Garraiolarien greba-txanda, traba handia Macronen martxan

  • Irailean, hainbat greba, manifestaldi eta mobilizazio iragarrita zeuden Frantzian, eta langileria erantzuten ari da. Atzo, garraiolariek gogor egin zuten Lan Kodearen erreformaren aurka. Garraiolariek erregaien geltokietan ondorio latzak eragin litzakete.     


2017ko irailaren 26an - 10:18
CGT eta FO sindikatuek deitutako mobilizazioek blokeoak eragin zituzten Frantziako errepide askotan. Argazkia: Philippe Chérel / Ouest-France.

Greba eta mobilizazioez gain, blokeoen tenorea iritsi da Hexagonora. Atzo, GCT eta FO sindikatuek garraio sektorean dei berezia egin zuten, baita garraiolariek fermuki erantzun ere. Bide-gidarien ustez, Lan Erreforma berriak garraio enpresa handietako txofer asko langabeziara kondenatzeaz gain, tokiko langileen baldintzak ahulduko ditu.

Atzoko mobilizazio eta blokeoek eragin zituzten bideko langileen iritzietan, garraio sektoreko patronalak “gezurrak” edota hitz “zehaztugabeak” erabili ditu euren aldarrikapenen aurrean.

Blokeoak Bretainia, Loira eta Normandian zabaldu ziren bereziki. Ondorioz, Frantziako Lan ministro Muriel Pénicaudek “errepidetako garraioaren afera arazo sakonekoa" dela onartu behar izan du. Ministroak “Lan Kodearen erreforma ezarri baino lehenagotik datozen konpondu gabekoak arazoak” daudela adierazi du ere bai.

Iragan igandean, Calvadoseko Falaise (Normandia) herriko erregaien estazio bat itxi zuten garraiolarien blokeoaren ondorioz. Garraio ministro Elisabeth Bornek onartu duenez, arazoa bideratu ezean, garraioaren aferak larriki eragin dezake eguneroko bide zirkulazioan eta elkarbizitzan.

Lan Kodearen erreformaren aurka fermuki abiatu diren sindikatuen eta gobernuaren arteko harremanak bideratu ezean, garraio sektoreak “larrialdi egoera”-ra eraman lezake Frantziako Estatua.   


Kanal honetatik interesatuko zaizu: Frantziako Lan Erreforma
Frantziako pentsio erreformaren aurkako grebak gero eta sektore gehiagoren babesa lortu du

Pentsioen erreforma kontserbadoreak eragindako herri mugimenduen grebak 44 egun bete ditu, eta milioitik gora pertsonako manifestazioak antolatu dituzte. Grebaren aldeko elkarretaratzeetan eta deialdietan izan den polizien indarkeria salatu dute.


2018-04-19
Ipar Euskal Herrian Macronen politikaren aurka protestan ari dira

Frantziako Estatuko presidente Emmanuel Macronek SNCF trenen enpresa publikoaren erreformaren aurka manifestazioak izan dira Ipar Euskal Herrian. Trenbideetako langileak, energiaren alorrekoak eta funtzionarioak atera dira kalera.


2017-09-24 | Juan Mari Arregi
"Munduko alferrok, batu zaitezte"

Milaka langile, frantziar zein euskaldun, kalean erakusten ari dira greba eta manifestazioekin Macronek Frantziako Estatu osoan inposatu nahi duen lan erreformaren kontra daudela.


2017-09-21 | Mikel Asurmendi
Mugarik gabeko ekimenak Santiago zubian Lan kodearen aurkako protestetan

Biriatuko autobideko ordainlekuan egindako protestekin abiatu dira Lan erreformaren aurkako ekimenak. Mobilizazio bateratua hasi aitzin, sindikatu batzuetako kideek ordainlekua blokeatu dute eskubide sozialak aldarrikatuz.


2017-09-21 | Mikel Asurmendi
Lan erreformaren aurkako mobilizazioek Hendaia eta Irun lotuko dituzte gaur goizean

Frantziako lehen ministroaren bisita iragarria bazen ere, Edouard Philippe ez da Hendaian izango. Haren ordez, estatu idazkari Julien Denormandie espero dute Herri txikien XX. Biltzarrean. Sindikatuek antolatutako mobilizazioek indarrean segitzen dute.


Eguneraketa berriak daude