Gerraren kontrako mobilizazioak antolatuko ditu mugimendu feministak

  • Gerraren Aurkako Emakumeen Nazioarteko eguna dela eta, maiatzaren 24tik 26ra bitartean ekimen eta mobilizazioak egingo dituztela jakinarazi du Euskal Herriko Mugimendu Feministak.


2018ko maiatzaren 11n - 17:12
Arma-esportazioaren kontra Bilboko portuan (Santurtzi) egindako ekintza feminista

Jendarte justuago eta beraz feministagoaren aldeko borrokan gerrari erreparatzea ezinbestekoa deritzo Mugimendu Feministak. Horregatik mobilizazioetara deitzea erabaki du Gerraren Aurkako Emakumeen Nazioarteko egunarekin batera. Batetik, gerrak eta armadak, “heteropatriarkalak, inperialistak, kolonialistak, kapitalistak eta arrazistak” direlako eta emakumeen gorputzak gerra-arma bezala erabiltzen direlako, hauenganako indarkeria areagotu egiten delarik. Eta bestetik, gatazken erresoluzio prozesuetan emakumeek betetzen duten paperari funtsezkoa deritzotelako eta eremu honetan mugimendu feministak egin dituen lorpenak aitortu nahi dituztelako.

Maiatzaren 24a da Gerraren Aurkako Emakumeen Nazioarteko eguna, 1981-2000 bitartean hainbat emakume britainiarrek Greeham Common-eko (Ingalaterra) AEBetako base militarraren ondoan antolatu zuten kanpaldi antimilitaristaren lorpenak gogoan hartuz. Euskal Herrian ere gerraren aurka emakumeek rol aktiboa izan dutela gogorarazi dute: “NATOren aurka sortutako mugimendutik hasi eta zenbait garaitan berraktibatutako uholdetxoak badu ikuspegi feminista, antimilitarista eta antikoloniala”.

Mugimendu horren azken “uhaldetxoa” iragan abenduaren 16an Bilboko Portuan (Santurtzi) izan zen. Handik esportatzen den armen negozioaren kontra kateatu ziren hainbat emakume. Salaketa horren ostean arma-esportazioa Santanderreko (Espainia) portura lekualdatu duten arren, lorpen txiki horrek ez du ekidin arazoaren iturburuak bere horretan jarraitzea. Euskal Herrian bertan armagintzara eta gerrara bideratutako enpresa asko dagoela ohartarazi dute.


Kanal honetatik interesatuko zaizu: Antimilitarismoa
Nola obedituko diot eroari

1997. Aguraingo Intsumiso Eguna. Antimilitarismoak milaka lagun biltzen zituen bere ekimenetan, artxibotik berreskuratu dugun argazki honetan ikusten den moduan. Aurten 30 urte beteko dira Intsumiso Eguna ospatzen hasi zirela.


Bonbak eta munizioa jaurtiko dituzte aste guztian Bardeako tiro poligonoan

Herrialde askotako hegazkinak izanen dira Bardean gerrarako ariketa militarrak egiten. Benetako bonbak eta munizioa erabiliko dituzte horretarako. Aste osoan izanen dira lan horietan eta Poligonoaren Aurkako Asanbleak zalantzak ditu segurtasuna ziurtatuko ote duten... [+]


Yurii Sheliazhenko kontzientzi eragozlea libre utz dezala eskatzen diote Ukrainako Gobernuari

Yurii Sheliazhenko Ukrainako Mugimendu Bakezaleko Idazkari Exekutiboa da, eta abuztuaren 15az geroztik preso dute bere etxean. Asteazkenean egin zuten bere aurkako lehen epaiketa eta intsumisioaren aldeko Europako mugimendua bere askatasunaren aldeko kanpaina egiten ari da.


2023-04-05 | Uriola.eus
Abian da gastu militarraren aurkako eragozpen fiskalaren kanpaina

Asteartean hasi dira gerra finantzatzeko onartzen den gastu neurrigabea salatzeko ekintzak, ‘Gastu militarrik ez’ lemapean.


Eguneraketa berriak daude