  |  Gipuzkoako erraustegia

Errausketa kanaletik interesatuko zaizu...
2018-06-19 | Usurbilgo Noaua
GuraSOSek Zero Zona Kanala, telebista kate propioa estreinatu du Youtuben

“Batzuk nahi dutena soilik kontatzen dute. Zero Zonan herriak du hitza”. Horiexek GuraSOSek abian duen Hitzartu prozesuaren baitan, ostiral arratsalde honetan bertan martxan jarri berri duten Zero Zona kanalean entzun ahal izan ditugun lehen hitzak. Aurrerantzean, Youtubeko kate honen baitan, astero albistegi bat eskainiko dute.


2018-06-18 | Zero Zabor
Erraustegien Europako patronalak Bilbon egingo du biltzarra irailaren 19-21ean

"Errausketa: Ekonomia Zirkularra egia bilakatuz" [Waste to Energy: Making Circular Economy Happen] goiburua edukiko du Bilbon CEWEP Europako errauste planten patronalak irailaren 19tik eta 21era artean egingo duen biltzarrak. Zabalgarbi erraustegiak antolatu duen ekitaldia Guggenheim museoan irekiko da afari batez, Euskalduna jauregian burutu eta Loiuko Aspaldiko jatetxean beste afari batez amaitzeko.


2018-06-15 | Zero Zabor
Gloucesterreko gose greba amaitu da: agintariek erraustegiaren kontratua erakutsi beharko dute

Hamaseigarrenean hasi da berriro jaten: asteazken, 13, iluntzean eman du bukatutatzat ekintza Gloucesterreko eskualdeko gobernuaren egoitzan hasi eta Londresko Saint Paul katedralean burutu duen Sid Saundersek. Bere eskakizunetako bat betetzea lortu du: Informaziorako Komisionatuaren aginduz, Gloucestershireko agintariek 35 eguneko epea daukate Urbaserrekin Javeli Park erraustegia egin eta kudeatzeko sinatuta daukaten 500 milioi librako kontratua osorik erakusteko.


2018-06-12 | Usurbilgo Noaua
Erraustegiaren kolapsoa ekar dezaketen ekimen juridikoak aurkeztu ditu GuraSOSek Europan

Zubietako erraustegia ez da atzera bueltarik gabeko proiektua. “Bere etorkizuna ez dago guztiz erabakia”, nabarmendu du GuraSOSek astelehen goiz honetan Donostiako Koldo Mitxelena Kulturunean egin duen agerraldian. Gipuzkoako Foru Aldundiak 2019ko udazkenerako martxan izatea aurreikusten duen Zubieta gaineko plantaren eta haren finantza ereduaren kolapsoa ekar dezaketen ekimen juridikoak aurkeztu zituen joan den astean GuraSOSek, Europako erakundeetan


2018-06-11 | Usurbilgo Noaua
Usurbilgo Udarregi Ikastolatik, erraustegia begi bistan

Ikastola Egun honetan, nahi izan gabe ere begirada Zubieta gainera zuzentzea ia saihestezina zen. Ondoko argazkietan ikus dezakezue, Ikastolako kideak, 50. urtemugako mosaiko erraldoia osatzera zihoazela, atzean zuten panorama. Begi bistakoak dira jada, urtebete barru amaitua eta martxan izatea aurreikusten duten erraustegiko lanak.


2018-06-08 | Zero Zabor
GHKk asteartean, 12an, bozkatuko du Gipuzkoako zaborrak Zabalgarbira eramatea

Gipuzkoako mankomunitate guztiak biltzen dituen GHK partzuergoak ekainaren 12an 11:00etan Foru Aldundiaren egoitza nagusian burutuko duen batzarrean eztabaidatu eta erabakiko du lurralde honetako hondakinak Bizkaian tratatu, erre eta lurperatzeko berrikitan bi aldundiek itxitako akordioa.


2018-06-07 | Usurbilgo Noaua
Erraustegia 2019ko uda aurretik amaitua eta udazkenean martxan izatea aurreikusten du Aldundiak

“Tratamendu mekaniko biologikoko eta biolehorketako plantetako eraikinak ia amaituta daude, eta hasiera eman zaio labeen eta gainerako ekipo industrialen instalazioari”, Gipuzkoako Foru Aldunditik berri eman dutenez. 2019ko erraustegiko lanak amaitzea aurreikusten dute eta “probaldia gainditu ondoren, 2019ko udazkenean funtzionatzen hasiko da Ingurumen Gunea” iragarri dute.


2018-06-05 | Zero Zabor
Zortzigarren eguna gose greban erraustegia salatzeko Ingalaterrako Gloucesterren

Maiatzaren 29an elikatzeari uko eginez geroztik zortzigarren gose greba egunean sartu da Sid Saunders (38) bi haurren guraso gaztea. Eguraldi txarrari aurre eginez, gauez lapurreta egin dioten ezezagunek kikildu gabe, Gloucestershiren Urbaser multinazionala eraikitzen ari den erraustegia salatzen jarraitzen du.


2018-05-30 | Zero Zabor
Guraso batek gose greba hasi du Ingalaterrako Gloucesterren erraustegia gelditzea eskatuz

Sid Saunders, bi haurren aita gaztea, gose greban sartu da asteartean, 29, Ingalaterrako Gloucester hiriko eskualde-gobernuaren egoitza atarian. Javelin Park izeneko erraustegia gelditu eta horren oinarrian dagoen kontratua erakustea dira bere ekintza eteteko agintariei jarri dizkien baldintzak.


Azkenak
EGILEA
Eguneraketa berriak daude