Ostiraletik astelehenera Gazte Danbada izango da Urduñan (Bizkaia). Ernai gazte antolakundearen jaiotzaren jaialdia da, eta aukera zabala egongo da eztabaidarako, gogoetarako, sormenerako, baita festarako ere. Tailerrak, mahainguruak, hitzaldiak, antzerkiak, kale animazioa eta kontzertuak egingo dituzte lau egunetan zehar.
Besteak beste, elikadura burujabetza, desobedientzia eta hondakinen kudeaketa tailerrak izango dira, praktikarekin kontzeptuak gehiago barneratzeko. Mahainguruetan eta hitzaldietan eztabaidarako aukera sortuko da. Esaterako, jai ereduari, Ipar Euskal Herriko egoerari, gazte problematikari eta kulturgintzari buruzko solasaldiak izango dira. Kontzertuei dagokienez, musika estilo anitzeko atzerriko eta bertako taldeak gerturako dira Urduñara. Adibidez, The Toy Dolls, South Central, Matxura, Cobra, Sen, Willis Drummond eta Los Chikos del Maiz.
Gauero, umore kutsua izango duen telebista saioa egingo dutela iragarri dute, eta Topatun zintzilikatuko dute 20:00ak bueltan.
Nazioarteko hainbat gazte antolakundeen ordezkaritza izango du Gazte Danbadak. Bretainia, Palestina, Suedia, Irlanda, Kurdistan, Flandria eta Herrialde Katalanetako gazteak, besteak beste, gerturako dira Urduñara.
Informazio gehigarria
Renfe-k Bilbo eta Urduña artean tren zerbitzu berezia jarriko du
Gazte antolakundeak "amorrua anbizio bilakatzeko gaitasuna" azpimarratu du. Atxiloketa prozesuaren atzean dagoena salatzea ez ezik, Ernairen norabidea zehaztu du.
Bilbon, Espainiako Gobernuaren ordezkariordetzan egin dute ekintza; Gasteizen, Ertzaintzaren komisaldegi atarian. Ertzaintza gazteen aurka oldartu da, eta Gasteizen bost pertsona atxilotu ditu.