Mozal Legea uztailaren 1ean jarriko da indarrean
Martxoaren 13an PPren aldeko bozkekin Senatuan gertatu bezala, Herritarren segurtasunerako lege proiektua onartu dute ostegunean Espainiako Kongresuan. Uztailaren 1ean indarrean sartuko da.
Horren aurrean mobilizazioak deitu dituzte Euskal Herrian. 11:30ean PPk Bilbon duen egoitzaren aurrean kontzentrazioa deitu dute. Ordubete beranduago, 12:30ean Leioako campuseko Mikel Laboa plazan Mozal Legearen aurkako kontzentrazioa deitu du Leioako ikasle mugimenduak. Martxoak 25, 19:30ean Iruñeko autobus geltoki zaharretik gazte manifestazioa deitu dute Iruñerriko gazteek. Larunbatean manifestazioa eginen dute Bilbon eta 17:30ean abiatuko da Arriaga plazatik.
Espainiar Estatu mailan ere mobilizazioak deitu dituzte Herritarren segurtasunerako legearen onarpenaren aurka. No Somos Delito mugimenduak twitterren #26MStopMordazas traola erabiltzeko deia egin du. Era berean Alacanteko No Somos Delitok borroka eguna deitu du eta 19:00etan manifestazioa eginen dute. Ostiralean, martxoak 27, No Somos Delito mugimenduak Espainiako Kongresuan lege berria gaitzesteko ekitaldia antolatu du.
Protesta mota ugari zigortu nahi ditu Espainiako Gobernuak lege honen bitartez. Oposizio guztia aurka izanda eta Nazio Batuen Erakundeak otsail amaieran Mozal Legea eta kode penalaren erreforma erretiratzeko eskatu badie ere, PPren bozkekin legea onartuko dute Espainiako Kongresuan.
Informazio gehiago:
Mezularia zigortu nahi du Espainiako Gobernuak
“Mozal legea” bertan behera uzteko eskatu dute NBEko ordezkariek
2021eko protesta batean Poliziaren jarduna grabatu eta zabaltzeagatik, Mozal Legea urratu izana leporatu zion udaltzainak kazetariari. Salaketan hainbat gezur esan zituen agenteak, grabatutako bideoan egiazta daitekeenez. Agiriak faltsutzeagatik kazetariak kereila jarri zuen... [+]
2015ean PPk gehiengo absolutuz ezarri zuen Mozal Legea. Oinarrizko zenbait eskubide urratzen dituen arau sorta horrek kontrakotasun handia bildu zuen Espainiako Estatuko mugimendu sozial eta alderdi politikoen artean, baita nazioartean ere. Lege hori "ezbairik gabe derogatu... [+]
Dagoeneko erreformaren %96 adostuta dute Espainiako Kongresuan erreforma lantzen ari diren alderdiek, eta datorren astean akordio batera iritsiko dira, El Plural.com-en irakurri dugunez.
Laudioko Gaztetxearen kaleratzearen ondorio ekonomikoei aurre egiteko elkartasun jaialdiak antolatu dituzte Orbeko Etxean, Zazpi Katu Gaztetxean eta Gasteizko Gaztetxean. Ertzaintzak 'mozal legea' ezarri zien sei gazteri ekainaren 13ko protesten harira, 4.000 euroko... [+]
Hogei eragile sozialek baina gehiagok eginiko deialdiak dozenaka pertsona bildu ditu ostegun ilunabarrean Donostian adierazpen askatasuna aldarrikatu eta Mozal Legearen indargabetzea eskatzeko. Lege horren bitartez, Hego Euskal Herrian 2020tik hona 30.000 zigor baina gehiago... [+]