Gazte Danbadako antolakuntzako kideek jakinarazi dute “Oholtza gainean bakerik ez” ekimenean parte hartu duten musika taldeak bozkatzeko epea ireki dutela.
Euskal Herri osoko 66 taldek hartu dute parte ekimenean, eta igandera arte –otsailak 7– izango da bozkatzeko aukera webgune honen bidez. Otsailaren 17an publikatuko dituzte emaitzak; lehen 15 taldek gune handi batean kontzertua eskaintzeko aukera izango dute, eta gainerako guztiek herrian zehar jarriko dituzten guneetan joko dute. Horretaz gain, gehien bozkatutako 3 taldek zuzeneko 3 abesti grabatzeko aukera izango dute.
Bestalde, munduko leku askotako gazteek hartuko dute parte aurtengo Gazte Danbadan, eta hitzaldietan zein nazioarteko ordezkaritzen bitartekari lanak egiteko itzultzaileen laguntza eskatu dute. Horretaz gain, nazioarteko jendearekin ibiliko den laguntzaile talde bat ere osatu nahi dute: “Hymalaiara igotzeko sherpen gidaritza ezinbestekoa den gisara, Danbadan delegaritzen laguntzaile lanetan jardutea ere ezinbestekoa zaie gure bidelagunei”. Boluntario eta laguntzaile horien lana zehazteko, asanblada egingo dute datorren otsailaren 28an, igandea, Gasteizko Gaztetxean.
Ernai eta Aitzina gazte antolakundeek martxoaren 25etik 28ra egingo dute Gazte Danbada jaialdia, Laudion. “Esna harrapa gaitzala” lelopean gauzatuko da, “gazteok bizi dugun egoera prekarioan, esna egotea ezinbestekoa baita”. Horrela, aisialdia eta borroka uztartuko dituzte lau egunez, “bestelako herri eredu baten aldeko borroka hauspotzeko”.
Eraikinetik ateratzeko agindua eman diete Zestoako Gazte Asanbladako kideei, eta prozesuaren gastuak ordaintzera zigortu dituzte. Gaztetxearen defentsan mobilizatzera deitu dute igandean, otsailak 4, Zestoako plazatik.
Zestoako Elizondo eraikina gaztetxe berri gisa okupatu zuen Gazte Asanbladak. Eraikina Elizaren jabetzakoa da, eta gotzaindegiak gaztetxearen aurkako prozedura abian du. Protesta ekintzak nagusitu dira azken asteetan, igandean Zestoako elizan, esaterako. Zestoako Udalak adierazi... [+]
Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.