Gastu militarrera bideratzen dituen 5 eurotik 4 ezkutatzen ditu Espainiako Gobernuak
2017ko Espainiako Aurrekontu Orokorretan 7.638 milioi euroko gastua aurreikusten da Defentsa Ministeriorako. Utopía Contagiosa kolektibo antimilitaristak aurrekontuak aztertu ditu eta ikusi du beste ministerioetan ezkutaturik egiten den gastu militarra eta zorra batuta gastua 33.762,4 eurokoa dela, alegia, datu ofiziala baino 26.124,4 milioi gehiago.
Iaz 5.787 milioi euro gastatu zituen Defentsa Ministerioak eta aurten 7.638 milioi gastatuko ditu, %31,97 gehiago. Lehen Armamentu Programa Berezien (PEA) ordainketak ezkutatzen zituzten, baina Auzitegi Konstituzionalak gastu horiek publiko egitera behartu ditu eta aurrekontuetan ezarri behar izan dituzte; horregatik handitu da kopurua.
Defentsa Ministerioaren gastuaz gain, 8.852,29 milioi euroko gastua ezkutatu dute beste Ministerio batzuetan, gastu sozialak izango balira bezala. Industria, Nekazaritza eta Ingurugiro Ministerioek finantzatuko dituzte NATOri egindako ordainketak, itsas armadaren operazioak eta Defentsa Ministerioaren garraioa, besteak beste. Honela, Ministerio guztiak kontuan hartuta, gastua 16.490´83 milioi eurokokoa da.
Azkenik, aurrekontuetan zehazten den kopuruari gehitu behar zaizkio aurrekontuek izaten duten “gaingastua”, sortzen duten zorra eta horren interesak. Dena batuta 17.271´57 milioi euroko gastua suertatzen da, 2016an baino %7,09 gehiago.
2017ko gastu militar osoa 33.762,4 milioi eurokoa izango dela ondorioztatu daiteke, iazkoa baino %9,16 handiagoa.
.png)
Ezohiko irudia ikusi zen Madrileko Moncloako jauregian martxoaren 18an: estatuko industria militarraren buru nagusiak Pedro Sánchez presidentearekin eta Margarita Robles Defentsa ministroarekin bilduta. Bertan ziren ere Hego Euskal Herriko enpresa militarretako buru... [+]
1997. Aguraingo Intsumiso Eguna. Antimilitarismoak milaka lagun biltzen zituen bere ekimenetan, artxibotik berreskuratu dugun argazki honetan ikusten den moduan. Aurten 30 urte beteko dira Intsumiso Eguna ospatzen hasi zirela.
Herrialde askotako hegazkinak izanen dira Bardean gerrarako ariketa militarrak egiten. Benetako bonbak eta munizioa erabiliko dituzte horretarako. Aste osoan izanen dira lan horietan eta Poligonoaren Aurkako Asanbleak zalantzak ditu segurtasuna ziurtatuko ote duten... [+]
Yurii Sheliazhenko Ukrainako Mugimendu Bakezaleko Idazkari Exekutiboa da, eta abuztuaren 15az geroztik preso dute bere etxean. Asteazkenean egin zuten bere aurkako lehen epaiketa eta intsumisioaren aldeko Europako mugimendua bere askatasunaren aldeko kanpaina egiten ari da.