Gaur epaituko dituzte pintaketa batzuk egiteagatik auzipeturiko Laudioko bi gazteak

  • Espainiako Auzitegi Nazionalera joan beharko dute Beñat Ereñok eta Aitor Martinezek. Urtebeteko kartzela zigorra, 7 urteko inhabilitazioa eta 2.520 euroko isuna eskatu dizkie fiskaltzak.

Topatu.eus @topatu_eus
2017ko maiatzaren 03a
Aitor Martinez eta Beñat Ereño gazteek Espainiako Auzitegi Nazionalean deklaratu beharko dute. (Argazkia: Aiaraldea.eus)

Herrian pintaketa batzuk egiteagatik epaituko dituzte Aitor Martinez eta Beñat Ereño gazteak Espainiako Auzitegi Nazionalean. Gaur jarri diete epaiketaren hitzordua, 10:30ean, Madrilen. Eskaera egina du fiskalak: urtebeteko espetxe zigorra, zazpi urteko inhabilitazioa eta 2.520 euroko isuna eskatzen dizkie.

Bi gazteak babesteko sostengu taldea sortu dute herrian, Muntai Polizialik Ez lelopean. Facebook orria ere sortu dute. Salatu dutenez, hain zuzen, muntai poliziala dago guzti honen atzean. Gazteek idazkera probak egin nahi izan zituzten pintaketaren egileak haiek ez zirela frogatzeko, baina epaitegiak ukatu egin zien proba egitea.

Eleak/Libre-ren oharra:

Aste honetan bertan, maiatzak hiru, Aitor Martinez eta Beñat Ereño gazte laudioarrak epaituak izango dira Madrileko Auzitegi Nazionalean. Fiskaltzak urtebeteko kartzela zigorra, 7 urteko gaitasungabetze osoa, urtebeteko zaintzapeko askatasuna eta 2.520 euroko isuna eskatzen die, margoketa batzuk egitea leporatuta. Prozedura Ertzaintzak abiarazi eta bultzatu du, gezurrak, mehatxuak eta ageriko kontraesanak tarteko. Eleak/Libre mugimenduak bi gazteekin eta haien alde piztu den ekimen herritarrarekin bat egiten du. Gazteen absoluzioa eta salbuespen politiken amaiera exijitzen ditu.

Iragan abenduaren 16an goizeko 7etan Ertzaintza Aitor eta Beñaten etxera joan zen. Gazteak euren kabuz hurbildu ziren komisaldegira. Han, margoketa batzuk egin izana leporatuta, terrorismoari gorazarrea egiteagatik auzipetuak izango zirela jakinarazi zieten. Prozedurak abiada handian egin du aurrera, eta maiatzaren 3an bertan izango dira epaituak Auzitegi Nazionalean. Aitorren, Beñaten eta gure eskubide zibil eta politikoen alde egiteko arrazoiak ugariak dira.

Prozedura bera, zuzenbidearen ikuspuntutik, ezin ahulagoa da, eta Ertzaintzaren jarrera lotsagorritzeko modukoa. Proba nagusia bi pertsona margoketak egiten agertzen dituen bideoa da. Komisaldegian bertan onartu zieten poliziek gazteei ez zekitela irudietakoak nortzuk ziren. Baina izenik eman ezean eurak izango zirela auzipetuak egin zieten mehatxu (baita mehatxua bete ere, irudietako pertsonen garaierak Beñatenekin eta Aitorrenekin alderatuta ezberdinak direla nabarmena bada ere). Bideoko bi pertsonek eskuin eskuez egiten dituzte margoketak, eta Aitor ezkertia da. Defentsak proba kaligrafikoa eskatu du, eta salbuespen auzitegiak eskaera ukatu du, defentsarako eskubidea urratuz. Hori guztia jakinik ere, ertzainek bideoko bi pertsonak Aitor eta Beñat direla baieztatzen jarraitzen dute euren txostenean.

Temakeria itsu horren arrazoia iraganean bilatu behar al dugu, akaso? Orain bizpahiru urte, bi gazte laudioarrek antzeko epaiketa izan zuten, Ertzaintzak margoketa batzuen arduradun bezala seinalatu eta gero. Probak hain ziren eskasak, fiskalak berak, Ertzaintzaren jarreraren aurka, akusazioa erretiratzea erabaki zuela. Epaiketarik ere ez zen izan ondorioz. Ordea, indargabetutako akusazio hura bera erabili du Ertzaintzak oraingo epaiketari begira aurkeztutako txostenean, gazteak kriminalizatu asmoz.

Berriz ere bi gazte euskaldun salbuespen epaitegi batean. Oraingoan Ertzaintzaren ekimenez, margoketa batzuk leporatuta eta terrorismoari gorazarre egin izanaren akusaziopean. Hamaikagarrenez; Salbuespen epaitegiak eta legediak ordenamendu jurdikotik desagertu behar dute; margoketa bat, edozein dela ere, ezin da terrorismo delitua izan.

Zoritxarrez, Madrileko epaitegiek zein “bertako” poliziek ez dituzte gure eskubideak euren borondatez inoiz errespetatuko. Gure ardura eta erantzunkizuna da errespetaraztea. Aitorren eta Beñaten inguruan elkartasuna antolatuz, salbuespen politiken aurka eginez, bateko zein besteko mozalak onartu gabe gure eskubide zibil eta politikoak praktikatuz.

