"Gasolinazoaren" ondoren errepresioa Mexikon: dozena erdi hildako eta 1.500 atxilotu

  • Urte berriarekin batera Mexikon protesta eta mobilizazioak zabaldu egin dira “gasolinazo” izenez ezagun egin den prezio igoerari aurka egiteko. Gobernuak gasolinaren eta beste hainbat produkturen prezioa %20 garestitzearen ondorioz egindako protestetan poliziak sei pertsona hil ditu eta 1.500 inguru izan dira atxilotuak.

Iosu Alberdi Atxurra @atxurraa
2017ko urtarrilak 10
Mexiko Hirian eginiko manifestazioa. (Arg.: sinembargo.mx)

Gizarte eragile ugarik protestetarako deia egin dute eta Enrique Peña Nieto presidenteari erabakia bertan behera uzteko eskatu diote. Estatu guztietan eta Mexiko Hirian egin dira martxak, errepide mozketak eta bestelako ekintzak. Manifestariek azaldu dute, autoen erabiltzaileei ez ezik, “gasolinazoak” garraio publikoa erabiltzen dutenei edota oinarrizko produktuei eragiten diela.

Laborarien kolektiboek  ere parte hartu dute protestetan eta neurriek gizarte osoari eragiten dietela azaldu dute. Chihuahuako estatuan, esate baterako, Garapen Sozialerako Idazkaritza (Sedesol), Uraren Batzorde Nagusia (Conagua) eta Nekazaritza, Abeltzaintza, Landa Garapen, Arrantza eta Elikadurarako Idazkaritza (Sagarpa) hartu zituzten urtarrilaren 9an. Bertan lanean ari ziren hainbat langile kanporatu zituzten.

Manifestarien artean igoeraren oinarria ustelkeria dela zabaldu da eta Peña Nietoren administrazioaren erantzukizun falta kritikatu dute.

Erabakia berretsita

Bere aldetik, Peña Nieto presidenteak erabakia berretsi du, beste aukerak ziren “programa sozialak murriztea edo gasolinaren prezioa artifizialki mantentzea”. Presidenteak adierazi du kanpo faktoreek baldintzatu dutela igoera. Petrolioaren prezioaren igoera, dolarraren balio-irabaztea eta Mexikok inportatutako gasolinarekin duen dependentzia (%54)aurkeztu ditu arrazoi nagusi gisa.

Kanal hauetan artxibatua: Mexiko  |  Energiaren sektorea

Mexiko kanaletik interesatuko zaizu...
2017-08-07 | Axier Lopez
Venezuelako gobernua aldatzeko Mexiko eta Kolonbiarekin elkarlanean ari direla adierazi du CIAko zuzendariak

CIAko zuzendari Mike Pompeok elkarrizketa batean Venezuelaz esandakoak hautsak harrotu ditu. AEBek herrialde horretan dituen interesak eta gobernu aldaketaren alde lanean ari direla azpimarratzeaz gain, Kolonbia eta Mexikorekin elkarlanean ari direla adierazi du.


2017-08-07 | Lander Arbelaitz
AEBetako Poliziak metanfetamina edateko esan zion gazte mexikar bati, bi ordura hil zen

AEBetako mugako poliziek San Diegon Cruz Velazquez Acevedo izeneko 16 urteko mexikarrari metanfetamina likidoa edateko esan zioten, egunotan argitara eman den bideo batean ikus daitekeenez eta Democracy Now hedabidean jaso dutenez. Bi ordura hil zen gaztea.


2017-06-28 | ARGIA
Salvador Adame kazetari mexikarraren gorpua aurkitu dute

Mexikon Salvador Adame kazetariaren gorpua aurkitu dute Michoacán estatuan, bahitu zutetenetik hilabetera.


Haurrei debekatutako hotel eta jatetxeen ostean, orain zineak. Umefobia?

3 urtetik beherako umeei zinean sartzea debekatzeko neurriak hartu ditu Udalak Mazatlán hirian (500.000 biztanletik gorako hiri mexikarra). Haurrik gabeko gune gero eta gehiago eskaintzen diren garaiotan, polemika piztu du albisteak: lasaitasuna nahi duten helduak erakartzeko zilegi diren erabakiak ala umefobia?


Kooperatibak lurraldearen defentsarako lanabes

“Maseual identitatea bizitzeko modu bat da, sentitzeko modu bat, jokatzeko modu bat, nire bizitza da”. Horrela definitu du Maria Luisa Albórezek Tosepan Titataniske kooperatiben elkartea. 40 urteko ibilbidea duen mugimendua da Tosepan, kooperatibismoa, maseual identitatea eta lurraren defentsa oinarri dituena.


Mexikon herritarrek lortu dute erraustegi baten eraikuntza geldiaraztea

Mexikokon, herritarren presioz Tizayucan (Hidalgo) Valorsum konpainiak eraikitzen duen erraustegiaren lanak gelditu dituzte, haren legezkotasuna aztertu bitartean.


Javier Valdezi 12 bala eta kazetari bat gutxiago ustelak salatzen Mexikon

125 kazetari hil dituzte bortizki Mexikon 2000tik gaurdaino, aurten bertan zazpi. AEBak drogaz hornitzen dituen herrialdean, ustelkeriaren salda berean bizi dira agintari politikoak, konpainia handiak eta talde mafiosoak. Poliziak, militarrak eta sikarioak nahasten dira bere ekonomia nazioarteko itunen poderioz hondoratzen ikusi duen Mexiko honetan. Kazetariak hemen lekuko gogaikarriegiak dira.


Kazetari bat hil dute Mexikon, 2017ko seigarrena

Javier Valdez kazetaria hil dute, tiroz, Mexikoko Sinaloa estatuan. Narkotrafiko eta indarkerian aditua zen. Sei kazetari hil dituzte Mexikon azken bost hilabeteetan, eta 126 mende hasieratik.


Mexikoko Guerrero eta Oaxacan herritarrak armatu dira bizirauteko

Ofizialki narkotrafikoaren kontrako gerra bataiatu den sarraskiaren erdian, Mexikoko hainbat herrik auzolaneko polizia sortzera jo dute jendeen biziak eta etxeak zaintzeko agintari ustelek bidalitako militarren edo narkotrafikoaren sikarioen atzaparretatik. Policia Comunitario uniformea jantzirik, ia bi mila gizon eta emakume armatuk patruilatzen dituzte Guerrero eta Oaxacako eskualde askotako bide eta karrikak.


Abesti arrakastatsua jotzeari utzi diote kontzertuetan, indarkeria matxista sustatzen duelako

Kontzertuetan publikoak La ingrata abestia jotzeko eskatzen dieten arren, duela hilabete batzuetatik euren kantu arrakastatsuenetakoa jotzeari uko egin diote Café Tacvba talde mexikarreko kideek, abestiak sustatzen duen indarkeria matxistaren aurkako kontzientzia garatu dutelako urteotan.


Azkenak
EGILEA
Eguneraketa berriak daude