Gernikako Astraren hamargarren urteurreneko egitaraua aurkeztu dute
Abenduaren 24an hamar urte beteko dira Gernikako Astra arma lantegia okupatu zutela. Urteurren hori ospatu, eta etorkizunera begira lanean “ezinezkoak okupatzen” jarraitzeko prestatu duten egitaraua aurkeztu zuten zapatuan.
Abenduan zehar okupazioaren memoria egingo dute. 24ean, okupazioaren egunean, urteurreneko ekitaldi zentrala egingo dute. 26an berriz, okupazioa gogoratzeko eta ospatzeko egun osoko egitaraua prestatu dute. Musika, tailer eta erakusketak prestatu dituzte Astrako eraikinean eta herri osoan.
Etorkizunera ere begiratuko dute hamargarren urteurreneko ospakizunen baitan. Horretarako, otsailaren 18an, Astra bigarren aldiz okupatu zuten eguna baliatuz, Astrari eta Gernika-Lumoko eta eskualdeko kultur eta gizarte mugimenduari beste hamar urte emango diete etorkizunera begiratzeko. Otsailean eta martxoan , arlo ugaritako eztabaida, formakuntza eta erabakiak erdigunean jarriko dituen egitaraua osatzen hasi dira. Hamargarren urteurreneko egitarauaren zati hau urtarrilean aurkeztuko dute.
Aurkezpen ekitaldian irakurritako manifestuan gogora ekarri dituzte 2005eko abenduaren 24an Astra okupatu zuten gazteak eta hauei batu zitzaizkienak Astra Proiektua zirriborratzeko. Euren esperientzia txiki eta partikularretik behin egindakoa, beste askotan egiteko “ezinezkoak okupatzeko” deia zabaldu dute. “Litezkeen gauzarik ederrenak ezinezkoak dira okupatzen diren arte. Bihartik aurrera okupa ditzagun ezinezkoak”, aldarrikatu dute.
-Behean egitaraua:
Berangoko Otxantegiko nekazal lurrak modu kolektiboan lantzen bi urte eman ditu proiektu agroekologikoak, baina desalojo agindua dute apirilaren 18rako. Kanporatzea gelditzea lortu zuten iaz, eta berriro ere lortuko dutelakoan, gosari herrikoia deitu dute egun horretarako... [+]
Apirilaren 13an Berangoko Otxantegi Herri Lurra proiektuaren II. urteurrena ospatuko dute. Apirilaren 18an ordea bigarren desalojo saiakeraren mehatxua izango dute gainean.
Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.
Gipuzkoan, 700 apostasia eskaera baino gehiago lortu dituzte Zestoako Gazte Asanbladak eta Langile Kontrolpeko Espazioen Defentsa Komunitateak. Bihar protesta bat egingo dute Donostiako Artzain Ona katedralean, aurrera baitoa Gaztetxearen kontrako prozedura: hilaren 24an... [+]
Lurrak espekulaziorako eta dirua egiteko helburu bakarrarekin darabiltzaten jabeak badira Euskal Herriko hamaika txokotan; horren adibide nagusi izan dira azken urteotan Arbonako, Senpereko eta Kanboko esperientziak. Baina Hego Euskal Herrian ere badira antzeko kasuak; Uribe... [+]