Gazako uzta ugari hondatu ditu abioi israeldar batetik botatako herbizidak

  • Gazako soloetako uzta ugari kaltetuta edo deuseztatuta geratu ziren joan den abenduan, Israeleko hegazkin batetik jaurtitako herbizidaren erruz. Hala jakinarazi zuen Gazako Nekazaritza Ministerioak abenduaren 23an, Isabel Pérez kazetariak eldiario.es agerkari espainiarrean idatzitako erreportajean adierazi duenez.


2016ko urtarrilaren 08an - 00:50
Jaled Abu Mandilen semeetako bat, suntsitutako laboreen ondoan (Arg.: Isabel Pérez).

Aipatutako artikuluak zenbait laborari palestinarren testigantzak jasotzen ditu. Horien arabera, abendu amaieran Israelgo hegazkin batek gutxienez Gaza eta Israel bereizten dituen Marra Berdea zeharkatu eta substantzia kimikoak jaurti zituen. Ohikoa izaten da hori, baina orduko hartan hegazkina inoiz baino barrurago sartu zen Gazako lurretan.

“Beti botatzen dituzte [herbizidak] gure soloetan, baina sekula ez hainbeste”, adierazi zuen Jaled Abu Mandil, kaltetutako laborarietako batek. “Marra Berdearen barrutik 100 metroraino iritsi izan dira, baina oraingoan 500 metrora zabaldu da pozoia”. Hark landatutako garagarra eta garia egun gutxira hil ziren.

Aitzakia, segurtasuna

Israelek segurtasun militarra erabili ohi du inguruan herbizidak botatzeko justifikaziotzat. Diotenez, belarrak akabatu behar dituzte bertan dabiltzan soldaduek ondo ikusteko oztoporik eduki ez dezaten. Horri eremuaren “berdintzea” gehitu behar zaio, hau da, hondeamakinek Marra Berdearen inguruko lurra zapaldu eta bidean aurkitzen duten guztia suntsitzea.

Israelek Irisgarritasun Mugatuko Eremuak (ARA) izendatuta dauzka bere kabuz Gazako mugan, baina nahieran moldatzen ditu. Herbizidarekin kaltetutako lurretako asko Marra Berdetik 300 metro baino gehiagoko distantziara zeuden, israeldar hegazkinen eraginetik kanpo geratzeko nahikoa, ustez behintzat. Fumigatzearen ondorioz, zenbait jakiren uztak osorik galdu dituzte inguruko nekazari palestinarrek.

Horrez gain, lekukoetako batek adierazi du Israelgo hegazkinaren gidariak nahita puskatu zuela elektrizitate-linea bat, zeinaren bitartez Israelek argindarra eman behar baition Gazako Lerroari, nazioarteko hitzarmenen arabera.     

 


Kanal honetatik interesatuko zaizu: Palestina
2024-03-27 | ARGIA
NBEk lehen aldiz su etena eskatu du Gazan

32.000 hildakotik gora eragin ditu Israelek urriaren 7az geroztik Palestinan, eta beste milaka dira desagerturik edota larri kolpaturik. Jarraipena egiten ari gara.


2024-03-24 | Reyes Ilintxeta
Kristina Berasain. Sahararekin kateatuta
"Palestinakoa ikusita, zer egingo du orain Marokok Sahararekin?"

Arnas luzeko kazetaritza maite du Kristina Berasainek. Kazetaritza pausatua. Haimaz haima ibili da sahararrekin hizketan, kontakizunak eta testigantzak bilduz, gero horiek guztiak liburu eder batean harilkatzeko. Pasioz eta pazientziaz, ia 50 urte erresistentzian daraman saharar... [+]


2024-03-24 | Marta Maroto
Inork nahi ez duen gerra saihetsezina

Hezbollah, Ekialde Hurbileko miliziarik boteretsuena, Libanoko lurretatik Israeli eraso egiten hasi zen, Gazako sarraskia hasi eta biharamunean. Palestinari elkartasuna adierazteko bigarren fronte honen etorkizuna Zerrendan gertatzen denarekin lotuta dago. 91.000 lagun inguru... [+]


Eguneraketa berriak daude