Gasteizko Udaltzaingoaren 092 zenbakiak ez du euskaraz arretarik emango aurrerantzean
Udaltzaingoak PL2 maila eskatzen zuten 6 plaza eskaini zituen, Gasteizko euskara zerbitzua kontuan hartu gabe. ELAk salaketa jarri zuen eta nahi ez zuten ondorioa etorri da: Errege Egunetik, euskararik ez 092 telefono zenbakian.
“092, bai esan?” Edozein larrialdi baduzu eta Gasteizko Udaltzaingoari deitzen badiozu, ez saiatu euskaraz hitz egiten. Ofizialki prestatutako poliziarik ez dago euskaraz erantzuteko prest.
EAEko Justizia Auzitegi Nagusiak hala erabaki zuen pasa den martxoaren 13an, baina urtarrilaren 6ra arte izan dute epea Udaltzaingoan euskarazko arreta emateko.
Horretarako, baina, hiru urte atzera begira jarri behar gara. Gasteizko epaitegietan hasi zen prozesu honek gora egin zuen gutxinaka-gutxinaka, EAEko Justizia Auzitegi Nagusira iritsi arte.
Bitxia bada ere, hasierako iniziatiba ELA sindikatuarena izan zen. Baina sindikatuaren asmoa ez da bete. Izan ere, 2015ean Agirrelandan PL2ko plazak eskaini zituzten, baina Udaleko euskara zerbitzua kontuan hartu gabe. Prozedurak euskara zerbitzua abisatu behar dela ohartarazten du, eta hori salatu zuen ELAk.
ELAk helegitea jarri zuen orduan PL2-a eskatzen zuten sei plazen kontra. Gasteizko epaitegiek, hasiera batean, ez zuten kontuan hartu sindikatuaren helegitea. Ostean, berriz, ELAK EAEko Justizia Auzitegi Nagusira eraman zuen helegitea. Honek bai, honek arrazoia eman zion sindikatuari. “Gertatutakoaren ardura Udal Gobernu ezberdinen ardura da”, azaldu du ELA sindikatuak.
Albiste hau Hala Bedi Irratiak argitaratu du eta Creative Commons lizentziari esker ekarri dugu.
Euskal Herrian Euskarazek apirilaren 22tik 28ra egingo du lehen aldiz Harrotze Astea. EHEk bost ekintza nazional prestatu ditu, eta hortik aurrera, herriz herri hainbat dinamika antolatuko dituzte euskaltzaleek. Sugoi Etxarri EHEko kidea elkarrizketatu dugu. Haren ustez,... [+]
Hizkuntza eskubideen urraketekin lotutako 909 kexa jaso zituen Behatokiak 2023. urtean. Horien %75 baino gehiago administrazioari loturiko zerbitzuei buruzkoak dira: “Herritarrek salatzen dute urtero horma berdinaren aurka borrokatzen jarraitzen dutela”.
Korrikak lehen asteburua Nafarroan egin du, eta argi ikusi dugu ez dagoela Nafarroa bat, ez eta hiru ere, baizik eta hainbat. Herriz herri egoera soziolinguistikoa eta euskaltzaletasuna erabat aldatzen dira, eta Korrika ere izan da horren lekuko.
Euskal Herriko 16 ikasle Parisen dira astearte honetan, euskaraz ikasteko eskubidea aldarrikatu eta horretarako neurriak har ditzatela eskatu diete diputatuei, Frantziako Legebiltzarrean. “Urduri gaude, baina badakigu zer erran nahi dugun”, adierazi diote goizean... [+]
Taldea ezagutarazteko eta proiektua finantzatzeko antolatu dute egun osorako egitaraua.