Getxoko historian emakumeek egindako ekarpenari buruzko ikerketa bat egin dute

  • Ikerketa-lanak udalerriko emakumeen asoziazionismoaren eta mugimendu feministaren sorreraren historia berreraiki du, haren protagonisten narrazioen eta ahozko iturrien bidez, besteak beste.

Hiruka .eus
2018ko maiatzaren 17a
Mobilizazio jendetsua egin zuen mugimendu feministak martxoaren 8an Algortan

Datorren astelehenean, hilaren 21ean, "Denon artean" Getxoko historian emakumeek egindako ekarpenari buruzko liburua aurkeztuko dute Romo Kultur Etxean. 19:30ean jarri dute hitzordua, eta bertan izango da David Beorlegi Zarranz liburuaren egilea; beragaz batera, lanean parte hartu duten emakumeen elkarteetako hainbat kide egongo dira.

Emakumeen asoziazionismoa eta asoziazionismo feministaren errealitate historikoa eta beren esanahi eraldatzaile (70. hamarkadatik gaur egunera arte) ulertzera laguntzea izan da lanaren helburua, nagusiki hurrenkera kronologikoari jarraituz. Liburuak herriko emakumeen asoziazionismoaren eta mugimendu feministaren sorreraren historia berreraiki du haren protagonisten narrazioen eta ahozko iturrien bidez (ikerketa gehiena).

Azterlanak demokraziaren hasieran sortzen hasi ziren Getxoko emakumeen elkarteei eman gura die merezi duten protagonismoa, herrian aldaketa kolektiboaren zein banakoaren eragile izan direlako, beraientzat eta Getxorako ondorio positiboak ekarriz.

Azterlanaren beste abiapuntu bat izan da feminismo kontzeptua modu zabal eta ireki batez ulertzea, feminismoa historiaren bilakaeraren mende eta etengabeko aldaketan dagoen prozesu irekitzat hartuta, hala, dauden subjektu feministen aniztasuna barne hartu ahal izateko. "Kontaketa koral eta polifoniko bat da horren emaitza, Getxoren paisaia sozialean elkarrekin bizi diren eta bizi izan diren emakumeen eta kolektiboen aniztasun handiaren erakusle, hain helburuen eta bizi-proiektuen aniztasuna, beraien ibilbide pertsonalak eta taldekoak, et a historia-eragile diren aldetik ezarritako genero-ordena birnegoziatzeko hain ahalmena handitzen. Herritarrak aurkezpenera joateko animatu nahi ditugu, emakumeen elkarteen bitartez, gure historia ezagutzeko aukera izango baita", nabarmendu du Keltse Eiguren Berdintasuneko zinegotziak.

Bestalde, David Beorlegi lanaren egileak azaldu du liburua emakumeek osatutako elkarteen fenomenoan datzala, 70. hamarkadatik orain arte, beren kezkak, itxaropenak eta arazoak azalduz. Elkarteei buruzko agiri ezak eragin du ahots iturrien interpretazioak paper garrantzitsua izatea ikerketan. "Errealitateari buruzko ulermena areagotzera laguntzen saiatu naiz, emakumeen taldeenari buruzkoa, historia-diziplinak gutxi ikasitakoari buruzkoa. Liburuaren helburua ez da taldeak ikusaraztea soilik, baizik eta udalerri hobeago lortzeko lan egin eta lan egiten ari diren emakumeei omenaldia eskaintzea ere. Aldi berean, emakumeei adierazpen, heziketa eta aktibismo feministarako kanalak eskainiz", azaldu du egileak.  

"Denon artean" azterlana udalerriko liburutegi eta elkarteen artean banatuko da. Udal-webgunean ere ikusgai dago eta herritarren batek interesa izango balu, Berdintasuneko Zerbitzura jo ahal izango du, 944 660 136 telefono zenbakian edo berdintasuna@getxo.eus helbide elektronikoan. 

Parte hartu duten elkarteak

Hurrenkera kronologikoan beren historia agertzen duten elkarteak hurrengoak dira: Roda, Romoko eta Algortako Emakumeen Batzordeak, Etxekoandren Txokoa, Lagun Artean, Andrak, Etxekin, Gizatiar, Eskuz esku, Sastraka Antisexista, Algortako Emakume Asanblada, Itzubaltzetako Emakumeen Asanblada, Bilgune Feminista, Enclave de Ciudadanas de Getxo eta Haziak.

Albiste hau Hirukak argitaratu du eta CC-by-sa lizentziari esker ekarri dugu ARGIAra.

