Gasteizko Gaztetxeak 30 urte ospatuko ditu aurten

  • Urtarriletik uztailera bitartean, herri mugimenduko eragileen parte hartzearekin, askotariko borrokak landuko dituzte eta urriaren 6an OkupaTU Gasteiz egunean parte hartzeko deia egin dute.

Argazkia: Gasteizko gaztetxea
Artikulu hau CC BY-SA 4.0 lizentziari esker ekarri dugu.

2018ko urtarrilaren 19an - 09:27

Herri Mugimenduko eragile ezberdinen babesarekin eskainitako prentsaurreko batean, Gasteizko Gaztetxeak 30.urteurrena aurkeztu du. Gaztetxearen jaiotza gogoratu dute, 1988.urteko apirilaren 28an gazte batzuek apezpikuarena zen kotxeraren ateari ostikoa emanez eraikina okupatu zutenetik.

"Gaztetxeak Alde Zaharra maite du. Jaio zenetik, ez dio inoiz utzi hazi, hezi eta eraldatzeari", adierazi dute belaunaldi ezberdinetako Gaztetxeko bi kidek. Okupazioa, autogestioa eta asanblada oinarritzat mantentzen ditu muinoko etxeak, hilero eskaintza kulturala, aldarrikapenak, desobedientzia, euskararen aldeko lanak… eramanez aurrera. Eta hala jarraitzeko asmoa dute.

Salaketarako tartea ere egon da. "Espekulazioa okupazioaren bidez salatu" eta etxebizitza eskubidea aldarrikatu dute. "Gorbatadun batek baino gehiagok poltsikoak bapo betetzen ditu familien ametsak zapuztuz eta kale gorrian utziz". Horregatik, borrokan dauden Santo Domingoko bizilagunak izan dituzte gogoan: "Kalea bizirik nahi dugu".

"Sistemak ezarritako autoritarismoa irauli, eta erabakiak denon artean hartzearen aldeko apustua egin genuen", azpimarratu dute. Honen aurrean, akatsetatik ikasi dute muinoko etxean, "inkoherentzien barruan ahal dugun bezain koherente izanik".

Urteurren bateratua

Aurreko asteetan iragarri bezala, Gaztetxeak, Hala Bedik, Auzolana Pilotalekuak eta Errekaleor Bizirik! proiektuek urteurren bateratua eramango dute aurrera. Bihurri eta harro, súbete al carro lelopean, OkupaTu Gasteiz dinamikak ekimen ezberdinak burutuko ditu 2018.urtean eta urriaren 6an OkupaTU Gasteiz eguna ospatuko dute Arabako hiriburuan.

Borroka ezberdinak uztailera arte

Urtarrilean zehar, programazio ekologista jarriko dute martxan gaztetxeroek Berriztu, Zero Zabor, BioNekazaritza eta Italiatik etorritako antiespezista batzuekin batera. Horretaz gain, otsailean Gazte Mugimenduak hartuko du protagonismoa, martxoan feminismoak, apirilean okupazioa eta autogestioa lantzen duten eragileek, maiatzean preso eta iheslariek, ekainean Alde Zaharreko eragileek eta uztailean internazionalismoak. 

Lehenengo asteko egitarauaren berri ematearekin batera, urtarrilaren 20an Ekaitz In Da House jaialdia ospatuko dute. Gasteizko preso gaztetxeroak sei urte bete ditu espetxean, eta 2020an aterako da kartzelatik.

Artikulu hau Hala Bedi Irratiak argitaratu du eta Creative Commons lizentziari esker ekarri dugu.


Kanal honetatik interesatuko zaizu: Okupazioa
2024-01-23 | Gedar
Zestoako Gaztetxearekin elkartasunez, Eliza seinalatzen jarraitzen dute

Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.


2024-01-19 | Gedar
Euskal Herrian izan den apostasia kolektiborik handiena ari dira egiten Zestoako Gaztetxearen alde

Gipuzkoan, 700 apostasia eskaera baino gehiago lortu dituzte Zestoako Gazte Asanbladak eta Langile Kontrolpeko Espazioen Defentsa Komunitateak. Bihar protesta bat egingo dute Donostiako Artzain Ona katedralean, aurrera baitoa Gaztetxearen kontrako prozedura: hilaren 24an... [+]


2023-12-18 | Garazi Zabaleta
Otxantegi Herri Lurrak
Lurra negozioa egiteko ala elikadura eta bizitza duinerako?

Lurrak espekulaziorako eta dirua egiteko helburu bakarrarekin darabiltzaten jabeak badira Euskal Herriko hamaika txokotan; horren adibide nagusi izan dira azken urteotan Arbonako, Senpereko eta Kanboko esperientziak. Baina Hego Euskal Herrian ere badira antzeko kasuak; Uribe... [+]


Donostialdeko okupazio bulegoak hamargarren urteurrena ospatuko du

Donostialdeko okupazio bulegoak hamar urte beteko dituela eta, urteurren festa antolatu du astebururako. Ostiralean mahai ingurua egingo dute Parte Zaharreko Birunda gune autogestionatu berrian, Etxebizitzaren defentsan, antolakuntza esperientziak ezagutzeko. Bertan izango dira... [+]


Errekaleorren 10. urteurreneko ekintzetan jasandako polizia jazarpena salatu dute

Errekaleor Bizirik auzoaren hamargarren urteurrena ari da ospatzen. Adierazi dutenez, 24 orduan lau identifikazio eta hiru isun jasan dituzte. Isunak mozal legea aplikatuta jarri dizkiete.


Eguneraketa berriak daude