Gero eta udalerri gutxiago dago euskaldun gehien biltzen duen gune soziolingustikoan. Duela 30 urte EAEko 79 udalerri zeuden V. Mapa Soziolingustikoak laugarren gune bezala sailkatu duen zonaldean, orain baino 17 gehiago, UEMAk nabarmendu duenez.
Mapa soziolinguistikoa osatzeko, Hizkuntza Politikarako Sailburuordetzak lau gune soziolinguistiko ezarri ditu, euskaldun kopuruaren arabera.
- 1. gunea. Biztanleriaren % 20 baino gutxiago da euskalduna.
- 2. gunea. Biztanleriaren % 20-50 bitartean da euskalduna.
- 3. gunea. Biztanleriaren % 50-80 bitartean da euskalduna.
- 4. gunea. Biztanleriaren % 80 edo gehiago da euskalduna.
Laugarren gune soziolinguistikoko udalerrietan 63.493 lagun bizi dira, EAEko biztanleria osoaren %3,1. Horietatik 53.528 euskaldunak dira, hau da, euskaldun guztien % 7,1. Bizkaiko eta Gipuzkoako 61 udalerri eta Arabako udalerri bakarra (Aramaio) daude gune honetan. Udalerri txikiak dira gehienak, 5.000 biztanle baino gutxiago dituzte, Azpeitia eta Lekeitio izan ezik.
"Bilakaerari erreparatuz gero, ikus daiteke gero eta udalerri gutxiago dagoela laugarren gunean", dio UEMAk. "Azken urteotan, laugarren guneko zenbait udalerri hirugarren gunera pasatu dira, hala nola, Markina-Xemein. Udalerrien zein euskaldunen kopurua jaitsi egin da, hirugarren gunera pasatu baitira. Duela 30 urte, 79 udalerri zeuden laugarren gunean, orain baino 17 gehiago".
Honako hauek dira euskaldunen ehunekorik handiena duten eskualdeak:
Lea-Artibai (%81,2), Urola Kosta (%76), Busturialdea (%72), Tolosaldea (%70,6), Debagoiena (%62,8), Goierri (%59,4), Debabarrena (%58,1) eta Arratia-Nerbioi (%54,1). Tamaina ertaineko eskualdeak dira, 20.000-70.000 biztanle artean dituztenak.
Eusko Jaurlaritzak EAEko Euskal Sektore Publikoan Euskararen Erabilera Normalizatzeko Dekretua onartu du otsailean. Duela 27 urteko dekretua ordezkatu du. Euskalgintzako eragileen ustez, Jaurlaritzak ez du baliatu “jauzi ausarta” emateko. Dekretu berriak ez du... [+]
23. Korrikaren atarian, udalerri euskaldunetako bizilagun guztiek Korrikaren berri izatea garrantzitsua dela iritzita, diptikoa banatuko du UEMAk hamaika hizkuntzatara itzulita.
Beste urte batez, uda garairako, Salto! udaleku ibiltariak antolatu ditu UEMAk. Udalerri euskaldunetako gazteak elkartuko dira aisialdiaz gozatzeko. UEMAren helburua da “euskaraz bizi diren gazteek inertziatik kontzientziarako saltoa ematea eta horrekin efektu... [+]
EAJren, EH Bilduren eta Azkoitia Bairen aldeko bozkekin hartu dute erabakia. Udalbatza osatzen duten hamazazpi zinegotzietatik hamaseiren aldeko botoa jaso du Udalerri Euskaldunen Mankomunitatera (UEMA) sartzeko eskaerak.
Uliazpi Fundazioa, Laudio, Barakaldo, Irun, Erandio... Edo beste era batera esanda: hizkuntza eskakizunak, Udal Legearen 6.2 artikulua, kontratazioetako klausulak... Sektore publikoaren euskalduntzea urrunegi joan dela esaten ari zaizkigu. Horretara dator oldarraldi judiziala... [+]