Albiste hau Topatuk argitaratu du eta ARGIAra ekarri dugu CC by-sa lizentzia baliatuta

Kanal honetan artxibatua: Epaiketak

Epaiketak kanaletik interesatuko zaizu...
2018-05-18 | ARGIA
Astelehenean hasiko da Oreretako eta Beasaingo gazteen aurkako epaiketa

Iazko martxoan atxilotu zituzten Iruñean izandako liskar batzuen harira. “Desordena publiko terroristak” egotzi diete Oreretako hiru laguni eta Beasaingo bati. Espainiako Auzitegi Nazionalean izango da epaiketa, eta fiskalak zazpina urteko espetxe zigorra eskatu du guztientzat.


Agus Rodriguez, barrako barrikadatik
"Metroa, AHTren geltokia... Donostia zer izango da, Montecarlo bat?"

Inoiz joan bazara Donostiako Alde Zaharreko Rekalde tabernara, seguru barraren atzean ikusiko zenuela Agus Rodriguez, irribarrez, batekin edo bestearekin hizketan. Nor da, ordea? Bere hitzetan: “45 urteko gazte bat, euskaldun berri zaharra, donostiarra, semea, aita, anaia, lankidea, batzuetan nagusia, eta militantea”. Tabernaren azken urtearen atarian hitz egin dugu berarekin.


2018-04-18 | Axier Lopez
Altsasuko auzia
Guardia Zibil baten emaztearen bertsioa gezurtatzen duen argazkia

Altsasuko gazteen aurkako epaiketan, asteartean Guardia Zibileko teniente baten emazteak –Maria Jose izenekoa–, behin baino gehiagotan adierazi zuen auzipetuetako bat, Adur Ramírez de Alda, kamiseta gorriz jantzita zegoela erasoak gertatu ziren gauean. Altsasuko gazteen gurasoek igorri duten argazki honetan argi ikusten da hori ez dela egia.


2018-04-09 | Lander Arbelaitz
Zer gertatzen da Errazkin eta Intxaurrandietaren epaiketarekin?

Ostegunean epaituko dituzte Madrilgo Kontu Epaitegian 2013an Gipuzkoako erraustegi gaindimentsionatua geratu zuten Iñaki Errazkin eta Ainhoa Intxaurrandieta. Lehena Ingurumen diputatua zen eta bigarrena Gipuzkoako Hondakinen Kontsortzioko burua, biak EH Bilduko kideak.


Altsasuko gazteen auziaren berri emateko martxa Iruñerrian izanen da asteburuan

Hiru bizikleta zutaberen bidez egituratuko dute deialdia larunbatean: Berriozartik aterako da bat, 10:30ean; bigarrena, Barañaindik, 11:00etan; eta, azkena, Atarrabiatik, 11:00etan. Gazteluko plazan elkartuko dira denak, 13:30ean.


2018-03-12
Ruben Ollo "Olazti" atxilotu dute Auzitegi Nazionalera eramateko

Ruben Ollo "Olazti", La Haine eta Ahotsa hedabideetako kolaboratzailea, poliziek atxilotu dute gaur eguerdiz Iruñean, dirudienez Madrilgo Auzitegi Nazionalera eramateko. 'Terrorismoaren gorazarre' egiteagatik atxilotua 2017ko irailaren 7an, urtarril honetan jakinarazi zuen uko egiten ziola Madrilen deklaratzera azaltzeari.


2018-03-09 | ARGIA
The Altsasu Case: a brawl, 480 days in prison, and support from thousands of people

A demonstration had been organised for 14th April in Iruñea in support of the three young people who have been held in prison for almost a year and a half, and to demand they be given a fair trial. After a pub brawl with two members of the Civil Guard (Spanish armed forces), they were arrested and have been held in custody since then.


2018-03-02 | Axier Lopez
Izendatu dute Altsasuko gazteen epailea: Valtonic espetxeratu eta Guardia Zibilaren saria jaso duen Concepción Espejel

Concepción Espejel epailea izendatu dute Altsasuko gazteen epaiketa zuzentzeko. Gazteen abokatuek Espejel kasutik aldentzea eskatu dute, Guardia Zibilaren koronel batekin ezkonduta dagoelako eta Guardia Zibilak “Merezimenduzko Saria” eman ziolako, besteak beste.

 


2018-02-09 | Aiaraldea.eus
"Lasai eta indartsu noa kartzelara, badakit herri osoa dudala atzean"

Julen Ibarrolari (Amurrio, 1993) urtebeteko kartzela zigorra ezarri dio Espainiako Auzitegi Nazionalak, errotulki batekin pintaketa bat egiteagatik. Terrorismoa goratzea leporatzen diote.


Auzitegi Nazionalera joateari uko egin dio La Haine eta Ahotsako kolaboratzaile batek

Terrorismoa goratzea egotzi diote Ahotsa.info-ko eta LaHaine-ko kolaboratzaile Ruben Ollo Olazti-ri eta prentsa ohar baten bidez ohartarazi du "desobedientzia" ariketa egin, eta ez dela epaitegira azalduko.


Eguneraketa berriak daude