Gerraren kontrako kanta batek musikari euskaldun, kataluniar, galiziar eta espainiarrak elkartu ditu

  • “Gerrari deu ere ez!” proiektu musikala aste honetan sareratu dute. Julene Maia musikari bilbotarraren eta Josep M. Porté kataluniarraren egitasmoak gerraren aurkako kontzientzia piztea du helburu.

ARGIA @argia
2018ko urtarrilaren 12a
"Gerrari, deus ere ez!" bideoko momentu bat. Erdian abesten ari da Julene Maia musikari bilbotarra.

Horretarako Gerrari deus ere ez! kanta sareratu dute, jatorriz Julene Maiak euskaraz sortua eta lau hizkuntzatan –euskara, katalana, galiziera eta gaztelania– grabatu dena. Bideoklip bat ere grabatu dute, behean ikus daitekeena.

Guztira zortzi ahotsek parte hartu dute abestian bikoteka. Espainiako Estatuko hizkuntza eta kulturak kausa beraren alde elkartzeko helburua adierazi dute proiektuaren sustatzaileek: bakea eta indarkeria eza aldarrikatzea, biolentziaren “manifestazio posible oro gaitzesteko”.

Kantuaren egileek azaldu dutenez, “gure eguneroko bizitzetako egoera eta harreman moduetako edozein oldarkeria zentzu salatzeko” egin dute abestia; baita armak erabiltzen diren gerrak salatzeko ere. Sortzaileek aldarrikatu nahi dute mundua oso desberdina izango litzatekeela irudimena “gure bizitzak edertzeko eta elikatzeko gauzak sortzeko” aprobetxatuko bagenu.

Kanal hauetan artxibatua: Musika  |  Gerra

Musika kanaletik interesatuko zaizu...
2018-01-21 | Mikel Asurmendi
"Lanaren estimua omendu nahi izan dugu"

Galdemoduen Trilogia diskoa Mugaldekoak taldearen hirugarren lana da (Gaztelupeko Hotsak, 2017). Taldekideak herriz herri ari dira kontzertuak eskaintzen. Urretxun egin genuen bat Edu Zelaieta (irakurketa, ahotsak), Beñardo Goietxe (ahotsak, gitarra elektrikoa eta akustikoa), Raúl García Etxeberria (gitarra elektrikoa eta akustikoa, zerra musikala eta ahotsak) eta Xavi Pérez Bull baxujotzailearekin. Bai diskoak bai eszenako errezitaldiak berebiziko arreta merezi... [+]


Beste harribitxi bat

Xabier Montoiak beste harribitxi bat atera du. Beste kantu eder sorta bat: kantu onak, hunkigarriak, soilak eta sendoak. Giroak lasaiak dira, melodia politak, eta kantak oso ongi jantziak daude, beren neurrian, apaingarri gutxi dituzte baina nahikoak.

Kantek barru-barruan nabaritzeko egoerak eta sentipenak azaltzen dituzte: denboraren joana, oroimena, adiskidetasuna, maitasuna, eustea, zutik irautea, aurrera egitea... Xabier Montoiaren ahotsak eta kantatzeko moduak, musika tresnen notekin... [+]


Sofa taldea: Puto amoak matematiketan

Urtarrilaren 9an, Gasteizko Parral Tabernan emandako kontzertuaren kronika.


Edertasun purua

Georg Friedrich Händel konpositoreak, Alemanian jaioa (Halle-n), Ingalaterran lortu zituen arrakasta eta ospea, eta hantxe konposatu zuen bere eliz musika zoragarria.

Halere, nahiz eta adopzio-herrian hazi musikari gisa, oinarri alemaniarra hor zegoen, bere lan garrantzitsuenetan. Eta horren adibide garbia, Mesias ospetsua da. Obra honek, 1741. urtean konposatua, pasio eta kantata zahar alemaniarren tradizioan ditu sustraiak. Dublinen estreinatu zen, 1742an, arrakasta handia lortuz, ez... [+]


Schumannek ezin zuen pianoa jo

Zwickau (Saxonia), 1810eko ekainaren 8a. Robert Schumann musikagile alemaniarra jaio zen. Erromantizismoaren eredu garbienetakoa izan zen musikari dagokionez; haren obran pianorako lan bikainak nabarmentzen dira. Eta bere bizitza ere Erromantizismoaren erakusle izan zen; Clara Wieck emaztearekin izan zuen harremanak nobela erromantiko baterako balioko luke. Horrez gain, zoritxarrez, txikitatik gaixotasun mentalen eraginpean bizi izan zen eta haren historia mediko konplexuak zer esan handia eman... [+]


Joxan Artze hil da, euskal poesiaren berritzaile eta Ez Dok Amairuko kidea

1960ko hamarkadatik aurrera euskal kulturak izan zuen berpizkundean figura garrantzitsua izan zen Artze, Ez Dok Amairuko kideekin batera. Usurbilen jaioa 1939an, ostiral honetan hil da etxean, gaixo egon ondoren.


2017-12-31 | Xalba Ramirez
"Talde inpertsonal eta plastifikatu asko dago"

Nahiago du taldean, baina bakarka ere arituko den Miren Narbaiza (Eibar, 1986) lan berria aurkezten ari da: MICE. Joseba Baleztena eta Ilargi Agirre izan ditu diskoan lagun. Berako Atala estudioan, Iñigo Irazoki grabazio arduradun, ondu dute zortzi kantaz osaturiko lana. “Mice” hitzak ingelesez “saguak” esan nahi du, eta lanak badu ilun horretatik. Baita askoz gehiago ere: kritika oso onak jasotzeaz gain kontzertu ugari eskaintzen ari dira Euskal Herri osoan. Bere... [+]


2017-12-31 | Iker Barandiaran
Dekadentzia dantzan jarrita

Bitxia da euskal pop erradikala egiten duzula esatea. Baina aitortu behar da kontzeptuan erradikal samarrak direla, horrez gain, 80ko hamarkadaren –hemengo eta kanpokoaren– nostalgiko sutsuak direla –nahiz eta horien artean behingoz garaiko punk taldeak alboratu dituzten, eskerrak!– eta bestelako estiloetatik –gehienetan dantzagarrietatik– ere gogoz edan eta batzuetan hortik mozkortzen direla.

Zazkel 2012an sortu zen Bilbon. Oso argi zuten beste garai... [+]


Sasoiko daude

Bi Bala taldeak bere ohiko etorriarekin, gatz eta piperrarekin, zorroztasunarekin eta ironiarekin segitzen du. Bertso-rockaren bidetik jarraituz, kantu politak bildu dituzte haien lan berrira, eta urratsez urrats beren ibilbidean aurrera egiten ari dira.

Kantuen bidez kritika eta salaketa egiten jarraitzen dute, hitz jokoen bidez, zirikatuz edo zuzenean: “Interneteko birusak eta txertorik gabeko haurrak, adar jartzeen hipotekak ta hipotekaren adarrak; arazo modernoak, entzefalograma... [+]


2017-12-21 | ARGIA
EHZ festibala 2018an ez egitea erabaki dute, indarberrituta itzultzeko asmoz

Etenaldia iragarri du EHZ festibalak eta 2018an jaialdirik ez dutela antolatuko baieztatu dute. Nolanahi, 2019an proiektua berrituta itzultzeko asmoa agertu dute.


Azkenak
EGILEA
Eguneraketa berriak daude