"Ez du inork Kataluniako independentzia aldarrikatuko, orain Konstituzio Epaitegiak eskumenak izango ditu legea betetzen ez dutenak zigortzeko". Espainiako Kongresuko PPko bozeramaile Rafael Hernando, eta alderdi horrek Kataluniako hauteskundeetarako zerrendaburu aurkeztuko duen Xavier García Albiolek jakinarazi dute Konstituzio Epaitegiaren legearen erreforma proposatu dutela. "Amaitu dira txantxak", adierazi du Albiolek Generalitateko presidentea aipatuz.