Gerraren aurkako mobilizazio feministak egingo dira gaur hiriburuetan

  • Gerraren Aurkako Emakumeen Nazioarteko eguna da maiatzaren 24a, eta egun honen aitzakian ostegunean mobilizazioak deitu ditu hiriburuetan Mugimendu Feministak.


2018ko maiatzaren 24an - 15:16
Emakumeak Bilboko Portuan (Santurtzi) kateatuta, arma esportazioaren kontra egindako ekintza feminista (J. Marcos)

Jendarte justuago eta feministagoaren aldeko borrokan gerrari erreparatzea ezinbestekoa dela deritzo Mugimendu Feministak, baita gatazken erresoluzio prozesuetan emakumeek betetzen duten funtsezko papera aintzakotzat hartzea ere. Hori horrela, Gerraren Aurkako Emakumeen Nazioarteko egunaren bueltan ekintzak antolatu dituzte, tartean osteguneko elkarretaratzeak.

“Hego Euskal Herrian armagintza enpresa asko ditugu, baina baita hauen aurkako borroka historiko bat ere, ikuspegi feminista, antimilitarista eta antikoloniala duena. Beraz, borrokan jarraitzeko unea da, beltzez eta morez jantzi, eta atera kalera gerrari planto egitera!”, jendarteari dei egin diote mobilizazioetan parte hartzera. Ohar bezala, beltzez eta morez jantzita joatea iradoki dute.

Elkarretaratzeen tokiak eta orduak ondokoak dira: Bilbon, 19:00etan, Biribila plazan; Bermeon, 19:30ean, Harrizko Harrian; Gasteizen, 20:30ean, Andra Mari Zurian; Iruñean, 20:00etan, Gaztelu plazan; eta Donostian, 18:30ean, Bulebarrean.

Bestalde, larunbatean, maiatzak 26, “Armagintzari planto!” lemapean manifestazio feminista antimilitarista deitu dute. Getxon egingo da manifestaldia, eta 12:00etan abiatuko da Areetatik.


Kanal honetatik interesatuko zaizu: Antimilitarismoa
Nola obedituko diot eroari

1997. Aguraingo Intsumiso Eguna. Antimilitarismoak milaka lagun biltzen zituen bere ekimenetan, artxibotik berreskuratu dugun argazki honetan ikusten den moduan. Aurten 30 urte beteko dira Intsumiso Eguna ospatzen hasi zirela.


Bonbak eta munizioa jaurtiko dituzte aste guztian Bardeako tiro poligonoan

Herrialde askotako hegazkinak izanen dira Bardean gerrarako ariketa militarrak egiten. Benetako bonbak eta munizioa erabiliko dituzte horretarako. Aste osoan izanen dira lan horietan eta Poligonoaren Aurkako Asanbleak zalantzak ditu segurtasuna ziurtatuko ote duten... [+]


Yurii Sheliazhenko kontzientzi eragozlea libre utz dezala eskatzen diote Ukrainako Gobernuari

Yurii Sheliazhenko Ukrainako Mugimendu Bakezaleko Idazkari Exekutiboa da, eta abuztuaren 15az geroztik preso dute bere etxean. Asteazkenean egin zuten bere aurkako lehen epaiketa eta intsumisioaren aldeko Europako mugimendua bere askatasunaren aldeko kanpaina egiten ari da.


2023-04-05 | Uriola.eus
Abian da gastu militarraren aurkako eragozpen fiskalaren kanpaina

Asteartean hasi dira gerra finantzatzeko onartzen den gastu neurrigabea salatzeko ekintzak, ‘Gastu militarrik ez’ lemapean.


Eguneraketa berriak daude