Paperean irakurtzeko pentsatua dago, baina ez da ohi bezala inprimatu eta zabalduko. Egunero 14:00etan jaso ahal izango du agerkariko harpidedunak berak nahi duen helbide elektronikoan. Sakontasuna eta informazio kalitatea eskaini nahi ditu, agerkariko arduradunen esanetan.
Papera bai, baina era berezian bideratuko da produktu berria: PDF formatuan egingo da, A4ko tamainan eta irakurle bakoitzak erabakiko du bere etxeko inprimagailuan zer inprimatu eta zer ez. Helbide elektronikoz jaso nahi ez duena Vilaweben webgunetik ere sartu ahal izango da egunkarira. Inprimatzeko pentsatua dago, baina aldi berean PDF guztia interaktiboa izango da eta bideo sekzioa ere izango du.
Jaso nahi duenak Vilaweben harpideduna izan beharko du, eta ostiraletan irakurle guztiek jaso ahal izango dute astebururako bereziki egingo den argitalpena. Larunbatean ez da egunkaririk izango.
Ohikoan 12-16 bat orrialde izango ditu, baina lehen zenbaki honek 42 ditu, duela 25 urte independentismo katalanaren aurkako izandako sarekaren erreportaje zabala dakarrelako. Egun hartan 45 pertsona atxilotu zituzten Terra Lliure erakunde armatuko kide izatea leporatuta eta horietako askok torturak salatu zituzten. Baltasar Garzon epaileak agindu zuen operazioa.
Vilaweb 1995ean sortu zen eta Kataluniako agerkari digital zaharrena eta irakurrienetakoa da.
Sholomo Karhi Israelgo Gobernuko Komunikazio ministroak ez du gustuko Haaretz egunkari israeldarra gerra nola ari den lantzen, eta bere kontrolpean diren publizitate eta harpidetza guztiak kentzeko mehatxu egin dio. Israelgo Kazetarien sindikatuak elkartasuna adierazi dio... [+]
Joseba Intxausti Rekondo (Segura, 1936 - Donostia, 2023) hil da, Jakin aldizkariko zuzendari izandakoa eta euskararen historia sozialaren ikertzailea eta euskal kulturaren sustatzailea. Liburu eta artikulu ugari idatzi zituen bere bizitzan eta hainbat elkarteren sorrera bultzatu... [+]
Ustelkeria kasuak argira ekarri izanagatik ezaguna da José Rubén Zamora. Siglo Veintiuno, El Periodico eta Nuestro Diario komunikabideen sortzailea da. Iazko uztailean sartu zuten preso, Alejandro Giammattei presidenteari loturiko ustelkeria kasu bat plazaratu eta... [+]
“Nahikoa da”, esan du Anthony Albanese Australiako lehen ministroak Democracy Now!-ko albistegian, eta eskatu du Julian Assangeren kasua bertan behera uztea. Wikileaks-en fundatzaileak lau urte daramatza Londreseko Belmarsh kartzelan, estradizioaren zain AEBetan... [+]
2019an atxilotu zuten, talde terrorista bateko kide izatea egotzita. Telebista kate bereko beste bi kazetari oraindik Egipton daude espetxeratuta.