Gaueko trenak mantentzearen alde mobilizatuko dira Baionan abenduaren 2an

  • Berotegi Efektuko gas isurketen %30 garraio sektoreak eragiten du. Garraiobide horien artean trena da gutxien kutsatzen duena. Hala ere, Frantziako Estatuak tren zerbitzua murriztea eta beste garraio mota batzuk bultzatzea erabaki du.


2016ko azaroaren 29an - 13:07
(Arg: Enbata.info)

Hendaia eta Okzitaniako Tolosa batzen dituen trena, eta Hendaiatik Parisera doan gaueko trena zerbitzuz kanpo utzi nahi ditu Frantziako Estatuak.

Gaueko trenaren bidez denbora eta dirua aurrezten dela adierazi du Jérome Teillary Frantziar Trenbideen Elkarte Nazionaleko kideak, Enbata-n argitaratutako artikulu batean. Zerbitzu horren erabilpena murrizten saiatu izan da Frantziako Estatua. Bidaiaren iraupena luzatu zuen, eta asteburuetan besterik ez zuen eskaini. Hala ere, urteko %40 baino gehiagoko okupazio tasa dauka gaueko trenak, eta zenbait hilabetetan %80koa.

Tren horiek zerbitzurik gabe uzteak beste garraio mota batzuk erabiltzea eragingo du Teillaryren esanetan. Errepideetako garraioak askoz gehiago kutsatzen du, eta kostu handiagoak ditu. Beraren ustez, ingurumen arazoetarako eta etorkizunerako prest egon beharko luke Frantziako Gobernua.  

Gaueko trenen alde egiteko mobilizazio astea antolatu dute azaroaren 26tik abenduaren 3ra bitartean. Euskal Herriari dagokionez, elkarretaratzea egingo dute abenduaren 2an 17:00etan Baionako geltokian.


Kanal honetatik interesatuko zaizu: Garraioa
'Bidegi auzia' berriz ireki eta txosten independentea egiteko agindu du Gipuzkoako Auzitegiak

EH Bilduren helegite baten bidez, Gipuzkoako Lurralde Auzitegiak berriz ireki du Bidegi auziko bi kereiletako bat, AP1 autobidearen Eskoriatza-Arlaban zatiari dagokiona. Pasa den irailean Azpeitiko epaitegiak erabaki zuen kasua behin behinean artxibatzea. Orain, auzitegiak... [+]


Gaueko trenen bigarren aukera? Hegazkinaren alternatiba astiro doa

Gaueko tren bidaia arruntak desagertu egin ziren duela urte batzuk ia Europa osoan, airezko garraioaren mesedetan. Baina larrialdi klimatikoak hegazkin kutsagarriak alboratzera eraman du jende asko orain, eta ordu txikitako tren sarea berriz ere martxan jarri nahian ari dira... [+]


Iñaki Arriolak dio AHTren lanak amaituta ikusteko oraindik "urtetxo" batzuk beharko direla

Eusko Jaurlaritzako Garraio sailburuak onartu du herritarrak "nekatuta eta haserre" daudela obren iraupenarekin. "Euskal Y" deiturikoaren hormigoizko azpiegituraren lanak 2025ean amaituko direla hitz eman du, baina gaineko egitura guztia eta hiriburuetarako... [+]


EAJk atzera egin eta Barik txartelaren deskontua mantenduko dute

Hasiera batean alderdiak garestitu egin nahi zituen Barik txartel anonimo eta aldi baterako abonuak, baina azkenean atzera egin du. Beherapena berriz otsailaren bigarren erdialdean indarrean sartuko dela aurreikusten du.


Eguneraketa berriak daude