Ziburuko ikastolak orain arteko lekuan segituko du zazpi eguneko epea bukatuta
Asteartean amaitu da iragan astean Paueko Auzitegiak Ziburuko Kaskarotenea ikastolari okupatzen duen tokia uzteko jarritako zazpi eguneko epea. Egunak igarota, Marinela gunean jarraitzen duten egun bakoitzeko 100 euroko isuna ordaindu beharko du ikastolak. Halaber, argindarra, ura eta hesiak kenduko dizkiela egin die mehatxu Ziburuko auzapez Guy Poulouk.
Epaia jakin zenetik Seaska modu anitzetan saiatu da egoerari irtenbidea bilatzen, baina akordiorik ezean, Marinelan jarraituko dutela diote. Etor daitezkeen isunei aurre egiteko, Seaskak elkartasun kanpaina jarri du martxan.
"Badakigu ikastola honekin potentziala badugula"
Duela bi urte sortu zen Kaskarotenea ikastola. Zortzi ikasle zituen orduan eta 13 ditu egun. Maialen Tapia Kaskaroteneako irakasleak Kazeta-n azaldu duenez, “ikastola honekin potentziala badugula badakigu, horregatik inportantea da atxikitzea”.
Egun Ziburuko ume ugari Donibane Lohizunera joaten diren arren, hurbiltasunaren garrantzia medio, haurrak Kaskarotenea doazela antzematen dutela azaldu du Tapiak. Egun ikastolan dauden haurren anai-arreba gazteagoak ere denborarekin bertara joango direla aurreikusten dute.
Tapiaren esanetan, ikastola txikia izatek ere erakartzen ditu gurasoak. "Egia da ttipia izanki gauza gehiago egiten ahal ditugula eta pedagogia ere ezberdina da", adierazi du. Gurasoen konpromisoa azpimarratu du irakasleak: "Gurkein lanean aritzeko prest dira eta hori ez da gutti".
Bestalde, Ziburuko auzapez Guy Poulou eta Herriko Etxearen jarrera salatu du Tapiak. Lagundu ordez, “zapaltzen” aritzea ulertezintzat jo du eta Herriko Etxearen inguruan, “ziburutar bezala hautetsien jokamoldeaz lotsatzen dela” adierazi du.
Hastapen gogorrak izan ziren Ziburuko ikastolarenak: Herriko Etxearekin adostutako eraikinetik bota nahi izan zituen auzapezak eta argindarra moztu zien, Polizia bidaltzearekin mehatxatu, isuna ezarri… baina elkartasun uholdea jaso zuen Kaskarotenea ikastolak eta aurrera... [+]
Ziburuko auzapezak jarritako oztopei aurre egitea lortu dute Kaskarotenea ikastolako kideek. Asteazkenean hasiko dute ikasturtea haurrek ikastolaren eraikin berrian.
Igande honetan, maiatzaren 10ean, Herri Urrats 32. ekitaldia Senpereko lakuan. Ospakizunean bildutako dirua Ziburuko ikastola berria eraikitzeko izanen da.
Ez da inolako akordiorik lortu Ziburuko Kaskarotenea Ikastolaren eta Herriko Etxearen artean. Seaskak, Kaskarotenea Ikastolak, behin eta berriz azpimarratu du ikastolak zerbitzu publikoa eskaintzen duela, euskaraz ikasteko aukera emanda herriko haurrei. Laida Mujika ikastolako... [+]
Kaskarotenea ikastola Ziburun mantentzeko 300.000 euroko balioa duen lursail bat erosiko du Seaskak. Herri Urratsen bilduko den dirua erabiliko dute gastu horri aurre egiteko.