Larunbat gauean izan zen erasoa, 22:00ak aldera. Ertzaintzak pertsona baten deia jaso zuen azalduz bi neska aurkitu zituela parke batean eta kontatu ziotela sexu erasoa jasan zutela.

Ertzaintza bertaratu zenean, neskek jakinarazi zieten gertakizunak nola izan ziren. Bi gazterekin Zaramaga auzoko etxebizitza batera joan ziren eta han gizonezkoek ukituak egiten hasi zitzaizkien, nahiz eta neskek halakorik ez zutela nahi adierazi zieten. Azkenean neskek etxebizitzatik ihes egitea lortu zuten, estu eta larri.

Neskak ospitalera eraman zituen poliziak eta bertan mediku azterketak egin zizkieten. Ondoren, Ertzaintzak ustezko bi erasotzaileak atxilotu zituen. Epailearen aurrera eraman zituzten eta honek libre utzi zituen deklarazioa hartu ondoren. Neskengana hurbiltzeko eta haiekin harremanetan jartzeko debekua jarri die epaileak, besteak beste.