Gasteizko hilketa salatzeko mobilizatzera deitu du Emakumeen Mundu Martxak
Gasteizko hilketa, genero indarkeriatzat jo du mugimendu feministak; hori dela eta, Euskal Herriko Emakumeen Mundu Martxak deituta elkarretaratzeak egingo dituzte hainbat hiriburu eta herritan. Gasteizen berriz, manifestazioa egingo dute ostegunean Andre Mari Zuriaren plazatik hasita.
Ertzaintzak jakinarazi duenez, atxilotuta jarraitzen du ustez bikotekidea hiltzeagatik atzemandako gizonak. Asteazkenean miatu zuten haren etxea eta datozen egunetan deklaratu beharko du epailearen aurrean.
Gertatutakoaren inguruan hipotesi guztiak zabalik daude oraindik baina bi azpimarratu ditu Ertzaintzak: genero indarkeria eta droga trafikoa.
Topatuk mobilizazioen orduak eta lekuak bildu ditu:
- ALGORTA: 19:30ean elkarretaratzea Telletxen
- ALTSASU: 19:30ean elkarretaratzea udaletxe aurrean
- AZPEITIA: 19:00etan elkarretaratzea plazan
- BILBO: 19:30ean elkarretaratzea Arriaga plazan
- DONOSTIA: 19:30ean elkarretaratzea Bulebarrean
- GASTEIZ: 20:00etan manifestazioa Andra Mari Zuriaren plazatik
- LEKEITIO: 19:00etan elkarretaratzea Eskolapian
- OIARTZUN: 19:30ean elkarretaratzea plazan
- TOLOSA: 19:00ean elkarretaratzea Triangulon
- ZARAUTZ: 18:30ean elkarretaratzea udaletxe plazan eta ondoren kazelorada
Eremu digitalak, gizakion dinamiketatik edaten duen heinean, gizarte eredu ezberdinetan aurkitu ditzakegun antzeko arazoak ditu. Pertsonen arteko arazo asko botere kontua izan ohi da; botere arazoek indarkeria dakarte zenbaitetan. Esate baterako, indarkeria matxista.
Eremu... [+]
Bizkaiko Foru Aldundiko Emakumeak Babesteko eta Familiei Laguntzeko zerbitzuan, lau psikologotik hiru kendu dituzte. Are gehiago, langileek salatu dute indarkeria matxistaren biktimak artatzeko plan berriak emakume ugari uzten dituela kanpoan.
Emakumea oso larri dago erietxean, Sud Ouest egunkariak jakinarazi duenez. Haren bikotekidea izan daitekeen gizona fidantzarik gabeko atxiloaldian sartu dute, aurrekariak dituelako.
Indarkeria matxistaren datu "onartezinak" salatu ditu Txibite presidenteak. Izan ere, Nafarroan erregistratutako salaketen %17 sexu-indarkeriagatik dira. Hartara, bihar zabalduko duten Sexu Indarkerien Arreta Integraleko Zentro "seguru eta konfidentzialaren"... [+]