Fikziozko hainbat lagunek duela 75 urte Gernikan bizitakoa kontatuko dute twitter bidez. Besteak beste, Emilio Mola jenerala, Jose Antonio Agirre lehendakaria, Mateo Malaxetxebarri 10 urteko Kortezubiko umea, Alberto Onaindia apaiz abertzalea, Wolfram Von Richthof Condor Legioko Estatu Nagusiko burua eta Andone Bideguren 9 urteko haurraren pertsonaiak aukeratu dituzte bonbardaketaren zuzeneko kontakizuna egiteko.
Eitb.com atariak Gernikako Bakearen Museoarekin eta Bonbardaketari buruzko Dokumentazio Zentruarekin elkarlanean, Gernikako gertaerak bilduko ditu iraganeko pertsonaien bizipenetatik abiatuta.
Orotara Gernikako bonbardaketarekin lotura zuzena izan zuten hamar pertsona aukeratu dituzte eta hauek, egungo baliabideetara moldatuta, goizeko lehen orduetatik arratsaldeko azken orduetara arte, azoka egun hartan gertatutakoaren berri emango dute. Modu horretan, bonbardaketa gaur egun gertatuko balitz nola kontatuko genukeen irudikatu gura dute esperimentu honen bitartez.
Dagoeneko kontaketaren berri emango duten pertsonaiak bere burua aurkezten ari dira.
Twitterreko jarraipenez gain, eitb.com atarian Gernikan duela 75 gertatutakoa azaltzen duten bideoak, infografiak, argitaratu gabeko argazkiak, dokumentalak eta elkarrizketak eskegi dituzte.