Gazte bat borraz bortxatu zuen polizia ezaguna zen gehiegikeria gehiago egiteagatik

  • Frantzian Theo L. gaztea borraz bortxatu zuen polizietako batek jipoitu egin zuela salatu du auzo bereko beste gazte beltz batek. Frantziako Barne Ministroak ikerketa bat abiatu du Polizia Nazionalaren inguruan. Nouvel Observateur astekariak zabaldu du berria.

Ane Eslava Serrano
2017ko otsailaren 15a
Poliziaren kontrol bat Frantzian

Theo L.-ren kasua zabaldu baino aste bat lehenago polizia talde batek jipoitu zuela kontatu du Mohamed K. izeneko gazte batek. Erasotzaileen artean bere laguna borraz bortxatu zuen polizia zegoela ziurtatu du. Auzoan bere gehiegikeriengatik ezaguna dela eta Barbe Rousse (Bizargorri) deitzen dutela kontatu du.

Azpiko bideoa irekitzen duen irudian ikus daiteke Mohamed K poliziak eraso egin aurretik ezkerrean, eta ondoren eskuinean.

Aurrekoan bezala, gertaera Aulan-sous-Boys auzoan jazo zen, kontrol baten bitartean. “Poliziek ostikoak eta ukabilkadak eman zizkidaten aurpegian, sabelean eta bizkarrean, odoletan utzi arte. ‘Beltz zikina’ eta ‘txerria’ esan zidaten eta listua bota zidaten”, kontatu dio astekari frantsesari. Antza denez, ospitalera eraman zuten, baina gainetik sendatu ondoren, polizia-etxera eraman zuten berriro ere. “Hurrengo egunean, esnatzerakoan, begiak puztuta nituen eta ezin nuen ikusi”, gaineratu du. Frantziako Barne Ministroak ikerketa bat abiatu du. “Funtzionario baten aurkako akusazio larriak dira, beraz, argitu behar ditugu”, adierazi du.

Aurreko kasuak Frantziako kaleetan piztutako iskanbilak oraindik ez dira baretu. Aulan-sous-Boys auzoan gertatutakoa zabaldu zenetik Paris inguratzen duen Ile-de-Franceko hirietan manifestazioak egin dituzte eta poliziak hainbat gazte atxilotu ditu.

Kanal hauetan artxibatua: Frantzia  |  Frantziako polizia

Frantzia kanaletik interesatuko zaizu...
2017-02-15 | ARGIA
CETA akordioa onartu du Europako Legebiltzarrak, kanpoko aldean aurkako ekintzak

Euskal Herriko parlamentuetan ordezkaritza duten alderdietatik, CETAren alde bozkatu dute ondorengo alderdiek bozkatu dute: EAJ, PP eta PSOE. Eta aurka: EH Bildu, Podemos eta Equo. Goizean 150 ekintzailek Europako Parlamentuko sarrera blokatu dute Estrasburgon. TTIP Game Over Facebookeko orrian azaldu dutenez, lortu nahi zuten eurodiputatuak autoetatik jaitsi eta CETAren alde bozkatzea herritarrak zapaltzea zela irudikatzea.


Parisko karrikek sutan diraute poliziek Theo L. bortxatu eta astebetera

Paris metropolitanoa biltzen duen Ile-de-Franceko hirietan jarraitzen dute iskanbilek ilunabarrero, lau poliziak kaleko kontrol batean Theo L. gaztea borraz bortxatu zutela zabaldu ostean. Berriro 2015eko liskarrak errepikatuko diren beldur dira asko, zenbait soziologok azpimarratu du oraingo protestek "matxinada politiko" baten osagaiak dauzkatela eta Front Nationaleko buruzagiek errepresioa gogortzeko eskatu diote gobernuari liskarrak gehiago indartu baino lehen.


Frantzian leherketa izan zuen zentral nuklearrak kalitate ziurtagiri faltsuak zituen

Ostegun goizean Flamevillen egondako istripuak ez du ondorio larririk izan, baina hizpidera ekarri du berriro ere zentralaren inguruko polemika: 2014an ikerketa batek erakutsi zuen kalitate kontrol faltsuak zituela. Eskandaluaren eraginez Frantziako 20 zentral itxi zituzten, prebentzioz.

 


2017-02-10 | Mikel Asurmendi
Fillonen gainbeheratzeak gorabidean jarri du Macron

Mélenchon (Parti de gauche), Hamon (PS), Macron (Liberala), Fillon (LR) eta Le Pen (FN), Frantziako presidente gaiak dira ezkerretik eskuina. Inkesten arabera, berriz, lehen itzulian boz emaileek eskuina lehenesten dute: Le Penek bozen %25,5 erdietsiko luke. Macronek %22. Fillonek %17. Hamonek %15. Melenchonek %12. Fillon, ez da iragarri zen presidente berria izanen. Macron, berriz, ustekabean, izan liteke.


2017-02-09 | ARGIA
Leherketa izan da Frantziako Flamanville zentral nuklearrean

Ostegunean 10:00ak inguruan, leherketa izan da Frantziako Flamanville zentral nuklearrean, Ouest France egunkariak informatu duenez. Zaurituak daudela informatu dute hedabide lokalek, nahiz eta datu askorik ez den.


Lau polizia-agentek gazte bat bortxatu dute kontrol batean Frantzian

Ostegun gauean polizia-agente batek borrarekin bortxatu zuela eta beste hiruk jipoitu zutela salatu du 22 urteko gazte frantziar batek. Gertakaria Aulnay-sous-Bois herrian (Seleine-Saint-Denis) gertatu zen, droga trafikoaren aurkako operazio batean.


Ustelkeria kasu batek zikindu du Fillon, Frantziako eskuinaren zaldi zuria

LR alderdiko Frantziako presidentziarako hautagaiaren aurkako ikerketa bat ireki dute. 1998 eta 2012 artean bere emazteak lan faltsuengatik 900.000 euro kobratzea egotzita ikertuko du fiskaltzak, Le Mondek zabaldu duenez.


2017-01-30 | Mikel Asurmendi
Benoit Hamon da PSren hautagaia Frantziako presidentzialetarako

Benoit Hamon hezkuntza ministro ohia nagusitu zaio lehen ministro ohi Manuel Vallsi, bozen %58 eskuraturik. PSko ildo ezkertiarraren garaipenak Hollande-Vallsen aroaren amaiera ekarri du. Hala ere, Vallsek ezkerra batzera deitu du, baita Hamon presidentegaia sostengatuko duela adierazi ere.  


2017-01-23 | Mikel Asurmendi
Benoit Hamon PSko kritikoa nagusitu da ezkerreko primarioetan

Hiru ziren hautagai faboritoak: Frantziako alderdi sozialistaren (PS) Manuel Valls lehen ministro ohia, baita Arnaud Montebourg eta Benoit Hamon ministro izandakoak ere. Benoit Hamon jalgi da garaile, ustekabean. Bigarren izan den Manuel Vallsekin lehiatuko da heldu den igandean.


Eguneraketa berriak daude