Urtzi Martinez eta Jon Telletxea ez dira espetxean aurkeztu. Hori adierazi 11:00etan Bilboko Albia lorategian Grebalariak Aske plataformak egindako prentsaurrekoan. Bi auziperatuon izenean oharra irakurri du Irantzu Ialdeberek, eta "lege arrotzen eta kapitalisten aurrean desobedientziaren bidetik jotzea" erabaki dutela adierazi dute. Urriaren 11rako AskeGunea deitu dute Deustun.
Bi urte eta erdiko espetxe zigorra bete beharko dute bi gazteek greba orokorreko istiluetan parte hartu izanaz akusatuta. Herritarrei dei egin diete urriaren 11n 10:00etatik 14:00etara Deustuko Done Petri plazara joatera.
2012ko martxoaren 29ko greba orokorreko istiluetan parte hartu izana egozten diete gazteei eta irailaren 22an hasita 10 eguneko epea izan dute espetxean beren burua aurkezteko. Hasieran, zigorra 15 hilabetekoa zen, baina desordena publikoa eragitea leporatuta zigorra handitu egin zieten.
Aste honetan egiten ari dira lanuzteak, lan-baldintzetan hobekuntzak exijitzeko. Aurreko hiru hilabeteetan ere izan dituzte grebak.
Gaur, apirilak 16, Eusko Jaurlaritzari eta Industria Sailari beren industria-politikan jarrera aldaketa bat exijitzeko manifestazioa egin dute Bizkaiko 60 industria-enpresa inguruk Mecaner enpresako langileakaz batera, Bilbon. Adierazi dute "hitzetatik ekintzetara"... [+]
LABek jakinarazi duenez, martxoaren 14an materiala garraiatzen ari zela zama gainera erori ondoren larri zauritutako langilea zendu da asteartean. Jadanik hamazortzi lagun dira urtea hasi zenetik lanean hildakoak, sindikatuaren arabera, eta lan istripuen "gorakada... [+]
Langileen aldarrikapenak eztabaida politikoaren erdigunera eraman, eta aldaketa soziopolitikoa lortzeko "eragile aktibo" izanen dela nabarmendu du LABek 50. urteurreneko ospakizunean.