Adin txikikoen eutanasia ere onartu du Belgikak

  • Adin muga ez da Belgikan oztopo izango eutanasia egiteko. Lege berriarekin, gaixotasun sendaezinak dituzten gazteak eskubide horren jabe izango dira hainbat baldintza betez gero.


2014ko otsailaren 13an - 00:00
Azken eguneraketa: 2015-02-26 13:37:33
Adinez beherakoek gurasoen oniritzia izan beharko dute, eta txosten psikiatriko batek demostratu beharko du pertsona nahikoa helduak direla. (Argazkia: El Expresso)

Esaterako, adin txikikoen gurasoen oniritzia izan beharko dute, eta txosten psikiatriko batek demostratu beharko du pertsona "heldua" dela. Arindu ezin daitekeen sufrimendua pairatzen duten gaixo terminalak babestuko ditu lege berriak.

"Heldutasuna" nola neurtu da polemika piztu duen gakoetako bat.

Herbehereak ziren gaur arte gazteen eutanasia aintzat hartzen zuten bakarrak, 12-18 urteko nerabeen kasuetarako. Belgikak, adin muga bat zehaztu ordez, heldutasun mentala jarri du erreferentzia gisa. Hori egin duen lehen herrialdea da.

Luxenburgon ere legezkoa da eutanasia.

Diputatuen Kongresuak gaur onartuko du lege berria, eztabaida luzeen ostean. Zentro-ezkerrak, liberalek eta Berdeek alde bozkatzea aurreikusten da; aitzitik, aurkako bozka emango du zentro-eskuinak.

Herritarren %74 dago legeak adin txikikoak ere aintzat hartzearen alde. Logikoa den moduan, orohar eutanasiaren aurka dagoen Eliza Katolikoak gogor kritikatu du egitasmoa.


Kanal honetatik interesatuko zaizu: Eutanasia
Eutanasiari buruzko lege-proiektua jakitera eman du Macronek apirilerako

Liberation eta La Croix egunkariei emandako elkarrizketan, eutanasiari bide emango dion lege proiektu bat bozkatzeko asmoa dutela iragarri du Frantziako presidenteak.


2023-12-21 | ARGIA
Eskatzen dutenen erdiak lortzen du Eutanasia Legearekin hiltzea Espainiako Estatuan

2022an 576 herritarrek eskatu zuten hiltzeko laguntza eta 288k lortu zuten Eutanasia Legearen babesa. 2021eko ekainean jarri zen indarrean legea eta, harrez geroztik, 749 pertsonak erabili dute. 2021ean 173 izan ziren eskaerak eta 75 izan ziren onartuak.


2023-03-31 | ARGIA
2021etik Nafarroan hamabost herritarrek heldu diote eutanasiari hiltzeko

Osasunbideko arduradunek zehaztu dutenez, bermatu da eskubidea ahalik eta berme handienekin gauzatzea bai herritarrentzat, bai eskatzaileentzat, bai haien senitartekoentzat, eta baita osasun-profesionalentzat ere.


2021-12-14 | Leire Artola Arin
Hamahiru pertsonari egin diote eutanasia EAEn eta 34k eskatu dute

Eusko Jaurlaritzak jakinarazi du 34 eskaera jaso dituztela Eutanasiaren Legea ekainean indarrean sartu zenetik; hamahiru laguni hiltzeko laguntza medikoa eman diete, eutanasia egin aurretik hil dira zortzi, beste eskakizun bati uko egin diote eta gainerako hamabiak... [+]


Eguneraketa berriak daude