35 gazte inguru bizi daitezke Alde Zaharrean okupatu duten bloke berri honetan. Hamar urte daramatza hutsik eraikinak eta “etxebizitzaren inguruko arazo kolektiboari erantzun kolektibo bat” eman nahi diote okupazio berri honekin.
Gasteizko gazte talde batek “Corre” ("Hedegile”) kaleko 127. blokea okupatu du, Hala Bediri jakinarazi diotenez. Azken asteetan zehar okupatu dute eta 35 pertsona inguru bizi daitezke eraikin honetan, adierazi dutenez. Ikasturte honetan “Pinto”, Txikita eta “Kutxi” kaleetan blokeak okupatu dituzte helburu berarekin.
Gazteek azaldu dutenez, “bloke honen utzikeriagatik, badakigu alkateak aurreko udal gobernua eta berea salatu, eta akatsak onartu beharrean gure portaera kriminalizatzera joko duela". Zentzu honetan, “hiritarron interes eta beharrak asetzeko borondate eza” leporatu diote Urtaranen gobernuari.
Gazte Emantzipaziorako Saretik argitu dutenez, sarea zabaltzen jarraitzeko asmoa dute: “Txikitatik hasita, Pinto, Kutxi, eta Hedegile kaleko etxebizitzak pizten eta berpizten jarraituko dugu”.
Bloke honek hamar urte daramatza hutsik. Izan ere, 2008. urtean, ARICH (Agencia de Revitalizacion Integral del Casco Historico) enpresa sortu eta etxebizitza honen tankerako blokeak kudeatzen hasi zen. Hala ere, nahaspila urbanistiko ugari sortu zituen enpresa horrek, eta egun zorrak kitatu gabe ditu oraindik.
Etxebizitza honen desjabetze prozesua ulertzeko luze jo behar da atzera. ARICH enpresak, tutoretzapeko apartamentu batzuk sortu nahi zituen, baina ez zen inolako mugimendurik egon. Ezarritako datak igarota, proiektu horren eskumena Ensanche 21en eskuetara igaro zen eta 2012. urtean, arrazoi ekonomikoengatik, kudeaketa bertan behera geratu zen.
Artikulu hau Hala Bedik argitaratu du eta CC-by-sa lizentziari esker ekarri dugu ARGIAra.
Apirilaren 18rako zegoen ezarrita desalojoa, eta lurrak defendatzeko asmoz bertaratu ziren hainbat pertsona. Ertzaintza, baina, ez zen joan, eta auzitegiek jakinarazi dute atzeratu egin dutela huste saiakera. Desalojoa gelditzea lortzen duten bigarren aldia da.
Berangoko Otxantegiko nekazal lurrak modu kolektiboan lantzen bi urte eman ditu proiektu agroekologikoak, baina desalojo agindua dute apirilaren 18rako. Kanporatzea gelditzea lortu zuten iaz, eta berriro ere lortuko dutelakoan, gosari herrikoia deitu dute egun horretarako... [+]
Apirilaren 13an Berangoko Otxantegi Herri Lurra proiektuaren II. urteurrena ospatuko dute. Apirilaren 18an ordea bigarren desalojo saiakeraren mehatxua izango dute gainean.
Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.
Gipuzkoan, 700 apostasia eskaera baino gehiago lortu dituzte Zestoako Gazte Asanbladak eta Langile Kontrolpeko Espazioen Defentsa Komunitateak. Bihar protesta bat egingo dute Donostiako Artzain Ona katedralean, aurrera baitoa Gaztetxearen kontrako prozedura: hilaren 24an... [+]