Gasteizko Alde Zaharreko bizilagunak hauteslekurik gabe utzi ditu PPk

  • Gasteizko Udalak maiatzeko Europako Hauteskundeetarako Alde Zaharreko bi hauteslekuak kenduko ditu: Luis Aranburu musika eskola eta Paulo Freire helduentzako heziketa zentroa ez dira bozka emateko irekiko.


2014ko apirilaren 24an - 00:00
Azken eguneraketa: 2015-02-26 13:37:33
Gasteizko Udalak Europako Hauteskundeetarako mahaiak gutxitzeaz gain lau hautesleku kentzea erabaki du.

Ser irrati kateko Iker Armentiak ElDiario.es-en nabarmendu duenez PPk hauteskundeetako emaitza kaxkarrenak eskuratu ohi dituen egoitzak alde zaharrekoak dira. Gasteizko auzorik abertzaleenetarikoa dela ere azpimarratu du.

Europako Hauteskundeetan parte hartzea %50 ingurukoa izatea aurreikusten denez, Espainiako Gobernuak hauteskunde-mahai gutxiago egon daitezela eskatu du eta mahai bakoitzean 800 herritarrek bozkatu beharrean 1.200ek egin beharko dute.

Gasteizko Udalak lau hautesleku kentzea erabaki du: Errekaleor auzoan, Galtzabide auzoko Luis Dorao eskolan eta Alde Zaharreko bi egoitzatan ezingo da botorik eman.

Alkate ohia erabakiaren kontra

“Gasteizko historia demokratikoan auzo bati hautesleku guztiak kentzen zaizkion lehenengo aldia izango da”, adierazi du Patxi Lazcoz Gasteizko Udaleko PSEko bozeramaile eta hiriko alkate ohiak.

Boto emaile eta mahai ratio bera duten beste zenbait auzotan PPk ez duela halako neurririk hartu salatu du Lazcozek, eta “ez dela kontu teknikoa, politikoa baizik” esan du.

Javier Maroto PPko alkateak, berriz, “efizientzia arrazoiek” bultzatutako erabakia dela adierazi du.

Oposizioko alderdiek adierazi dutenez, “informazio kanpaina indartsua” egin ezean aldaketa horiek abstentzioa handitzea eragin dezakete.


Kanal honetatik interesatuko zaizu: Europako Hauteskundeak 2014
UPyD eta EAJ talde berean ariko dira Europako Parlamentuan

Europarako Liberal eta Demokraten Aliantzak (ALDE) UPyD alderdia onartu du, talde berean dauden EAJ eta CDCren kontrako botoekin. Trukean, autogobernuari buruzko azpitaldea sortzea onartu du ALDEk.


2014-06-09 | Judith Perez
Syriza: "Euroeszeptikoak boterean daudenak dira"

Europako hauteskundeen ostean Syriza, Greziako ezkerreko koalizioa, herrialdeko lehen indar politikoa bihurtu da. Kostas Isychosek, alderdiaren kanpo politikaren arduradunak, “politika alternatiboentzako itxaropen boto” gisa deskribatu ditu emaitzak, Marta... [+]


Posible da PSNrik gabeko gobernu alternatiba

EAJ eta EH Bilduren emaitzak bloke abertzalea biziki sendotu dute, eta jadanik joera da hori. Hegemonia lehiatzeaz gain, serio pentsatu beharko dute herrigintzaren ikuspegitik elkarlan sendoagoa jorratzea. Nafarroan, aldiz, emaitza hauek erakutsi dute posible dela PSNrik... [+]


Ultraeskuinaren itzala Europako hemiziklo nagusian

Alderdi ultraeskuindar eta populistak indar handiz sartu dira euroganberan.Frantzian Fronte Nazionalak panorama politikoa astindu du, eta Espainian bipartidismoak galera itzela izan du.


2014-05-29 | Ane Lusarreta
Podemosen arrakastaren lau gako

Eduardo Muriel kazetariak Podemosek Europako hauteskundeetan izan duen arrakasta aztertu du La Marea hedabidean.


Eguneraketa berriak daude