Gaur amaituko da Editoreen Galeusca A Coruñan: hizkuntza propioetako edizioa aztertu dute

  • Editoreen Galeusca jardunaldiak, A Coruña-ko Luis Seoane Fundazioan egiten ari dira, ekainaren 13, 14, eta 15ean. Gaur dute itxiera eguna. Hizkuntza propioetako edizioaren egoerari buruz ari dira.


2018ko ekainaren 15an - 09:44
Aurtengo edizioaren afixa eta irudia.

Bederatzigarren edizioa da aurtengoa, hizkuntza propioetako edizioaren egoerari buruz arituko dira, Asociación Galega de Editoras (aurtengo antolatzaileak), Associació d'Editors en Llengua Catalana, Associació d'Editors del Pais Valenciá eta Euskal Editoreen Elkartea.

Euskal Editoreen Elkartea-ren zuzendaritza berriko lau partaide daude bertan:

Joxemari Sors-ek, elkarteko lehendakariak, (Elkar), Euskal Herriko edizioaren panorama aurkeztu du.

Pello Elzaburuk, (Pamiela), Galiziako Kalandraka argitaletxearekin komunean duten esperientzia konpartitu du.

Mikel Sotok, (Txalaparta), nazioarteko edizioaren egoera aztertzeko ardura hartu du.

Idoia Gonzalezek, (Erein), edizio sektorean berdintasunaren prozesuaz ari da, beste hiru lurraldetako emakumeekin.

Jardunaldiak, Galiziako Xunta, A Coruñako Udala, Luis Seoane Fundazioa eta Eusko Jaurlaritzarko Kultura Sailaren laguntzarekin antolatu dira.

 


Kanal honetatik interesatuko zaizu: Liburugintza
Ekoedizioa: Nola murriztu liburuak sortzen duen kutsadura

Duela urtebete sortu dute Ekoedizioaren Institutua Katalunian, paperezko argitalpenek ingurumenean eragiten dituzten ondorioak gutxitzeko asmoarekin. Ekoedizioak bete beharko lituzkeen hamabi irizpide zehaztu ditu institutuak, eta liburua ekoeditatua dela ziurtatzen duen zigilua... [+]


Iruñeko Katakrakek 10 urte
Jan, edan, irakurri... mundua aldatu

Datorren abenduaren 31n hamar urte beteko dira Iruñeko Katakrakek ateak ireki zituenetik: ostatua, liburutegia eta ikuskizunetarako areto nagusia biltzen zituen espazio berriak. 2016an laugarren hankak mahaia osatu zuen: argitaletxea. Iruñerrian bakarra da... [+]


2022-07-10 | Peru Iparragirre
ISBN
Euskarazko liburuek zein leku dute nazioarteko sisteman?

Liburu (ia) guztiek daramate, kontraportadan eta barneko orrietan, ISBN zenbakia. Zer da baina? Zertarako balio du? ISBN zenbakiaren historia, haren balioa eta funtzionamendua eta egun euskarazko liburuek sistema horren barruan duten lekua aztertzen ditu erreportaje honek.


Pasazaite argitaletxeak agur esatea erabaki du 10 urteren ondoren

Ekain honetan hamar urte bete ditu Pasazaite argitaletxeak. Nazioarteko literatura euskarara ekartzen espezializatu den proiektuak urteurren hori baliatu du ateak itxiko dituela iragartzeko.


Eguneraketa berriak daude