Kanal hauetan artxibatua: Feminismoa  |  Getxo

Feminismoa kanaletik interesatuko zaizu...
2018-05-22 | ARGIA
Zortzi ekintzaile feminista atxilotu ditu Saudi Arabiako Gobernuak

Saudi Arabiako Gobernuak gutxienez zortzi ekintzaile feminista ezagun atxilotu ditu, Democracy Now-k informatu duenez. Tartean dira hainbat hamarkadatan emakumeek autoak gidatzeko eskubidearen alde borrokan ibilitakoak.


2018-05-20 | June Fernandez
Iraultza

Poztu ninduen Madrilen Nikaraguarekiko elkartasun ekitaldi bat antolatu zutela jakiteak. Bilbon egindako lehenengo elkarretaratzean, nire neskalaguna eta biok izan ezik, Moyua plazara hurbildutako guztiak Nikaraguako etorkinak ziren. Ekitaldi horretan abestu behar zuen musikari ezkertiar baten sare sozialen bidez jakin nuen. Pozaren ondoren jarraian amorrua sentitu nuen, musikari honen lagun batek utzitako iruzkina irakurrita: “Indarkeria bakarra inperialismoak finantzatzen duena da... [+]


2018-05-15 | Amaia Lekunberri
Euskal Herriko lehen zientzia-fikzio feminista jaialdiak badu izena: Ansible Fest

Bilbon burutuko da irailaren 21 eta 22an, doakoa izango da eta hitzaldiak, tailerrak, zinema emanaldiak, haurrentzako jarduerak zein argitaratze-azoka hartuko ditu bere baitan.


2018-05-15 | Amaia Lekunberri
Bilbon burutuko da urrian Emakumeon Mundu Martxaren XI. Nazioarteko Topaketa

“Batu indarrak, urrutira goaz! Gure gorputzen eta lurraldeen burujabetzara!” lemapean hartuko du Bizkaiko hiriburuak Nazioarteko Topaketa.


2018-05-15 | Zebrabidea
"The handmaid's tale" telesailari begirada feminista bat, Pikarako Maria Castejonen eskutik

Azkenaldian zeresan handia eman duen telesail bati buruz aritu zaigu gaurkoan Pikarako kide den Maria Castejon. Kritika ezberdinak izan ditu “The handmaid’s tale” telesailak, batzuk feministatzat dute eta besteek kritika gogor eta zorrotza egiten diote. Zer pentsatua ematen duen istorioa da, eta honen inguruan aritu gara gaurkoan Maria Castejonekin.


2018-05-13 | Baleike
Mozal Legea ezarri diote Zumaiako mugimendu feministari

Aspaldi ikusi gabeko manifestazioak izan ziren Zumaian martxoaren 8an, Emakumearen egunean. Bai eguerdian bai arratsaldean jendetzak hartu zuen parte Mugimendu Feministak deitutako ekitaldietan. Ekintza horiek izan dute bere alde negatiboa, izan ere, bi une horietan egindako mobilizazioengatik isunak jaso dituztela adierazi du gaur Mugimendu Feministak, “Zumaiako arteria nagusia moztu” izanagatik, alegia.


2018-05-11 | Amaia Lekunberri
Gerraren kontrako mobilizazioak antolatuko ditu mugimendu feministak

Gerraren Aurkako Emakumeen Nazioarteko eguna dela eta, maiatzaren 24tik 26ra bitartean ekimen eta mobilizazioak egingo dituztela jakinarazi du Euskal Herriko Mugimendu Feministak.


"Agerian geratu da justizia patriarkalak zer irudi tamalgarria duen sexualitateaz"

Euskal Herriko mugimendu feministaren gaur egungo erreferentzia nagusietakoa da June Fernández (Bilbo, 1984), Berangon eta Getxon hazitako kazetaria. Emakume-borrokaren zenbait gakoz jardun dugu.


2018-05-08 | Axier Lopez
30 urtez emakumeak bortxatzen boterearen hegalpean

Titularra idazte hutsak dardarizoa eragiten du. Txiki uzten du azken egunetan Euskal Herrian bizitzen ari garen eraso matxisten kate ankerra: Donibane Garazi, Bidarten eta Gasteizen hildako lau emakumeak, Iruñea eta Tolosako bortxaketak, Bizkaiko PPko kide Carlos Abajoren atxiloketa adingabekoei sexu kutsuko argazkiak egiteagatik, La Manadako auziak, hasieratik amaierara arte, eragin duen sumina edo Donostian hamaika eraso egin duen tatuatzailearen kasua, batzuk aipatzearren. Zerrenda... [+]


Gaixotasun zeliakoa
Zer jan eta zer ez, hori da kontua

Hesteetako arazoa da zeliakia. Glutena digeritzeko zailtasunak dituenak pairatzen du. Gaixotasun kronikoa da eta sendagai bakarra betierekoa izango den elikadura zaintzea da. 


Azkenak
EGILEA
Eguneraketa berriak daude