Hasi da "De Miguel" auziko epaiketa, EAEko epaiketarik handiena ustelkeriaz

  • Arabako EAJko buruzagi ohi ugari daude auzipetuta. Fiskaltzak, guztira 119 urteko kartzela zigor eskaera egin du 26 auzipetuentzat.

Andoni Mikelarena @andonimik
2018ko urtarrilaren 08a
Arg: Iosu Onandia

Itxaso Atutxa, Bizkai Buru Batzarreko buruak, “EAJren aurkako asmo txarrak” salatu zituen “De Miguel” auziaz galdetuta egindako adierazpenetan. Ainhoa Alberdi enpresariak, Arabako fiskaltzan jarritako salaketa baten harira abiatu zen auzia duela zortzi urte. Alfredo De Miguel eta Aitor Telleriak, EAJko buruzagi ohiak biak, ustez 100.000 euroko komisioa eskatu zioten Alberdiri, Miñaoko parke teknologikoa zabaltzeko kontratua Urbanorma Consulting enpresari esleitzearen truke.

Gaur hasi eta urriaren 25era bitarte egingo da epaiketa, nahiz eta, abendura arte ere luzatu daitekeen. Orain arte EAEn ustelkeria kasu bati lotuta egin den epaiketarik handiena da “De Miguel” auziarena. 26 pertsona daude auzipetuta eta 150 herritar inguruk testifikatuko dute. Prozesu judiziala hamabi piezatan banatu dute, kausa ordenatzeko. Epaitegia bera ere, berritu egin dute, aretoan denak sartu daitezen, 100.000 euroko kostua izan du obra horrek.

Auzipetuen artean, Alfredo De Miguel, Tokiko Administrazio eta Lurralde Orekarako Arabako diputatua izan zena dago. Fiskaltzak 54 urteko kartzela zigor eskaera egina du De Miguelentzat egozten dizkion 21 delituengatik. Berarekin batera Aitor Telleria eta Koldo Ochandiano Araba Buru Batzarreko kide ohiak ere auzipetuta daude. Juan Jose Ibarretxeren garaian Gazteria saileko zuzendari izan zena ere, Xabier Sanchez Robles, auzipetuen aulkian eseriko da; baita Gurutz Larrañaga, Kultura departamentuan Miren Azkarateren bigarrena izandakoa ere.

2009ko abenduan Ainhoa Alberdik egindako salaketaren harira, 2010eko martxoan egin zuten polizia operazioarekin abiatu zen kausa. Alberdik 24 grabazio eta hainbat korreo elektroniko aurkeztu zituen salaketa egiterakoan. Horren harira azaleratu zen ustezko ustelkeria sarea. 2011ko uztaileko informe batean, Zigoitia eta Lapuebla de Labarkako udalek (EAJ zegoen agintean) esleitutako zenbait obra publikorengatik, De Miguelen sareak komisioak eskuratu zituela jaso zuten. Komisio horiek, ustez aholkularitza lanak egitearen truke jasotzen zituzten.

Kanal hauetan artxibatua: De Miguel auzia  |  EAJ  |  Araba  |  EAE

De Miguel auzia kanaletik interesatuko zaizu...
2018-02-07 | ARGIA
"De Miguel" auziko tribunalak erabaki du Miren Azkaratek ez duela deklaratu beharrik

Komisio ilegalak kobratzea leporatuta Arabako EAJko goi-kargu ugari zipriztintzen dituen "De Miguel" auzian Miren Azkaratek deklaratu dezala eskatu zuen akusatuetako baten abokatuak, garai hartan Eusko Jaurlaritzako Kultura sailburu zela eta epaitzen ari diren kontratuak sail horri lotuta daudela argudiatuta. Arabako Auzitegiko tribunalak, ordea, ez du beharrezkotzat jo Azkaratek deklaratzea.


