Gernikako pleno-aretoko eserlekuak okupatu dituzte gazteek, liburutegian tokirik ez dutela salatzeko

  • Liburutegiko leku falta eta baldintza eskasak salatzen ari dira gazteak aspalditik, eta Udalak jaramonik egiten ez dielako sartu dira bertara. Alkateak udaltzaingoa bidali eta bi gazte identifikatu dituzte.

Artikulu hau CC BY-SA 3.0 lizentziari esker ekarri dugu.

2017ko ekainaren 01an - 10:28

Gernikako gazteak aspaldidanik ari dira salatzen herrian ikasteko dagoen egoera kaskarra. 16.000 biztanleko herri batean 50 lagunentzako lekua baino ez dago liburutegian, eta bertako baldintzak ere txarrak dira haien esanetan: oxigeno falta, zikinkeria... Egin dituzten protestak gorabehera, Udalak ez die jaramonik egiten, Egurre taldeko gazteek salatu dutenez. Hori dela eta, pleno aretoan sartu dira asteazkenean, zinegotziek hartu ohi dituzten besaulkietan eseri eta han ikasteko.

Ikas baldintza txarrei aurre egiteko Astra espazio autogestionatuan antolatzen du liburutegia gazte asanbladak, eta horretan jarraituko dute hemendik aurrera ere. Alternatibak eraiki arren Udalari ikasteko lekua eta baldintzak eskatzen jarraituko dute, halere.

 

Albiste hau Topatu.eus-ek argitaratu du eta CC-by-sa lizentziari esker ekarri dugu ARGIAra


Kanal honetatik interesatuko zaizu: Gazte mugimendua
Zestoako gaztetxea husteko agindua eman du epaileak

Eraikinetik ateratzeko agindua eman diete Zestoako Gazte Asanbladako kideei, eta prozesuaren gastuak ordaintzera zigortu dituzte. Gaztetxearen defentsan mobilizatzera deitu dute igandean, otsailak 4, Zestoako plazatik.

 


Bi gazte epaitu dituzte asteazkenean Zestoako gaztetxearen okupazioagatik

Zestoako Elizondo eraikina gaztetxe berri gisa okupatu zuen Gazte Asanbladak. Eraikina Elizaren jabetzakoa da, eta gotzaindegiak gaztetxearen aurkako prozedura abian du. Protesta ekintzak nagusitu dira azken asteetan, igandean Zestoako elizan, esaterako. Zestoako Udalak adierazi... [+]


2024-01-23 | Gedar
Zestoako Gaztetxearekin elkartasunez, Eliza seinalatzen jarraitzen dute

Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.


Zarauzko gaztetxean lapurreta egin dutela salatu dute

Kontzertuetarako materiala eta baliozko tresnak eraman dituzte.


Eguneraketa berriak daude