Gazte musulmanak selfie umoretsu batekin egin die aurre Flandriako ultra-eskuindarrei

  • Eszena asteburu honetakoa da: Anberesen (Flandria) kultura musulmanari buruzko erakusketa antolatu dute. Erakusketa horren kontrako elkarretaratzea deitu zuen Vlaams Belang alderdi ultra-eskuindarrak.


2016ko maiatzaren 16an - 16:56
Anbereseko argazkiak erakusten du nola egin aurre ultra eskuineko manifestariei umorez (argazkia: Jurgen Augusteyns).

Vice aldizkariak kontatu duenez, erakusketara joan ziren gehienek ez zioten jaramon handirik egin atarian “Stop islam” bezalako mezuak erakusten zituen 40 laguneko taldeari. Lasaitasuna ez zen hautsi, ezta haietako batzuk bisitarien artean zerriki-saltxitxa zatiak banatzen hasi zirenean ere.

Halako batean, Jurgen Augusteyns argazkilariak emakume gazte bat ikusi zuen, hijab zapia buruan eta telefonoa eskuan. Zakia Belkhiri da, 22 urte ditu, eta eskuin muturrari irribarre batekin erantzuten ahal zaiola erakutsi du, mundu osoan zabaltzen ari den selfie-arekin.

Zakia Belkhiriren selfiea oso komentatua izaten ari da sare sozialetan.

Kanal honetatik interesatuko zaizu: Islamofobia
2024-02-27 | Leire Artola Arin
"Beloak egoiliarrak aztoratu ditzakeela" argudiatu du Iruñeko zaharren egoitza batek, garbitzaile bat lanik gabe uzteko

Arrazakeria, diskriminazioa eta islamofobia salatu ditu langileak, eta Iruñeko Lan Ikuskaritzaren aurrean elkarretaratzea egin dute, SOS Arrazakeriak eta LAB sindikatuak deituta. Ikuskaritzak salaketa itxi du, eta onartu egin du Misericordia enpresaren argudiaketa, dioena... [+]


Neska musulmanek erabili ohi duten tunika debekatu du eskoletan Frantziako Gobernuak

Irailetik aurrera, ikastetxe publikoetan abayah janztea debekatuta izango dute ikasleek Frantziako Estatuan. Neska musulman ugarik soinean eraman ohi duen tunika edo bata modukoa da abayah. Laikotasunaren defentsa ala islamofobia, hautsak harrotu ditu erabakiak.


2022-06-07 | ARGIA
Beloa eramateagatik emakume bati sarrera ukatu zion jatetxeko jabea epaituko dute

Beloa zeraman emakume bati “historiaurrean bezala” jantzita zihoala esan eta Hendaiako jatetxe batean sartzea eragotzi zion jabeak. Semeak bideoan grabatu zuen gertatutakoa eta diskriminazioagatik epaituko dute orain jabea.


Frantziako presidenteak musulmanak haserretu ditu

Mahomaren karikaturak ikasgelan erakusteagatik muturreko islamista batek irakasle bat hil ostean, “separatismo musulmana” kritikatu zuen Frantziako presidente Emmanuel Macronek eta eraikin publikoetan Mahomaren karikaturak proiektatu zituzten ondoren. Gehiegizkoa... [+]


Eguneraketa berriak daude