2018-01-10 | Andoni Mikelarena
Miren Azkaratek "De Miguel" auzian deklaratu dezala eskatu du akusatuetako batek

“De Miguel” auziko epaiketaren bigarren egunean aurreneko ika-mika sortu da bi auzipeturen artean. Hain justu, Xabier Sanchez Robles Eusko Jaurlaritzako Gazteriako zuzendaria izandakoaren eta Gurutz Larrañaga Kultura saileko bigarrenaren artean.


2018-01-08 | Hala Bedi
"De Miguel auzia" izenez izen

Denera, 26 lagun daude auzipetuta, guztiak Arabako EAJko alderdikide ohiak, tartean, De Miguel bera, Araba Buru Batzarreko kide ohi eta Arabako Aldundiko Tokiko Administrazioetarako diputatu ohia; Aitor Telleria ABBko kide ohia eta Koldo Otxandiano Arabako burukide eta Arabako Ongizate Institutuko zuzendari izandakoa.


"De Miguel" auzia lehertu zuen Mi˝aoko Parke Teknologikoa orain 'low cost' alokairua eskaintzen

Arabako Parke Teknologikoak alokairu merkeen kanpaina jarri du martxan enpresak erakartzeko, eraikin huts ugari baitaude egun. EAJko hainbat buruk parke teknologiko horren eraikuntza baliatu zuten komisioak kobratzeko “De Miguel” kasuan.


2017-01-05 | ARGIA
"EAJ zen De Miguel auziko traman dena batzen zuen pegamentua"

Iker Rioja eta Jose Manuel Camara kazetariek Arabako ustelkeria kasu handienaren inguruko gakoak azaldu dituzte Adi! elkarteak antolatutako hitzaldi batean. Hala Bedi irratiak jaso du bertan kontaturikoa.


2016-06-21 | ARGIA
De Miguel auziaren ahozko epaiketa hasteko agindu du epaileak

Maria Eneida Arbaizar, Gasteizko 4. Instrukzio Auzitegiko epaileak, “De Miguel” auzian ahozko epaiketa has dadila agindu du. Halaber, 26 auzipetuetako batzuei kautelazko isunak ordaintzeko agintzen die. Kargu gehien leporatu zaion Alfredo de Miguelentzat, isun hori 16,5 milioi eurokoa izango da, fiskaltzak martxoan eskatu zuen 25 milioikoa baino dezente txikiagoa. Iosu Izagirre fiskalak ia 55 urteko espetxe-zigorra ere eskatu zuen De Miguelentzat.


Eusko Jaurlaritzak ez du kartzela zigorrik eskatuko De Miguel auziko inputatuentzat

Eusko Jaurlaritzak adierazi du “erredundantea” izango litzatekeela kartzela zigorrak eskatzea, fiskalak dagoneko eskatu dituela argudiatuta.


2016-03-17 | Zebrabidea
Unai Mendizabal, Adi! elkartea
"Inork ez du dirua ezeren truke ematen, nola da posible EAJk hainbeste bereganatzea?"

Legez kanpoko elkarte bat eratu eta komisioak kobratzea, EAJk gobernatutako erakundeen kontratu eta adjudikazio publikoak modu irregularrean eskuratzea, egin gabeko lanengatik dirua lortzea, kapitala zuritzea, eroskeria, bortxaz jendea behartzea, dirua bidegabe erabiltzea… Horiek eta gehiago dira Arabako Probintzia Auzitegiko fiskalak De Miguel auzia delakoan zehaztutako delituak.


2016-03-15 | ARGIA
Sasienpresa sare bat Araban: 54 urteko kartzela eskatzen dute Alfredo de Miguelentzat

Arabako fiskaltzak 54 urte eta 9 hilabeteko zigorra eskatu du Alfredo de Miguel EAJko probintziako bigarren pertsona garrantzitsuena izandakoarentzat. Legez kanpoko komisioak kobratzea, kapitalak zuritzea eta eragin-trafikoa leporatzen dizkiote, besteak beste.


Azkenak
EGILEA
Eguneraketa berriak daude