Gartxot bardoa omenduko dute
asteburuan Itzaltzun

  • Itzaltzun Gartxot koblakaria omenduko dute asteburuan urteroko legez. Gartxot ekimenak egitarau oparoa antolatu du larunbat eta iganderako. (Argazkia handiago ikusteko klikatu hemen).


2014ko urtarrilaren 17an - 00:00
Azken eguneraketa: 2015-02-26 13:37:33

Larunbatean, urtarrilak 18, 9:30tan abiatuko da herriko plazatik Gartxot hil zen Elkorretako kobara bisita. Gartxoten ibilbidea  14:30ean bazkari autegestionatua egonen da 16:30ean Gartxot ekimeneko batzarra egingo dute. 18:30ean Otxandategi abesbatzak kantu emanaldia eskainiko du Ezkarotzeko Ibar Etxean. 21:30ean Amaren Alabak taldearen emanaldia izanen da eta ondoren afari herrikoia.

Igandean 11:30ean joaldunekin kalejira abiatuko dute herritik. 12:00etan Euskara Jendea: gure hizkuntzaren historia, gure historiaren hizkuntza dokumentala eskainiko da egileen parte hartzearekin; ordu berean, haurrentzako txapa tailerra eginen dute. 14:30ean babajan herrikoia egonen da, eta bazkalostean Petti abeslari beratarrak kontzertua eskainiko du.

Arturo Kanpion, idazle nafarrak 1917an idatzitako "El bardo de Itzaltzu" (Itzaltzuko bardoa) lanarekin egin zen ezagun Gartxot, Erdi Aroko koblakariaren istorioa. Ondoren, Benito Lertxundik Itzaltzuko bardoa izeneko abestia eskaini zion.

2003an Gartxot komiki liburua argitaratu zuen ARGIAk Asisko Urmeneta, Jokin Larrea eta Marko Armspachekin batera. 2011ko azaroan Gartxot, konkista aitzineko konkista helduentzako marrazki bizidun filma estreinatu zen Asisko Urmeneta eta Juanjo Elordik zuzenduta.

Antzerkira ere eraman zuten Gartxoten kondaira eta Amorebieta-Etxanoko Gazteriak grabatuko bideoan ikusgai dago osorik.

 


Kanal honetatik interesatuko zaizu: Nafarroa
2024-03-25 | ARGIA
Baserrien zurezko egiturak berritzen ikasteko programa martxan jarri dute mugaz bi aldeetako erakundeek

"Baserriberri" du izena programak eta langabezian diren Euskal Herri osoko 12 ikasleri zurgintza formazioa emango die, erortzear diren baserriak berritzen ikas dezaten.


2024-03-22 | dantzan.eus
Duguna dantza taldearen erakusketa Iruñean, 75. urteurreneko ospakizunetan

Iazko azaroko Sansaturnino eguneko ospakizunak gibelean utzita, Iruñeko Duguna dantza taldeak 75. urteurreneko ekitaldiekin aitzina eginen du  martxo hondar eta apiril hastapenean. Ondorengo lerroetan taldeak berak azaltzen ditu ospakizunok.


Diego Yllanesi ukatu egin diote haren inguruko albisteak ezabatzea

Nagore Laffagen hilketaren harira, Diego Yllanesek ahaztua izateko eskubidea aldarrikatu du. Espainiako Auzitegi Nazionalak eskaerari uko egin, eta erabaki du informazio eta adierazpen askatasuna gailentzen zaizkiola.

 


Industria agortu eta gero, zer?

Beriain (Nafarroa), 1974ko otsaila. Potasas de Navarra enpresako langileek greba egin zuten, besteak beste, aurreko urtean Motor Ibérica lantegiko langileek egindako grebak bultzatuta. Ez zen, beraz, Nafarroako industriako lehen greba, ezta Potasasena ere. Baina Potasas... [+]


Nafarroako nekazaritza-ekoizpen ekologikoak lurren %25 kudeatu nahiko lituzke 2030ean

Nafarroako sektore ekologikoa egonkor mantendu da azken urtean eta nekazaritza ekoizpena %5 handitu da. Nafarroako Nekazal Produkzio Ekologikoaren Kontseiluak erronka du 2030. urterako: lurren %25 ekologikoa izatea. "Bide horretan ari gara lanean, ahalik eta nekazari eta... [+]


Eguneraketa berriak daude