Gerry Adamsek bere aurkako "kanpaina maltzurra" salatu du aske geratu ostean
1972an IRAk egindako hilketa baten ikerketak Gerry Adams Sinn Fein alderdiko presidentea zipriztindu du. Joan den asteazkenean atxilotu zuten eta kargurik gabe aske geratu den arren, kasua fiskaltzaren esku dago.
Jean McConvilleren hilketagatik galdekatua izan ostean atxilotu zuten Adams. McConville 1972an bahitu eta hil egin zuten, eta ekintza IRAri egotzi izan zaio.
Buruzagi errepublikarra kargurik gabe aske geratu den arren, poliziak egindako txostena aztertuko du fiskaltzak eta Adamsen aurkako karguak aurkezteko froga nahikoak dauden erabaki beharko du.
Adamsek libre geratu ostean bere aurkako “kanpaina maltzurra” salatu du. McConvilleren hilketarekin zerikusirik ez duela berretsi du. Poliziaren lana babesten duen arren, atxiloketa hauteskunde-kanpainan egin izana okertzat jo du.
Atxiloketak tentsio egunak eragin ditu Ipar Irlandan. Sinn Fein mugimendu errepublikazale irlandarrak bere militanteak mobilizatu ditu Adams kaleratua izan zedin eskatzeko eta Belfasten hain ohikoak diren horma-irudi berri bat egin dute, Adamsen “bakezale” rola gogorarazteko.
Sinn Feinek lehen aldiz irabazi ditu Ipar Irlandako udal hauteskundeak, eta 462 zinegotzietatik 144 eskuratu ditu, duela lau urte baino 39 gehiago. Alderdi errepublikarraren ustez, horrek balio beharko luke unionismoak blokeatzen duen Stormonteko Legebiltzarra berriz... [+]
Mende laurdena bete du Ipar Irlandako Ostiral Santuko Hitzarmenak, gatazka armatuen konponbiderako erreferenteetako bat bilakatu dena munduan. 1998ko akordioaren helburu nagusia biolentziari amaiera jartzea zen. Indarkeria izugarri apaldu da, baina ez da desagertu. Berbarako,... [+]
Ipar Irlandako Parlamentua blokeatuta dago maiatzetik, DUP unionisten alderdiaren protestagatik, ez baitago ados Brexitaren ostean Ipar Irlandan Europako Batasunak jarri dituen merkataritza kontrolekin, besteak beste. Erresuma Batuaren eta Europako Batasunaren hitzarmen berriak... [+]
2022ko abenduaren 6an Ipar Irlandako mugimendu errepublikanoaren aldarrikapen historikoetako bat gauzatu zen: data horretatik aurrera, Irlandako berezko hizkuntza ofiziala da, lehenbizikoz, Ipar Irlandako sei konderrietan.
