Gasteizko Alde Zaharreko herri mugimenduak babesa adierazi dio Auzolana pilotaleku autogestionatuari

  • Larunbatean 300 pertsona baino gehiagok bat egin zuten Gasteizko Auzolana pilotalekua kudeatzen duen Txapa-Hotsa asanbladaren deialdiarekin. Udal Gobernuak frontoi autogestionatua eraisteko asmoaren aurrean, elkartasuna eta babesa emateko prest azaldu dira.

Larunbatean argazki koloretsua egin dute frontoiaren defentsan

2017ko martxoaren 06an - 09:19

Auzolana pilotalekuak duen “erabilera ugaria eta anitza” era grafikoan islatzeko asmoz argazki jendetsua antolatu du Txapa Hotsa asanbladak larunbatean. Dei horri erantzunez, Alde Zaharreko pertsona eta kolektibo asko agertu dira frontoira: Auzokideak, frontoia birgaitzeko auzolanetan parte hartu duten lagunak, herri bazkariez gozatu dutenak, feministak, auzogintzan diharduten kolektiboak, ekologistak, euskaltzaleak, migranteen elkarteak, presoen aldekoak, sindikalistak, dantzariak, esgrima zaleak...

"Udal Gobernua bakarrik dago Auzolana pilotalekua eraisteko asmoan"

Pasa den irailetik, Udalaren proiektuan inplikatuta dauden pertsona eta taldeekin hitz egin du Txapa Ahotsa Asanbladak, iritziak partekatzeko asmoz. Horren ondorioz, Gasteizko euskalgintzan eta auzogintzan diharduten pertsona eta mugimendu guztiek ulertzen dute Antzokia ezin dela Auzolana pilotalekua eraitsita eraiki, adierazi zuten pasa den urtarrilean. Horregatik larunbatean, Udal Gobernuaren “bakardadearen” ifrentzua erakutsi nahi izan dute, pilotalekuaren alde direnak elkartuz. Oso pozik azaldu dira asanbladako kideak jende kopuruak haien aurreikuspenak gainditu dituelako.

Gasteiz Antzokiaren proiektuak aurkezteko lehiaketaren pleguetan bi aukera ematen ditu Gorka Urtaranen udal-taldeak: Frontoia ikutzen ez duena, batetik eta bestetik, eraisteko baimena ematen duena. Baina pleguen irakurketak “argi uzten du hitzez esaten dena egiatan ezinezkoa dela”, salatu du Txapa Hotsak. Baldintzek eta proiektuak puntuatzeko irizpideek ezinezko egiten dute, asanbladaren ustez, frontoia eraisten ez duen proiektu batek lehiaketa irabaztea. Beraz, frontoiko kideek argi dute gaur gaurkoz Udal-gobernuaren asmoa bera izaten jarraitzen duela: Auzolana pilotalekua eraistea. Pilotalekuko lagunek larunbatean jasotako babesa eta elkartasuna ikusirik ondorengoa adierazi dute: "Asko gara inposaketaren eta gezurren aurrean frontoia defendatzeko prest gaudenak eta ez dugu utziko hainbeste urtetako bizitza eta lana eraisten".


Kanal honetatik interesatuko zaizu: Auzolan esperientziak
'Eutsi geureari' goiburuarekin abiatu da Errigoraren udaberriko kanpaina

Nafarroako erdialde eta erriberako nekazariei eta euskalgintzari babesa adierazteko produktu loteen eskaerak egin daitezke Errigora. eus webgunearen bitartez. 'Eutsi geureari'  izeneko kanpaina abiarazi zuten atzo eta martxoaren 13ra arte aukera dago saski horietako... [+]


14.000 saskitik gora saldu ditu Errigorak, eta 185.000 euro bideratuko ditu euskalgintzara

Hamar urte dira saskiekin hasi zirela eta bi milioi euro bildu dituzte guztira.

 


Errigora, hamar urte euskarari puzka

50 euroko saski bakar eta "biribila" eta komunitatea batuko duen argazki erraldoia atera nahi dituzte urteurrena ospatzeko kanpainan. Azaroaren 9ra bitartean egin daiteke saskien eskaera.


2023-10-15 | Leire Artola Arin
Emakume baserritarrak, funtsezkoak bezain ahaztuak

Baserritar bat abereak gobernatzen edo traktorea gidatzen irudikatu beharko bagenu, ziurrenik gizon heldu bat imajinatuko genuke. Erreportaje honetarako elkarrizketatu ditugun baserritarrek, ordea, erakutsi digute iruditeria folkloriko horren atzean badaudela landa eremutik... [+]


Ludoteka euskaldunak Nafarroa erdi eta hegoaldean, aisialdian ere haurrak euskaraz aritu ahal izateko

Nafarroa erdi eta hegoaldean euskaraz ikasi bai baina erabiltzeko aukera gutxi du haur askok. Herri horietan aisialdia euskaraz gozatu ahal izateko asmoz jaio ziren Jolasteka ludoteka euskaldunak. Ikasturte honetan gutxienez 16 herri, 22 jolasteka eta 3 eta 12 urte arteko 211... [+]


Eguneraketa berriak daude